მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ არის საერთაშორისო ნეონაცისტური ჯგუფის ქართველი ლიდერი, რომელიც აშშ-ში დააკავეს? - ის მოწამლული ტკბილეულით ებრაელი ბავშვების მასობრივ მკვლელობას გეგმავდა
12:50 / 17-07-2024
ნიუ იორკის იუსტიციის დეპარტამენტის განცხადებით, ბრალი წარუდგინეს აღმოსავლეთ ევროპაში დაფუძნებული ნეონაცისტური ექსტრემისტული დაჯგუფების ლიდერს - მას ბრალად ედება მასობრივი მკვლელობის დაგეგმვა. კონკრეტულად კი, გამოძიების ინფორმაციით, ბრალდებული გეგმავდა, თანამოაზრე სანტა კლაუსის ფორმაში გამოეწყო და ებრაელი ბავშებისთვის მოწამლული ტკბილეული დაერიგებინა.
სამართალდამცველთა მტკიცებით, მიზანი შიშისა და ტერორის დათესვა იყო.
გამოძიების ინფორმაციით, საუბარია 21 წლის მიხეილ ჩხიკვიშვილზე საქართველოდან, მას მასობრივი დანაშაულის ორგანიზებას ედავებიან.
- როგორც AP წერს, ჩხიკვიშვილს სხვადასხვა მეტსახელი აქვს, მათ შორის არის "მეთაური ყასაბი". პროკურორების ცნობით, ჩხიკვიშვილი, სავარაუდოდ, ხელმძღვანელობს აღმოსავლეთ ევროპაში "მანიაკ-მკვლელთა კულტის“ სახელწოდებით ცნობილ სასტიკ საერთაშორისო ექსტრემისტულ დაჯგუფებას, რომელიც მისდევს "ნეონაცისტურ აქსელერაციონისტურ იდეოლოგიას, ხელს უწყობს ძალადობას და ძალადობრივ ქმედებებს, რასობრივი უმცირესობების, ებრაული თემისა და სხვათა მიმართ - იმ ჯგუფების წინააღმდეგ, რომლებიც მათ არასასურველად მიაჩნიათ".
ჯგუფის მიზანია, დაარღვიოს სოციალური წესრიგი ტერორიზმისა და ძალადობრივი ქმედებების საშუალებით, შექმნას საზოგადოებაში ქაოსი და დათესოს შიში.
- როგორც გამოძიების დოკუმენტებით ირკვევა, ჩხიკვიშვილი მას შემდეგ დააკავეს, რაც ცნობილი გახდა, რომ ცდილობდა ერთ-ერთი სამართალდამცველის გადაბირებას და ისეთი დანაშაულებრივი ქმედების ჩადენაზე დათანხმებას, როგორებიცაა აფეთქებების მოწყობა და ხანძრების გაჩენა.
პროკურორების თქმით, ჩხიკვიშვილმა 2023 წლის ნოემბერში დაიწყო გეგმის შედგენა ნიუ იორკში "მასობრივი მსხვერპლის“ მისაღებად.
"სქემა ასეთი იყო, პირს, რომელიც ჩაიცვამდა სანტა კლაუსის ფორმას, მოწამლული ტკბილეული უნდა დაერიგებინა რასობრივი უმცირესობებისთვის და ბავშვებისთვის ბრუკლინის ებრაულ სკოლებში“, - ნათქვამია იუსტიციის დეპარტამენტის განცხადებაში.
მათივე ცნობით, მან შეადგინა ნაბიჯ-ნაბიჯ ინსტრუქციები სქემის განსახორციელებლად და იმ სამართალდამცველს გაუზიარა, რომლის გადაბირებასაც გეგმავდა.
- პროკურორების თქმით, 2021 წლის სექტემბრიდან ჩხიკვიშვილი ავრცელებს მანიფესტს სახელწოდებით "მოძულეთა სახელმძღვანელო“, რომელშიც ნათქვამია, "მოკალი თეთრი რასისთვის“ და ამ ქმედებისკენ სხვებს მოუწოდებს.
"სხვა საკითხებთან ერთად, სახელმძღვანელო თავის მკითხველს მოუწოდებს, მოაწყონ მასობრივი სროლა სკოლებში, გამოიყენონ ბავშვები თვითმკვლელ ტერორისტებად და მასობრივი მკვლელობების განსახორციელებლად, რომელიც მიმართულია რასობრივი უმცირესობების წინააღმდეგ.
დოკუმენტი აღწერს მასობრივი ტერორისტული თავდასხმების ჩადენის მეთოდებსა და სტრატეგიებს", - ნათქვამია იუსტიციის დეპარტამენტის განცხადებაში.
ოფიციალური პირების თქმით, ჩხიკვიშვილი 2022 წელს მინიმუმ ორჯერ გაემგზავრა ნიუ-იორკში და დარჩა ბებიასთან ბრუკლინში.
ბრალის დამტკიცების შემთხვევაში, ჩხიკვიშვილს 20 წლით თავისუფლების აღკვეთა ემუქრება ძალადობრივი დანაშაულის ორგანიზებისთვის, 5 წლით თავისუფლების აღკვეთა ძალადობრივი დანაშაულების მოთხოვნისთვის, 20 წლით - ასაფეთქებელი მოწყობილობების დამზადებისა და გამოყენების შესახებ ინფორმაციის გავრცელებისთვის და კიდევ 5 წლით - სხვა პირებთან მუქარის შემცველი კომუნიკაციისთვის.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
