"არასწორია ოჯახზე და მართლმადიდებლობაზე ღლიცინი" - რას წერს გოგა ჩანადირი?

დღეს, საქართველოში, ოჯახის სიწმინდის დღე აღინიშნება. საქართველოს მთავრობის დადგენილებით, ამ დღესთან დაკავშირებით, 17 მაისი უქმე დღედ გამოცხადდა. ფოტოგრაფი გოგა ჩანადირი სოციალურ ქსელში წერს, რომ არასწორია მართლმადიდებლობაზე და ოჯახზე სიცილი, რადგან სწორედ ეს რწმენა და ოჯახია სახელმწიფოს ქვაკუთხედი.

გოგა ჩანადირი:

- არასწორია ოჯახზე და მართლმადიდებლობაზე ღლიცინი. ოჯახი სახელმწიფოს ქვაკუთხედია.ზნეობრივი ოჯახი ზნეობრივ სახელმწიფოს ნიშნავს. ოჯახის გარეშე ქვეყანა ვერ განვითარდება.მართლმადიდებლობა კი ქართველთათვის რწმენა, ხელოვნება და ისტორიაა.

ამ რწმენას, ხელოვნებასა და ისტორიას მეფე მირიანთან, ვახტანგ გორგასალთან, არჩილ მეფესთან, დავით და კონსტანტინესთან, თორნიკე ერისთავთან, გიორგი მთაწმინდელთან, აღმაშენებელთან, თამარ მეფესთან, ასი ათას მოწამესთან, გარეჯელ მოწამეებთან, ქეთევან დედოფალთან, თევდორე მღვდელთან, დიმიტრი ყიფიანთან, ილია ჭავჭავაძესთან, ამბროსი ხელაიასთან, ექვთიმე თაყაიშვილთან და სხვა არაერთ უდიდეს ზნეობრივ ადამიანთან მივყავართ.

ოჯახი და სარწმუნოება ნამდვილად არ არის საღლიცინო და ნურც უცხოელები მისცემენ უფლებას საკუთარ თავს, აუგად მოიხსენიონ ჩვენი ფასეულობები.

წაიკითხეთ ასევე:

• "ცხენზე ამხედრებული მეოჯახეები ისე იმუქრებიან, სხვისი ოჯახების დასარბევად შემართულებს ჰგვანან... ნუ იბრიქებით, სადამსჯელო რაზმების დღესასწაული დაარქვით" - ნათია ფანჯიკიძე