"ეს იყო ძალადობის საშინელი აქტი, გამიზნული უდანაშაულო ხალხის მიმართ" - უმძიმესი დღე ავსტრალიაში: სავაჭრო ცენტრში დანით შეიარაღებულმა პირმა რამდენიმე ადამიანი მოკლა

ავსტრალიელმა პოლიციელმა სასიკვდილოდ დაჭრა დანით შეიარაღებული მამაკაცი, რომელმაც სიდნეის სავაჭრო ცენტრში 5 ადამიანი მოკლა და რამდენიმე დაჭრა - დაშავებულთა შორის ბავშვებიც არიან - შემთხვევა შაბათს, ნაშუადღევს მოხდა.

შემთხვევის შესახებ პოლიციას მალევე შეატყობინეს. ქალმა პოლიციელმა ეჭვმიტანილს ცეცხლი გაუხსნა, რის შედეგადაც იგი ადგილზე გარდაიცვალა.

ავსტრალიის პრემიერ-მინისტრმა მისი გამბედაობა შეაქო - ”ის, რა თქმა უნდა, გმირია. ეჭვგარეშეა, რომ მან სიცოცხლე გადაარჩინა“, - თქვა ალბანესმა.

ავსტრალიური მედიის ცნობით, 38 წლის დედა, რომლის 9 თვის ბავშვი თავდასხმის შედეგად დაჭრეს, რამდენიმე საათის შემდეგ საავადმყოფოში გარდაიცვალა. ბავშვის მდგომარეობა ჯერჯერობით უცნობია. ხელისუფლების განცხადებით, დანაშაულის მოტივი გაურკვეველია, თუმცა არ გამორიცხავენ, რომ საქმე ტერორიზმთან ჰქონდეთ. ვარაუდობენ, რომ თავდამსხმელი მარტო მოქმედებდა.

"ეს იყო ძალადობის საშინელი აქტი, გამიზნული უდანაშაულო ადამიანების მიმართ" - განაცხადა ქვეყნის პრემიერ-მინისტრმა.