ავიაკატასტროფა ფლორიდაში: თვითმფრინავი საცხოვრებელ სახლებს დაეცა - გარდაცვლილები არიან როგორც თვითმფრინავის ბორტზე მყოფი ადამიანები, ასევე ავტოპარკის მცხოვრებლებიც
ფლორიდაში, მცირე ზომის თვითმფრინავი ე.წ მობილური სახლების სპეციალურ პარკინგზე ჩამოვარდა. ადგილზე ძლიერი ხანძარი გაჩნდა. შემთხვევა ხუთშაბათს, გვიან ღამით მოხდა.
როგორც ცნობილია, კატასტროფა მსხვერპლით დასრულდა, თუმცა ადგილობრივი პოლიცია გარდაცვლილთა ზუსტ რაოდენობას არ ასახელებს:
"ვადასტურებ, რომ შემთხვევას მსხვერპლი მოჰყვა. გარდაცვლილები არიან როგორც თვითმფრინავის ბორტზე მყოფი ადამიანები, ასევე ავტოპარკის მცხოვრებლებიც" - განაცხადა ქალაქის სახანძროს უფროსმა სკოტ ეჰლერსმა და აღნიშნა, რომ დაღუპულთა ძებნა ამ დრომდე გრძელდება.
ფედერალური საავიაციო ადმინისტრაციის წარმომადგენლის ინფორმაციით, თვითმფრინავის ჩამოვარდნის მიზეზი ძრავის გაუმართაობა გახდა. მომხდარს ტრანსპორტის უსაფრთხოების ეროვნული საბჭო იძიებს.