სილქნეტი და ევროპული სატელეკომუნიკაციო გიგანტი Orange სტრატეგიული ალიანსის შესახებ განცხადებას ავრცელებენ
2024 წლის 3 ივნისს, პარიზში, გლობალური ტელეკომუნიკაციების ლიდერ კომპანია Orange-ის ოფისში, Orange Alliance-ის პროგრამის ფარგლებში, ხელი მოეწერა სილქნეტს და Orange-ს შორის სტრატეგიული პარტნიორობის დოკუმენტს. სტრატეგიული თანამშრომლობა საშუალებას აძლევს სილქნეტს მეტად განავითაროს ფიზიკური და იურიდიული პირების სატელეკომუნიკაციო და ციფრული მომსახურება Orange-ის მრავალწლიანი გამოცდილების და ინოვაციური პლატფორმების დახმარებით.
პარტნიორობის ფარგლებში სილქნეტი მიიღებს წვდომას სატელეკომუნიკაციო და ციფრულ სექტორში Orange-ის მიერ დაგროვილ ცოდნასა და გამოცდილებაზე, რომელიც უკვე ათწლეულებია ლიდერობს ინდუსტრიაში მსოფლიო მასშტაბით და ნერგავს ინოვაციურ ტექნოლოგიებს.
აღნიშნული თანამშრომლობა მნიშვნელოვნად გააუმჯობესებს იურიდიული პირებისთვის თანამედროვე ციფრულ მომსახურებებს (B2B ICT სერვისები) - ღრუბლოვანი მომსახურება, კიბერუსაფრთხოება, მართული მომსახურება (managed services) და ა.შ. - და დაეხმარება საქართველოში ციფრული ტრანსფორმაციის პროცესს.
Orange, როგორც სატელეკომუნიკაციო ბაზრების აღიარებული ლიდერი, აღმოუჩენს სილქნეტს სრულ საოპერაციო მხარდაჭერას, როგორც საკუთარი ცოდნის გაზიარების, ასევე, თავის სპეციალისტებთან და სტრატეგიულ პარტნიორებთან დაკავშირების მეშვეობით, რაც აუცილებელია მძლავრი სატელეკომუნიკაციო ინფრასტრუქტურის გასავითარებლად. ფიზიკური პირების მომსახურების სფეროში Orange-ის სერვისების და პროდუქტების ფართო ასორტიმენტზე წვდომა, ასევე მოიცავს, მოწინავე ტექნოლოგიური პლატფორმების გამოყენებას, რაც სატელეკომუნიკაციო სივრცის შემდგომ განვითარებას ემსახურება.
სილქნეტი და Orange გააგრძელებენ თანამშრომლობას აღნიშნული პარტნიორობის კიდევ უფრო გაფართოების მიმართულებით სილქნეტის აბონენტებისთვის მომსახურების მუდმივი გაუმჯობესების მიზნით.
პარიზში სტრატეგიული ალიანსის დოკუმენტს ხელი მოაწერეს სილქნეტის მხრიდან სამეთვალყურეო საბჭოს თავმჯდომარემ, გიორგი რამიშვილმა და Orange-ის მხრიდან აღმასრულებელმა ვიცე-პრეზიდენტმა, ტექნოლოგიებისა და ინოვაციების მიმართულების დირექტორმა, ბრუნო ზერბიბმა.
„მოხარული ვარ, რომ სილქნეტსა და ევროპულ სატელეკომუნიკაციო გიგანტ Orange-ს შორის ათ წელიწადზე მეტი ხნის მჭიდრო და წარმატებული თანამშრომლობა გადაიზარდა სტრატეგიულ ალიანსში, რომელიც აღნიშნავს ახალ ეტაპს სილქნეტის ციფრული ეკოსისტემის განვითარებაში. ეს სტრატეგიული პარტნიორობა გვაძლევს შესაძლებლობას შევთავაზოთ მომხმარებელს უახლესი ინოვაციური ტექნოლოგიები, პროდუქტები და მომსახურება. დარწმუნებული ვარ, რომ სილქნეტის სტრატეგიული ალიანსი ერთ-ერთ უმსხვილეს გლობალურ კონგლომერატთან, როგორიცაა Orange, შემოიტანს უმაღლეს ხარისხს და ინდუსტრიის უახლეს მიღწევებს, როგორც ქართულ, ასევე რეგიონულ სატელეკომუნიკაციო ბაზრებზე“. - განაცხადა გიორგი რამიშვილმა, სილქნეტის სამეთვალყურეო საბჭოს თავმჯდომარემ.
“Orange მოხარულია კიდევ უფრო გააძლიეროს სილქნეტთან თანამშრომლობა Orange Alliance პროგრამის მეშვეობით. Orange-ის გამოცდილების, პროდუქტებისა და პლატფორმების გამოყენება გაზრდის სილქნეტის ღირებულებას საქართველოს სატელეკომუნიკაციო ბაზარზე. ჩვენი ინოვაციური სტრატეგიის უმთავრესი ამოცანაა მასშტაბური პლატფორმების შექმნა და ჩვენი პარტნიორებისთვის მათზე მზარდი წვდომის უზრუნველყოფა. ჩვენი გუნდი მზად არის წინსვლისათვის სილქნეტთან ერთად და წარმატებული პარტნიორობისთვის.“ - განაცხადა ბრუნო ზერბიბმა - Orange-ის აღმასრულებელმა ვიცე-პრეზიდენტმა, ტექნოლოგიებისა და ინოვაციების მიმართულების დირექტორმა.
სილქნეტის შესახებ
სილქნეტი საქართველოს ფიქსირებული და მობილური კავშირის წამყვანი პროვაიდერია. კერძო და იურიდიულ პირებს სთავაზობს სრულ სატელეკომუნიკაციო მომსახურებას, როგორიცაა მობილური და ფიქსირებული სატელეფონო და ინტერნეტ კავშირი და ფასიანი სატელევიზიო სერვისი. სილქნეტს გააჩნია მსხვილი სააბონენტო ბაზა საქართველოში: მობილურ ქსელში 1,88 მლნ აბონენტი, 150 000 მომხმარებელი ფიქსირებულ ქსელში; 343 000 - ფართოზოლოვან ფიქსირებული ქსელში; 251 000 - ფასიან სატელევიზიო ქსელში (31/03/2024 პერიოდის მონაცემებით). სილქნეტს Fitch-ის რეიტინგით მინიჭებული აქვს B1/Stable Moody's და B +/სტაბილური. სილქნეტი კავკასიის წამყვანი საინვესტიციო ჰოლდინგის - სილქ როუდ ჯგუფის წევრია.
www.silknet.com;
Orange -ს შესახებ
Orange მსოფლიოს წამყვანი სატელეკომუნიკაციო ოპერატორია. Orange ჯგუფი აერთიანებს 282 მლნ კლიენტს მსოფლიოს მასშტაბით (2024 წლის მარტის მონაცემები), მათ შორის 243 მლნ მობილური ქსელის და 21 მლნ ფიქსირებული ქსელის მომხმარებელს. Orange ჯგუფი ოპერირებს 26 ქვეყანაში. ბრენდით Orange Business არის გლობალური IT და სატელეკომუნიკაციო სერვისების მიმწოდებელი.
www.orange.com; www.orange-business.com
R