მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გული ჩამწყდა, რომ გავიგე ჩემი ძმის მკვლელობა შერჩა, შინ მივა და ოჯახს ჩაეხუტება... კრასიკოვის სახით "კარგი ჩიტი" გაუშვეს ხელიდან ევროპის ქვეყნებმა" - ზელიმხან ხანგოშვილის ძმა
11:33 / 02-08-2024
დასავლეთსა და რუსეთს შორის პატიმართა დიდი გაცვლა მოხდა. პუტინმა ერთ-ერთი ყველაზე გავლენიანი ოპოზიციონერი და მისი კრიტიკოსი ვლადიმერ კარამურზა გაათავისუფლა. მასთან ერთად საპყრობილე დატოვა მისი მთავარი პოლიტიკური მოწინააღმდეგის, ალექსეი ნავალნის თანამებრძოლმა ილია იაშინმა...
- ანკარაში რუსეთსა და დასავლეთს შორის სულ 26 დაკავებული პირი გაცვალეს. რუსეთი გათავისუფლებული უფლებადამცველების, პოლიტიკოსების, ჟურნალისტების და სამხედროების სანაცვლოდ მიიღებს ჯაშუშებს, ქილერებსა და ტერორისტებს, რომლებიც შვიდი სხვადასხვა ქვეყნის საპატიმროებში იმყოფებოდნენ - აშშ-ში, გერმა-ნიაში, პოლონეთში, სლოვენიაში, ნორვეგიაში, რუსეთსა და ბელარუსში.
პუტინი რახანია "Wall Street Journal"-ის რეპორტიორ ევან გერშკოვიჩის სანაცვლოდ ზელიმხან ხანგოშვილის მკვლელის ვადიმ კრასიკოვის გერმანიის ციხიდან გათავისუფლებას ითხოვდა. ეს პირობა ბოლომდე ძალაში დარჩა და ქილერი კრასიკოვი მალე თავისუფალი იქნება. ამ ინფორმაციას დიდი პროტესტი მოჰყვა გერმანულ მედიაში. ზელიმხანის მკვლელ FSB-ს მაღალი რანგის ოფიცერს სამუდამო პატიმრობა ჰქონდა მისჯილი. მიუხედავად იმისა, რომ კილერის გაცვლაზე პუტინმა ჯერ კიდევ ალექსეი ნავალნის სიცოცხლეშივე დაიწყო საუბარი, ზელიმხან ხანგოშვილის ძმისთვის ეს ფაქტი მოულოდნელი აღმოჩნდა.
"როგორც ჩანს, პუტინს ძვირად უღირს კრასიკოვი, მისთვის ძალზე მნიშვნელოვანი ფიგურა იყო“ - გვეუბნება მოკლულის ძმა ზურაბ ხანგოშვილი.
"კრასიკოვს სამუდამო პატიმრობა ჰქონდა მისჯილი და გაცვალეს. მისი მიღების სანაცვლოდ პუტინმა ათამდე პოლიტპატიმარი გაათავისუფლა, რომლებიც რუსეთის, ბელორუსის და სხვა ციხეებში ისხდნენ. ეს ინფორმაცია მეც საიტებიდან გავიგე, მერე ადვოკატმა მომწერა და დამიდასტურა, სიმართლეაო. რას ვიზამთ, ამ სიტუაციაში უძლურები ვართ. საწყენი ისაა, ჩვენ რომ არავინ არაფერს გვეკითხება. ეთქვათ, რომ მოხდა პოლიტიკური გარიგება, რომ ამ ქილერსა და ტერორისტში ამდენ პატიმარს უშვებდნენ, ჩვენც ადამიანები ვართ, გავიგებდით, დავთანხმდებოდით, მაგრამ სამწუხაროა, რომ არაფერს გეუბნებიან, საქმის კურსშიც არ გვაყენებენ. იმას მაინც ვიტყოდით, აი, რამედ ჩაგვთვალეს და ჩვენი აზრიც აინტერესებდათ...
ძმა მომიკლეს, მისი შვილები ობლად დატოვეს, ჩემი ძმის მკვლელი კი წავა სახლში და მის შვილებს ჩაეხუტება... ვფიქრობ, კრასიკოვს ისეთი ინფორმაციები ჰქონდა, პირი რომ გაეღო, შეიძლება სერიოზული დანაშაულებრივი ეფესბეშნიკების გერეუშნიკების ქსელი გაეშიფრათ გერმანელებს, ვფიქრობ, მგონია, "კარგი ჩიტი" გაუშვეს ხელიდან. ის რომ ალაპარაკებულიყო, ბევრ რამეს გაშიფრავდნენ ევროპის ქვეყნებში და სხვაგანაც. პუტინმა ამ ხალხისთვის მესიჯი გაუშვა, ნურაფრის გეშინიათ, დაგიჭერენ, გამოგიყვანთ, იმოქმედეთო.
პუტინს ჯერ კიდევ ნავალნის დროს უნდოდა კრასიკოვის დახსნა, სხვა ქსელები რომ არ გაშიფრულიყო და საიდუმლო ინფორმაციები არ გამოაშკარავებულიყო, ასევე, ისიც არ გარკვეულიყო, ვინ მისცა კრასიკოვს ჩემი ძმის მკვლელობის საქმე და იარაღი, ვინ დაეხმარა... მან მკვლელობა შეასრულა და ეს ვიცით, მაგრამ დანარჩენს ალბათ ვერ გავიგებთ, გამოძიება აღარ გაგრძელდება და საქმე დაიხურება, არ ვიცი... რომ გავიგე, ჩემი ძმის მკვლელს ათავისუფლებდნენ, გული ჩამწყდა. თან რომ წარმოვიდგინე, მას ჩემი ძმის მკვლელობა შერჩა, მკვლელი შინ მივა, თავის ოჯახს ჩაეხუტება... უსამართლობის და დაუსჯელობის განცდა გამიჩნდა. რას ვიზამთ, უძლურები ვართ ...
ადვოკატი ყოველთვის მარწმუნებდა, სანამ სასჯელის ნახევარს არ მოიხდის, ჩვენი კანონმდებლობით, პატიმრის გათავისუფლება არ შეიძლება, მსგავსი არაფერი იქნებაო, მაგრამ თურმე კანონის გარეშეც შეიძლება რაღაცეების გაკეთება... მთავრობაა და როცა უნდა და რასაც უნდა, იმას გააკეთებს, კანონსაც გვერდს აუვლიან, გადაუხვევენ და გადმოუხვევენ, ყველაფერი ამათ ხელში არ არის?".
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
