უკანასკნელი გზავნილი აფეთქებისთვის განწირული ხომალდიდან, კატასტროფამდე ცოტა ხნით ადრე - "აქ ყველაფერი კარგად არის..."
2023 წლის 18 ივნისს, ამერიკული კომპანია OceanGate-ის წყალქვეშა ნავს, “ტიტანს” ხუთი ადამიანი ჩაჰყავდა ცნობილი ხომალდის, “ტიტანიკის” ფრაგმენტების დასათვალიერებლად. “ტიტანიკის”, რომელიც 1912 წელს, ატლანტის ოკეანში, აისბერგთან შეჯახების გამო ჩაიძირა.
ექსპედიცია დაახლოებით 4 ათასი მეტრის სიღრმეზე უნდა ჩასულიყო, მაგრამ მისი დაწყებიდან დაახლოებით 2 საათში აპარატთან კავშირი შეწყდა...
სამძებრო-სამაშველო მისიის შემდეგ, რომელმაც მთელი მსოფლიოს ყურადღება მიიპყრო, "ტიტანის" ნამსხვრევები იპოვეს ოკეანის ფსკერზე. "ტიტანიკიდან" დაახლოებით 300 მეტრის დაშორებით.
ხომალდი წყალში ჩაშვებიდან მალევე აფეთქდა, რადგან, სავარაუდოდ, ძლიერ წნევას ვერ გაუძლო. პულტით მართვად და გარედან დალუქულ თითქმის 7-მეტრიან წყალქვეშა ნავ "ტიტანისთვის“ ეს პირველი ექსპედიცია არ ყოფილა. ხომალდთან კავშირი 18 ივნისს, წყალში ჩაშვებიდან თითქმის ორ საათში გაწყდა.
მოგვიანებით წყალქვეშა აფეთქების შედეგად დაღუპული ფრანგი მკვლევარის ოჯახმა სარჩელი შეიტანა, რომელშიც ოჯახი წყალქვეშა ნავის ოპერატორ კომპანიას უხეშ დაუდევრობაში ადანაშაულებდა.
სულ ახალხან კი, სასამართლო მოსმენაზე ცნობილი გახდა, რომ გაშიფრეს წყალქვეშა ნავის ხუთკაციანი ეკიპაჟის ერთ-ერთი ბოლო შეტყობინება.
"აქ ყველაფერი კარგად არის..." - აშშ-ის სანაპირო დაცვის გამომძიებლებმა განაცხადეს, რომ სწორედ ეს შეტყობინება იყო ბოლო, რომელიც საბედისწერო ხომალდიდან გაიგზავნა, ხომალდის ჩაყვინთვიდან ერთი საათის შემდეგ.
მოსმენაზე პირველად აჩვენეს ასევე დისტანციურად მართვადი სატრანსპორტო საშუალებით გადაღებული სურათი, რომელზეც ჩანს "ტიტანის" კუდის კონუსი ზღვის ფსკერზე, აფეთქების შემდეგ.
გამომძიებლებმა წარმოადგინეს მოგზაურობის რეკონსტრუქცია, მათ შორის ტექსტური შეტყობინებები ტიტანსა და გემ Polar Prince-ს შორის, სწორედ ამ უკანასკნელიდან იმართებოდა წყალქვეშა ნავი,
ოფიციალურმა პირებმა წარმოადგინეს "ტიტანის" მიმოხილვა, აღნიშნეს რა, რომ მისი კორპუსი არასდროს ყოფილა მესამე მხარის მიერ შემოწმებული და ინახებოდა ისე, რომ ამინდისა და სხვა ელემენტების ზემოქმედების ქვეშ იყო.
გარდა ამისა, მათ ხაზი გაუსვეს სერიოზულ პრობლემებს, რომლებიც წყალქვეშა ნავს ჰქონდა კატასტროფამდე ჩატარებული ექსპედიციებისას. 2021 და 2022 წლებში, "ტიტანიკის" დასათვალიერებელი 13 ჩაყვინთვის განმავლობაში, მას აღჭურვილობის 118 პრობლემა ჰქონდა.
OceanGate-ს, ხომალდის მწარმოებელ კომპანიას, ადრეც დაუსვეს კითხვები მისი დიზაინის არჩევანზე, უსაფრთხოების ისტორიაზე და რეგულაციებთან შესაბამისობაზე.
ტონი ნისენმა, კომპანიის ყოფილმა საინჟინრო დირექტორმა განაცხადა, რომ მტკიცებულებები, რომლებიც მან ნახა, იყო "შემაშფოთებელი... პროფესიულად და ადამიანურადაც".
ნისენმა განაცხადა, რომ სტოკტონ რაში, OceanGate-ის გარდაცვლილი გენერალური დირექტორი, რომელიც "ტიტანის" ბორტზე იმყოფებოდა, წყვეტდა ძირითად საინჟინრო საკითხებს და მასთან მუშაობა რთული იყო.
OceanGate-მა შეაჩერა ყველა საკვლევი და კომერციული ოპერაცია ტრაგედიის შემდეგ.
შეგახსენებთ, 16 ორშაბათს 15-თვიანი გამოძიების პირველი საჯარო ფაზა დაიწყო.
რაშთან ერთად, დაღუპული წყალქვეშა ნავის ბორტზე ასევე იმყოფებოდნენ: ბრიტანელი მკვლევარი ჰამიშ ჰარდინგი, გამოცდილი ფრანგი მყვინთავი პოლ ანრი ნარჟოლე, ბრიტანელ-პაკისტანელი ბიზნესმენი შაჰზადა დაუდი და მისი 19 წლის ვაჟი სულემანი. წყარო
იხილეთ ასევე: