სამორინე, სასტუმროები, სავაჭრო ცენტრები და ა.შ. - რისი გაკეთება იგეგმება წყალტუბოს იმ სანატორიუმებში, რომელიც სახელმწიფომ ახლახან გაყიდა?

"წყალტუბოს ახალი სიცოცხლე" პროექტის ფარგლებში სახელმწიფომ 6 ყოფილი სანატორიუმი უკვე გაყიდა. გაყიდული ობიექტების ჯამურმა ღირებულებამ 31 257 300 ლარი შეადგინა. ვალდებულებების მიხედვით კი ჯამში, ექვსივე სანატორიუმის შემთხვევაში არანაკლებ 87 მილიონი ლარის ინვესტიცია უნდა განხორციელდეს.

ცნობისათვის, ქონების ეროვნული სააგენტოს მიერ "ბიზნესპრესნიუსისთვის“ მოწოდებული ინფორმაციის მიხედვით, გასხვისებულ სანატორიუმებს შორისაა - "წყალტუბო“, "მედეა“, "თბილისი“, "ივერია“, "სამგურალი“ და "უშიშროება". სანატორიუმების ნაწილი უცხოელმა ინვესტორებმა, ნაწილი კი ადგილობრივმა ბიზნესმენებმა იყიდეს

• სანატორიუმი "წყალტუბო“

სანატორიუმი "წყალტუბოს“, მფლობელია "გოლდენ თაუერი“. კომპანიის 49%-იან წილს ეგვიპტის მოქალაქე საიდ მოჰამედ სალაჰ აბდელრაჰმან აჰმედი ფლობს, 51% კი ეკუთვნის კატარის მოქალაქეს ნაიეფ ეიდ მ.ტ. ალ-ტანის.

უძრავი ქონების საკუთრებაში გადაცემის შემდეგ, კატარულ-ეგვიპტური კომპანია ვალდებულია, არაუგვიანეს 60 თვის ვადაში მინიმუმ 33 784 500 ლარის ინვესტიცია ჩადოს. ამასთან, საინვესტიციო ვალდებულებების მიხედვით, კომპანიამ უძრავ ქონებებში უნდა მოაწყოს არანაკლებ 420-ნომრიანი სასტუმრო და მრავალფუნქციური კომპლექსი რესტორნებით, საკონფერენციო დარბაზებით, სავაჭრო ცენტრებით, დასასვენებელ-გამაჯანსაღებელ ცენტრით, ღია და დახურული აუზებით და ა.შ.

• სანატორიუმი "მედეა“

სანატორიუმი "მედეა“ კომპანიამ "ასი გრუფ ჰოთელს ჯორჯიამ“ შეიძინა. 100%-იან წილის მფლობელი ეგვიპტის მოქალაქე ხალედ მოჰამედ აბდელმონებ კანდილსია. განაგრძეთ კითხვა