მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ ეხმაურება მეთიუ მილერი რუსული დაზვერვის ინფორმაციას, რომ აშშ საქართველოში ხელისუფლების შეცვლას გეგმავს
09:14 / 10-07-2024
რუსეთის ბრალდებები სრული სიცრუე და აბსურდია, საკმაოდ ირონიულია, რომ ამ ბრალდებებს აკეთებს ქვეყანა, რომელსაც ახლა საქართველოს ტერიტორიის 20 პროცენტი აქვს ოკუპირებული, - ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა ბრიფინგზე განაცხადა.
- მილერი გამოეხმაურა რუსეთის საგარეო დაზვერვის მიერ გამოქვეყნებულ განცხადებას, თითქოს აშშ საქართველოში რეჟიმის ცვლილებას გეგმავს და თითქოს ბაიდენის ადმინისტრაციამ ფართო მასშტაბის საინფორმაციო კამპანია მოამზადა მმართველი “ქართული ოცნების” პარტიის დისკრედიტაციისთვის.
“საკმაოდ ნათელია, რომ ეს სრული სიცრუეა. რუსეთი პირველად არ აკეთებს მსგავს ბრალდებებს აშშ-ის ჩართულობასთან დაკავშირებით საქართველოში და მსოფლიოს მასშტაბით სხვა ქვეყნებში, რაც სრული სიცრუე და აბსურდი იყო. აღვნიშნავ იმ ირონიას, რომ ქვეყანა - რუსეთი - რომელიც არალეგალურად ახდენს საქართველოს ტერიტორიის 20 პროცენტის ოკუპაციას ახლა, როცა ჩვენ ვსაუბრობთ, ასეთ ბრალდებებს აკეთებს სხვა ქვეყანასთან დაკავშირებით”, - განაცხადა მილერმა.
გუშინ რუსეთის საგარეო დაზვერვის სამსახურმა გაავრცელა ინფორმაცია, რომ ვაშინგტონს საქართველოში ხელისუფლების შეცვლა აქვს გადაწყვეტილი.
“საგარეო დაზვერვის სამსახურის მიერ მიღებული ინფორმაცია მიუთითებს ვაშინგტონის მტკიცე გადაწყვეტილებაზე, საქართველოში მიმდინარე წლის 26 ოქტომბერს ქვეყანაში დაგეგმილი საპარლამენტო არჩევნების შედეგების საფუძველზე, ხელისუფლების ცვლილებას მიაღწიოს“, - აცხადებს რუსეთის საგარეო დაზვერვის სამსახურის პრეს-ბიურო.
რუსეთის საგარეო დაზვერვის სამსახურის ცნობით, აშშ-ის პრეზიდენტის ადმინისტრაციამ “ქართული ოცნების“ დისკრედიტაციის მიზნით საინფორმაციო კამპანია უკვე შეიმუშავა.
“ჯო ბაიდენის ადმინისტრაციამ მმართველი პარტიის “ქართული ოცნების“ დისკრედიტაციის მიზნით ფართომასშტაბიანი საინფორმაციო კამპანია უკვე შეიმუშავა“, - აღნიშნეს რუსეთის საგარეო დაზვერვის სამსახურში.
- რუსეთის საგარეო დაზვერვის სამსახურის განცხადებით, „გათვალისწინებულია აქციის მონაწილეთა შორის „საკრალური მსხვერპლი“, რომელიც „ხალხის რისხვას“ უსაფრთხოების ძალებისკენ მიმართავს“.
„ამერიკელ ოსტატებს პროვოკაციების დიდი გამოცდილება აქვთ. საკმარისია გავიხსენოთ მაიდანი ათი წლის წინ, სადაც ასობით ადამიანი, მათ შორის, ქართველი დაქირავებული სნაიპერების მიერ დახვრეტილი, „დემოკრატიის სამსხვერპლოზე“ დაასვენეს“, - აღნიშნეს რუსეთის საგარეო დაზვერვის სამსახურში.
ასევე, რუსეთის საგარეო დაზვერვის სამსახურში განაცხადეს, რომ ანტისამთავრობო განწყობების გაღვივებაში მთავარი როლი სალომე ზურაბიშვილმა უნდა ითამაშოს.
"როგორც „ვაშინგტონელ რეჟისორებს“ აქვთ ჩაფიქრებული, სახელმწიფოს მეთაური ერთ-ერთ ამერიკულ მედიასაშუალებას ინტერვიუს მისცემს, რომელშიც საქართველოს მთავრობას თბილისის ევროკავშირში გაწევრიანების მოლაპარაკების პროცესის დეგრადაციაში დაადანაშაულებს და ფართო საზოგადოებას „მოსკოვთან დაახლოების კატასტროფული შედეგებისა“ და რუსეთიდან რელოკანტების მიერ საქართველოსთვის მიყენებული ზიანის შესახებ გააფრთხილებს. ამავდროულად, ვაშინგტონი ზურაბიშვილის მეშვეობით „ქართული ოცნებისთვის“, ოპოზიციის მხრიდან ამომრჩევლების გარკვეული სახის პოლიტიკური სიურპრიზისთვის მომზადებას აპირებს, რაც საბოლოოდ შეიძლება მორიგი ფერადი რევოლუცია აღმოჩნდეს“, - აცხადებენ რუსეთის საგარეო დაზვერვის სამსახურის პრეს-ბიუროში.
მკითხველის კომენტარები /
41 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აშშ-ს ფინანსური დახმარება ზღვაში წვეთია, 30 წლის განმავლობაში თითო სულზე დღეში 28 თეთრია და უმეტესობა სააკაშვილმა და მისმა კამანდამ მიითვისა, დღეში 28 დოლარი კი ხელიდან გაგვაშვებინეთ და დაგვაკავებინეთ ერდოღანის შავი ყვაჯები ლიუდმილა ივანოვნას თეთრი კოკორკვირტების ნაცვლად! ჩვენი ემიგრაცია ამდენივე ხანია ყოველ წელს ორ მილიარდს გზავნის, ადარებთ მასშტაბს? მაშ ვის შეუნახავს საქართველო, ამერიკას, ევროპას, სავალუტე ფონდს, თუ მსოფლიო ბანკს!? ემიგრაციას შეუნახავს! და, აქ რომ იმუშავებოდეს, იქიდან კი არ გამოგზავნიდა, აქ შექმნიდა ათჯერ მეტს! ნაბიჯი არ გადაგიდგამთ აქ დემოკრატიის და თავისუფალი კონკურენციის საბაზრო ეკონომიკის დასამკვიდრებლად, თქვენ აჯეჯილეთ ნაცმო ეიფილირებულ დესტრუქციულ ანტიეროვნულ ენჯეოებიანად, რომელთაც აიფარედ "დემოკრატიის შირმა" , თქვენ რომ მიაკერეთ და დაამყარეს სისხლიანი დიქტატურა, რომლის არსებობის დანახვა ჯიუტად არ გინდათ და მის აღსადგენად იღწვით, ეს მტრობაა და არა მეგობრობა! პუტინისათვის პწკენებით აგიხვიათ თვალები სააკაშვილმა და ქვეყნის ტერიტორიების 20% და ეკონომიკის ფლაგმანები გადასცა მას, ამაში 4 მილიარდი დოლარი აგაფცქვნათ და მიითვისა! ჩვენ მოგეცით ჩვენი მეომრების სიცოცხლე, მისი ფასი ვერ დადგინდება ფულით, გედექით გვერდით, თქვენ სააკაშვილის გვერდით დგახართ?!
გიმლერი