ხვალ ძიუდოს ნაკრები გუნდურ ასპარეზობაში ჩაერთვება - დისკვალიფიცირებულ გურამ თუშიშვილს ილია სულამანიძე შეცვლის

2024 წლის პარიზის ოლიმპიადაზე ინდივიდუალური ასპარეზობის შემდეგ 3 აგვისტო ძიუდოში გუნდურ შეჯიბრებას დაეთმობა.

საქართველოს ნაკრებს, მინიმუმ, ბრინჯაოს მედლისთვის ბრძოლა ნამდვილად შეუძლია. გურამ თუშიშვილის დისკალიფიკაციის გამო, მის ადგილს ილია სულამანიძე დაიკავებს და ასპარეზობა ყველაზე მაღალ წონაში (+90 კგ) მოუწევს.

3 აგვისტოს ჩვენი ეროვნული გუნდი პირველ წრეში ისვენებს და საქმეში პირდაპირ მერვედფინალიდან ჩაერთვება, სადაც იტალიასა და უნგრეთს შორის გამარჯვებულს დაუპირისპირდება.

გუნდური შეჯიბრება ჩვენი დროით 10:00 საათზე დაიწყება. მერვედფინალიდან იასპარეზებენ უზბეკეთისა და კანადის ნაკრებები. თუკი ლაშა გუჯეჯიანის გუნდი მომდევნო ეტაპზე გავა, სწორედ ამ წყვილში საუკეთესოს შეეჯიბრება.

<div class="palettepq_container" data-href="https://myquiz.ge/quiz/view/8auV4sM2gBXctw/" data-palettepq="8auV4sM2gBXctw"><span style="display: none;">myquiz</span></div>