"ძა­ლი­ან რთუ­ლი მდგო­მა­რე­ო­ბაა უკ­რა­ი­ნა­ში, ძა­ლი­ან ბევ­რი ია­რა­ღი და საბ­რძო­ლო მა­სა­ლა გვაკ­ლია, რის გა­მოც შე­ტე­ვით ოპე­რა­ცი­ებს ისე ვე­ღარ ვა­ხორ­ცი­ე­ლებთ, რო­გორც სა­ჭი­როა. ახლა ძი­რი­თა­დად აქ­ტი­ურ თავ­დაც­ვა­ზე ვართ გა­და­სუ­ლი" - ამ­ბობს უკ­რა­ი­ნა­ში მებ­რძო­ლი "ქარ­თუ­ლი ლე­გი­ო­ნის" მე­თა­უ­რი მა­მუ­კა მა­მუ­ლაშ­ვი­ლი, რო­მე­ლიც მოს­კო­ვის სა­სა­მარ­თლომ, ცოტა ხნის წინ კი­დევ ერთხელ გა­მო­ა­ცხა­და ფე­დე­რა­ლურ და სა­ერ­თა­შო­რი­სო ძა­ბე­ნი­ლად და კი­დევ ერთხელ და­უს­წრებ­ლად შე­უ­ფარ­და პა­ტიმ­რო­ბა.

• შე­გახ­სე­ნებთ, რომ ეს პირ­ვე­ლი შემ­თხვე­ვა არ არის, რუ­სებ­მა მა­მუ­ლაშ­ვი­ლის წი­ნა­აღ­დეგ 8-ჯერ აღ­ძრეს სის­ხლის სა­მარ­თლის საქ­მე და 8-ჯერ გა­მო­ა­ცხა­დეს ძებ­ნი­ლად. უფრო მე­ტიც, მისი ლიკ­ვი­და­ცი­ის­თვის არა­ერ­თი ჯილ­დო აქვთ და­წე­სე­ბუ­ლი.

რა­ტომ ამო­ი­ღო მი­ზან­ში მოს­კოვ­მა "ქარ­თუ­ლი ლე­გი­ო­ნის" მე­თა­უ­რი, რო­გო­რია ახლა ფრონ­ტის ხაზ­ზე არ­სე­ბუ­ლი რე­ა­ლო­ბა და რა გა­მოწ­ვე­ვის წი­ნა­შე დგა­ნან ქარ­თვე­ლე­ბი - ამის შე­ა­ხებ Ambebi.ge-სთან თა­ვად მა­მუ­ლაშ­ვი­ლი სა­უბ­რობს.

მა­მუ­კა მა­მუ­ლაშ­ვი­ლი:

- რუ­სე­თი შეშ­ფო­თე­ბუ­ლია, უკ­რა­ი­ნა­ში ყვე­ლა­ზე დიდი უცხო­უ­რი და­ნა­ყო­ფის "ქარ­თუ­ლი ლე­გი­ო­ნის" ეფექ­ტუ­რო­ბით, მოს­კოვ­ში მოს­ვე­ნე­ბა აქვთ და­კარ­გუ­ლი და ასე­თი მე­თო­დე­ბით გვე­ბძ­ვი­ან - თვე არ გავა, ჩვე­ნი მებ­რძო­ლე­ბის მი­მართ სის­ხლის სა­მარ­თლის საქ­მე­ე­ბი არ აღ­ძრან.

- პი­რა­დად თქვენ სხვა­დას­ხვა ბრალ­დე­ბებს გი­ყე­ნე­ბენ თუ ერთი და იგი­ვე "და­ნა­შა­უ­ლის­თვის" გის­ჯი­ან პა­ტიმ­რო­ბას?

- სხვა­დას­ხვა და­ნა­შა­ულს იგო­ნე­ბენ და ლა­მის კვი­რა­ში ერთხელ ღძრა­ვენ საქ­მეს. მერე ვი­თომ­და ამ და­ნა­შა­უ­ლის გამო მა­პა­ტიმ­რე­ბენ კი­დეც, მხო­ლოდ და­უს­წრებ­ლად. სი­მარ­თლე გი­თხრათ, ეს ყვე­ლა­ფე­რი სა­სა­ცი­ლოა, იმის ფონ­ზე, რომ პი­რის­პის მი­წევს რუ­სეთ­თან ბრძო­ლა. ამ აბ­სურ­დზე არ ვფიქ­რობ, მე უფრო რე­ა­ლურ საფრ­თხედ სა­ქარ­თვე­ლოს მთავ­რო­ბას მი­ვიჩ­ნევ. მე თუ არა, რუ­სე­ბის მიერ ძებ­ნი­ლად გა­მო­ცხა­დე­ბუ­ლი "ქარ­თუ­ლი ლე­გი­ო­ნის" რო­მე­ლი­მე მებ­რძოლს მო­უ­წევს სა­ქარ­თვე­ლო­ში ჩა­მოს­ვლა და არ არის გა­მო­რი­ცხუ­ლი, რუ­სეთს გა­დას­ცენ. ძა­ლი­ან ცუდი, გულ­და­სა­წყვე­ტი ფაქ­ტია, მაგ­რამ ჩვენ ამის­თვი­საც მზად ვართ.

- უკ­რა­ი­ნა­ში ათწ­ლი­ა­ნი ბრძო­ლის მან­ძილ­ზე, თქვენ სა­ქარ­თვე­ლო­ში არ ჩა­მო­სულ­ხართ?

- კი, რო­გორ არა, უკ­რა­ი­ნა­ში რუ­სე­თის ფარ­თო­მას­შტა­ბი­ან შეჭ­რამ­დე ხში­რად ჩა­მოვ­დი­ო­დი. ბო­ლოს მა­მა­ჩე­მი რომ და­ი­ღუ­პა, წე­ლი­წად­ნა­ხევ­რის წინ ვი­ყა­ვი. ბოლო დროს ჩემ­თვის, სა­კუ­თარ სამ­შობ­ლო­ში მო­მე­ტე­ბუ­ლი საფრ­თხეა. ჩემი ინ­ფორ­მა­ცი­ით, რუ­სუ­ლი უშიშ­რო­ე­ბის ძა­ლი­ან ბევ­რი თა­ნამ­შრო­მე­ლი მუ­შა­ობს დღეს სა­ქარ­თვე­ლო­ში, შე­სა­ბა­მი­სად, ჩა­მოს­ვლას ვე­რი­დე­ბი.

- თქვენს შე­სა­ხებ ისევ ქარ­თვე­ლე­ბი ავ­რცე­ლე­ბენ ცნო­ბებს, რომ კი­ევ­ში ხართ და ფრონ­ტის ხაზ­ზე არ გა­დი­ხართ...

- ეგ ერ­თა­დერ­თი ჭორი არ არის, რა­საც ჩემი და ზო­გა­დად "ქარ­თუ­ლი ლე­გი­ო­ნის" დის­კრე­დი­ტა­ცი­ის მიზ­ნით ავ­რცე­ლე­ბენ. ყვე­ლა­ზე ცუდი ის არის, რომ რუ­სუ­ლი სპეც­სამ­სა­ხუ­რე­ბი, ქარ­თვე­ლე­ბის ხე­ლით გვებ­რძვი­ან. სამ­წუ­ხა­როდ, სა­ქარ­თვე­ლოს დღე­ვან­დე­ლი კონ­ტრდაზ­ვერ­ვა რუ­სეთ­თან თა­ნამ­შრომ­ლობს და ისი­ნი ერ­თად მუ­შა­ო­ბენ ჩვე­ნი დის­კრე­დი­ტა­ცი­ის­თვის. სი­ნამ­დვი­ლე­ში, ყვე­ლა­ფე­რი ძა­ლი­ან მარ­ტი­ვია, „ქარ­თუ­ლი ლე­გი­ო­ნი“ უკ­რა­ი­ნის შე­ი­რა­ღე­ბუ­ლი ძა­ლე­ბის ოფი­ცი­ა­ლუ­რი ფორ­მი­რე­ბაა და წინ არა­ფე­რი არ უდ­გას, უკ­რა­ი­ნე­ლებ­თან ინ­ფორ­მა­ცი­ის გა­და­მოწ­მე­ბას. მარ­თლა რომ აინ­ტე­რე­სებ­დეს ვინ­მეს, თუ რას აკე­თებს "ქარ­თუ­ლი ლე­გი­ო­ნი", გა­არ­კვე­ვენ კი­დეც, მაგ­რამ მათ უბ­რა­ლოდ ჭო­რე­ბის გავ­რცე­ლე­ბა აწყობთ. ჭო­რე­ბის გავ­რცე­ლე­ბა ხომ რუ­სუ­ლი სპეც­სამ­სა­ხუ­რე­ბის ხელ­წე­რაა.

- გა­სულ თვე­ში, რუ­სეთ­ში სა­მუ­და­მო პა­ტიმ­რო­ბა მი­უ­სა­ჯეს 23 წლის ქარ­თველს, მა­მუ­კა გა­წე­რე­ლი­ას, რო­მე­ლიც მა­რი­უ­პო­ლის მცვე­ლებს შო­რის იყო. თქვენ რა იცით 23 წლის ბი­ჭის შე­სა­ხებ, რა­ტომ თქვეს მის გაც­ვლა­ზე რუ­სებ­მა უარი და ზო­გა­დად, რო­გორ ექ­ცე­ვი­ან, სი­ნამ­დვი­ლე­ში, რუ­სე­ბი ტყვე­ო­ბა­ში მყოფ ქარ­თვე­ლებს?

- ტყუ­ი­ლია, რომ თით­ქოს, რუ­სე­ბი ქარ­თველ ტყვე­ებს კარ­გად ექ­ცე­ვი­ან, ყვე­ლა­ფე­რი პი­რი­ქით ხდე­ბა - ყვე­ლა­ზე მეტ სი­სას­ტი­კეს, სწო­რედ ქარ­თვე­ლებს მი­მართ იჩე­ნენ. ეს ყო­ველ­თვის ასე იყო. თა­ვად ვარ რუ­სე­ბის ტყვე­ო­ბა­ში ნამ­ყო­ფი და ვიცი, რა­საც ვამ­ბობ. სი­ნამ­დვი­ლე­ში, რუ­სე­ბის­თვის პრინ­ცი­პუ­ლად მნიშ­ვნე­ლო­ვა­ნია, რომ ქარ­თვე­ლი სა­მა­გა­ლი­თოდ და­ი­სა­ჯოს. თუმ­ცა, დარ­წმუ­ნე­ბუ­ლი ვარ, ჩე­ჩენ ტყვე­ებ­ში აუ­ცი­ლებ­ლად გაგცვლი­ან. ჩეჩ­ნე­ბის სა­ნაც­ვლოდ ნე­ბის­მი­ე­რი ადა­მი­ა­ნის დაბ­რუ­ნე­ბა შეგ­ვიძ­ლია.

- რა­ტომ სარ­გებ­ლო­ბენ ასე­თი უპი­რა­ტე­სო­ბით ჩეჩ­ნე­ბი ?

- ყვე­ლა­ფე­რი კა­დი­რო­ვის ლო­ბი­რე­ბით ხდებ­და. მას არ უყ­ვარს, იმის ყუ­რე­ბა, თუ რო­გორ იწყე­ბენ ლა­პა­რაკს ტყვე­ო­ბა­ში მყო­ფი ჩეჩ­ნე­ბი და შე­სა­ბა­მი­სად, ცდი­ლობს, რაც შე­იძ­ლე­ბა მალე და­იხ­სნას ტყვე­ო­ბი­დან სა­კუ­თა­რი მებ­რძო­ლე­ბი, რომ რაც შე­იძ­ლე­ბა ნაკ­ლე­ბად გავ­რცელ­დეს მის­თვის არა­სა­სურ­ვე­ლი კად­რე­ბი.

- ნო­ემ­ბერ­ში, ბრძო­ლის ველ­ზე და­ცე­მუ­ლი ბექა ლო­მაშ­ვი­ლი­სა და რა­მაზ ფე­ტე­ლა­ვას საფ­ლა­ვე­ბი ჯერ კი­დევ არ აქვთ მათ ოჯა­ხებს, თუმ­ცა, ვიცი, რომ თქვენ ძა­ლის­ხმე­ვას არ იშუ­რებთ მათი ცხედ­რე­ბის გა­მო­საყ­ვა­ნად. რა ხდე­ბა ახლა ამ კუ­თხით?

- ძა­ლის­ხმე­ვას არც ჩვენ "ქარ­თუ­ლი ლე­გი­ო­ნი" არ ვი­შუ­რებთ და არც უკ­რა­ი­ნე­ლე­ბი. სხვა­თა შო­რის, არა­ერ­თი უკ­რა­ი­ნე­ლის სი­ცო­ცხლე შე­ე­წი­რა ბე­ქა­სა და რა­მა­ზის ცხე­ლი წერ­ტი­ლი­დან გა­მოყ­ვა­ნის მცდე­ლო­ბას. სა­ბო­ლო­ოდ, გა­დავ­წყვი­ტეთ, რომ ისი­ნი და­ღუ­პულ­თა გაც­ვლის სი­ა­ში ჩაგ­ვეს­ვა. სამ­წუ­ხა­როდ, ამ ბი­ჭე­ბის და­ღუპ­ვის ად­გი­ლი­დან ფრონ­ტის ხაზ­მა საკ­მა­ოდ ღრმად გად­მო­ი­წია. ის კონ­კრე­ტუ­ლი ად­გი­ლი კი ინ­ტენ­სი­უ­რად იბომ­ბე­ბა.

- რამ­დე­ნი­მე დღის წინ "ქარ­თულ­მა ლე­გი­ონ­მა" კი­დევ ორი გა­მორ­ჩე­უ­ლი მებ­რძო­ლი და­კარ­გა, გი­ორ­გი გო­გი­აშ­ვი­ლი და ნო­დარ ნა­სი­რო­ვი. რისი თქმა შე­გიძ­ლი­ათ მათ შე­სა­ხებ?

- მარ­თლა ძა­ლი­ან კარ­გი მებ­რძო­ლე­ბი იყ­ვნენ. გი­ორ­გი გო­გი­აშ­ვი­ლი ქარ­თულ არ­მი­ა­ში მსა­ხუ­რობ­და, სხვა­დას­ხვა მი­სი­ებ­ში აქვს მო­ნა­წი­ლე­ო­ბა მი­ღე­ბუ­ლი, კარ­გად გაწ­ვრთნი­ლი მებ­რძო­ლი იყო. რაც შე­ე­ხე­ბა ნა­სი­როვს, მარ­თა­ლია სა­ქარ­თვე­ლო­ში არ მი­უ­ღია სამ­ხედ­რო გა­ნათ­ლე­ბა, მაგ­რამ აქ შე­ი­ძი­ნა საბ­რძო­ლო გა­მოც­დი­ლე­ბა. ძა­ლი­ან დაგ­ვაკ­ლდე­ბა, ბევრ ქარ­თველ­ზე მე­ტად უყ­ვარ­და სა­ქარ­თვე­ლო.

- ნო­ემ­ბრი­დან დღემ­დე მხო­ლოდ "ქარ­თულ­მა ლე­გი­ონ­მა", რო­მე­ლიც მა­ნამ­დე უდა­ნა­კარ­გოდ იბ­რძო­და, ექ­ვსი გა­მორ­ჩე­უ­ლი მებ­რძო­ლი და­კარ­გა.

- დიახ, ეს უკავ­შირ­დე­ბა ერ­თა­დერთ რა­მეს - ია­რა­ღის ძა­ლი­ან დიდ უკ­მა­რი­სო­ბას. სა­არ­ტი­ლე­რიო ცე­ცხლის ქვეშ, აქ­ტი­ურ თავ­დაც­ვა­ში გვი­წევს ყოფ­ნა. სწო­რედ აქე­დან გა­მომ­დი­ნა­რეა ეს დან­კარ­გიც. ომის ძი­რი­თა­დი შე­მად­გე­ნე­ლი ნა­წი­ლი ლო­ჯის­ტი­კა და მო­მა­რა­გე­ბაა. უკ­რა­ი­ნუ­ლი ჯარი კი არ მა­რაგ­დე­ბა ისე, რო­გორც სა­ჭი­როა.

- ბოლო დროს ევ­რო­პა, გან­სა­კუთ­რე­ბით საფ­რან­გე­თი მნიშ­ვნე­ლოვ­ნად არის გა­აქ­ტი­უ­რე­ბუ­ლი უკ­რა­ი­ნის­თვის შე­ი­ა­რა­ღე­ბის მი­წო­დე­ბის თვალ­საზ­რი­სით. პრე­ზი­დენ­ტი, ემა­ნუ­ელ მაკ­რო­ნი პუ­ტი­ნის მიერ ბირ­თვულ ომ­თან და­კავ­ში­რე­ბულ მუ­ქა­რა­საც კი გან­სხვა­ვე­ბუ­ლი პო­ზი­ცი­ით შეხ­ვდა და გა­ნა­ცხა­და, რომ პუ­ტი­ნის მუ­ქა­რა შე­უ­სა­ბა­მოა, მაკ­რო­ნის პო­ზი­ცი­ას იზი­ა­რებს გერ­მა­ნე­ლი კან­ცლე­რი, ოლაფ შოლ­ცი, რა გან­წყო­ბებს და მო­ლო­დი­ნებს გიქ­მნით, ფრონ­ტის ხაზ­ზე მყოფ მებ­რძო­ლებს, ევ­რო­პე­ლი ლი­დე­რე­ბის ასე­თი პო­ზი­ცი­ე­ბი?

- ჩვენ გვი­ხა­რია, რომ ბო­ლოს­და­ბო­ლოს, ევ­რო­პამ რე­ა­ლუ­რად იგ­რძნო საფრ­თხე და ახლა ბევ­რად უფრო აქ­ტი­უ­რია, ვიდ­რე ომის და­სა­წყის­ში იყო. თუმ­ცა, ახლა ამე­რი­კა გა­და­ვი­და სხვა ფა­ზა­ში. წი­ნა­სა­არ­ჩევ­ნო პე­რი­ო­დის პე­რი­პე­ტი­ე­ბი­დან გა­მომ­დი­ნა­რე, ჯერ კი­დევ ვერ დამ­ტკიც­და უკ­რა­ი­ნის დახ­მა­რე­ბის პა­კე­ტი. მე თით­ქმის ყო­ველ­დღე მაქვს სა­უბ­რე­ბი ამე­რი­კელ სე­ნა­ტო­რებ­თან, ჩვენ ერ­თმა­ნეთ­თან გან­ვი­ხი­ლავთ იმას, თუ რამ­დე­ნად მნიშ­ვნე­ლო­ვა­ნია უკ­რა­ი­ნის­თვის დიდი დახ­მა­რე­ბის პა­კე­ტი. რაც შე­ე­ხე­ბა შოლ­ცის პო­ზი­ცი­ას და ტა­უ­რუ­სე­ბის გად­მო­ცე­მას, ამ ტი­პის რა­კე­ტე­ბის­თვის სა­ჭი­როა შე­სა­ბა­მი­სი საბ­რძო­ლო თვითმფრი­ნა­ვე­ბი (სა­ი­და­ნაც ტა­უ­რუ­სის რა­კე­ტე­ბის გაშ­ვე­ბა უნდა მოხ­დეს). ასე რომ, ამ ეტა­პის­თვის, ჩვენ­თვის ბევ­რად უფრო მნიშ­ვნე­ლო­ვა­ნია, "ჰა­ი­მარ­სის" სის­ტე­მე­ბის­თვის სა­ჭი­რო ატა­კამ­სის ტი­პის რა­კე­ტე­ბი (რე­აქ­ტი­უ­ლი არ­ტი­ლე­რი­ის), რო­მე­ლიც ბევ­რად უფრო ეფექ­ტუ­რი და ზუს­ტია. ამას­თან, ბევ­რად უფრო მეტი სპე­ცი­ა­ლის­ტი გვყავს, ვინც ამ ტი­პის რა­კე­ტე­ბის გა­მო­ყე­ნე­ბას შეძ­ლებს. მათ შო­რის, „ქარ­თულ ლე­გი­ონ­შიც“ არი­ან ბი­ჭე­ბი, რომ­ლებ­საც შე­უძ­ლი­ათ ამ რა­კე­ტე­ბის მარ­თვა. შე­სა­ბა­მი­სად, შე­ერ­თე­ბუ­ლი შტა­ტე­ბის დახ­მა­რე­ბა ბევ­რად უფრო მნიშ­ვნე­ლო­ვა­ნია, ვიდ­რე გერ­მა­ნე­ლე­ბის მიერ ტა­უ­რუ­სე­ბის გად­მო­ცე­მა. მთლი­ა­ნო­ბა­ში, ძა­ლი­ან რთუ­ლი მდგო­მა­რე­ო­ბაა უკ­რა­ი­ნა­ში, ძა­ლი­ან ბევ­რი ია­რა­ღი გვაკ­ლია, ამი­ტო­მაც ხდე­ბა ზო­გი­ერთ რე­გი­ონ­ში აქ­ტი­ურ თავ­დაც­ვა­ზე გა­დას­ვლა.

- 12 მარ­ტი­დან დღემ­დე უჩ­ვე­უ­ლო ამ­ბე­ბი ხდე­ბა რუ­სეთ­ში - კურსკი­სა და ბელ­გო­რო­დის ოლ­ქე­ბის სა­ზღვრის­პი­რა რა­ი­ო­ნებ­ში. უკ­რა­ი­ნი­დან სა­ხელ­მწი­ფო სა­ზღვა­რი, ტან­კე­ბი­თა და ჯავ­შან­მან­ქა­ნე­ბით გა­დაკ­ვე­თეს რუ­სე­თის მო­ხა­ლი­სე­თა კორ­პუ­სი­სა და ციმ­ბი­რუ­ლი ბა­ტა­ლი­ო­ნის მებ­რძო­ლებ­მა. დგას თუ არა ამ ამ­ბის უკან უკ­რა­ი­ნა და რა შე­ღა­ვა­თია ეს თქვენ­თვის?

- ნამ­დვი­ლად პო­ზი­ტი­უ­რი ფაქ­ტო­რია, რომ "ომის თე­ატ­რი" რუ­სე­თის ტე­რი­ტო­რი­ა­ზეც გა­და­ვი­და. ასე­ვე კარ­გია, რომ მო­ტი­ვა­ცია ეძ­ლე­ვათ იმ რუ­სებს, ვი­საც შე­უძ­ლია ია­რა­ღის ხელ­ში და­ჭე­რა და სა­კუ­თა­რი თა­ვი­სუ­ლე­ბის დაც­ვა. რა თქმა უნდა, რუ­სუ­ლი ლე­გი­ო­ნი - "თა­ვი­სუფ­ლე­ბა რუ­სეთს" უკ­რა­ი­ნის შე­ი­ა­რა­ღე­ბუ­ლი ძა­ლე­ბის ბა­ზა­ზეა შექ­მნი­ლი, მაგ­რამ რუ­სე­თის მო­ქა­ლა­ქე­ე­ბის­გან არის და­კომ­პლექ­ტე­ბუ­ლი. ეს არ არის მრა­ვალ­რი­ცხო­ვა­ნი შე­ნა­ერ­თი, მაგ­რამ სე­რი­ო­ზულ პრობ­ლე­მებს უქ­მნის რუ­სეთს. ად­გი­ლი აქვს, რუ­სუ­ლი არ­მი­ის დე­კონ­ცენ­ტრა­ცი­ას. მოს­კოვს ჯა­რის რა­ღაც ნა­წი­ლის გად­მოს­რო­ლამ მა­ინც მო­უ­წია სა­კუ­თარ ტე­რი­ტო­რი­ა­ზე. ესეც დიდი დახ­მა­რე­ბაა უკ­რა­ი­ნის­თვის.

- ე.ი. უკე­თე­სის მო­ლო­დი­ნი გაქვთ.

- ვე­ლო­დე­ბით სა­ბძო­ლო მა­სა­ლას. „ქარ­თუ­ლი ლე­გი­ო­ნი“, რო­მე­ლიც დღეს ყვე­ლა­ზე დიდი უცხო­უ­რი ფორ­მი­რე­ბაა უკ­რა­ი­ნა­ში, დარ­წმუ­ნე­ბუ­ლია გა­მარ­ჯვე­ბა­ში. აუ­ცი­ლებ­ლად უნდა გა­ვი­მარ­ჯვოთ, სხვა გა­მო­სა­ვა­ლი არც უკ­რა­ი­ნას არ აქვს და არც სა­ქარ­თვე­ლოს.