მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მოვითხოვ, წარმოადგინონ მტკიცებულებები, როცა ამტკიცებენ, რომ ევროპულ შეხვედრებზე იყო მოლაპარაკებები, რითაც პრეზიდენტი შეიჭრა მთავრობის საქმიანობაში" - თამარ ჩუგოშვილი
19:19 / 04-10-2023
"მოვითხოვ, პარლამენტის წარმომადგენლებმა წარმოადგინონ მტკიცებულებები - როდესაც ამტკიცებენ, რომ იქ [ევროპულ შეხვედრებზე] იყო მოლაპარაკების წარმოება ან რაღაც ისეთი ქმედება, რომლითაც პრეზიდენტი შეიჭრა აღმასრულებელი ხელისუფლების საქმიანობაში და უშუალოდ პოლიტიკის განხორციელებაში, გვაჩვენონ, რა მოლაპარაკებები იყო", - ამის შესახებ პრეზიდენტის წარმომადგენელმა თამარ ჩუგოშვილმა საკონსტიტუციო სასამართლოში პრეზიდენტის საიმპიჩმენტო წარდგინების განხილვისას განაცხადა.
- მისი თქმით, როდესაც დადგენილი პრაქტიკის შესაბამისად, ვიზიტებზე თანხმობის შემდეგ პრეზიდენტი უარს იღებდა, სალომე ზურაბიშვილმა ჩათვალა, რომ ეს საგარეო ურთიერთობებიდან მის იზოლირებას ემსახურებოდა.
"დადგენილი პრაქტიკა იყო და როდესაც სისტემატური თანხმობის შემდეგ, უცებ უარს შეეჯახა, ჩათვალა, რომ ეს ემსახურებოდა მის იზოლირებას საგარეო ურთიერთობებიდან, მაშინ, როდესაც კრიტიკულად მნიშვნელოვანი პერიოდია ქვეყნისთვის. ადამიანები, რომლებმაც გადაწყვეტილება უნდა მიღონ, რას ამბობენ - ისინი პრეზიდენტის როლს ცალსახად პოზიტიურად აფასებენ. მან ჩათვალა, მის შეხვედრებზე უარი ემსახურება მხოლოდ და მხოლოდ იმას, რომ ჩამოშორდეს საგარეო ურთიერთობებს და ამან შეიძლება დააზიანოს ის დიდი მიზანი, სადაც ერთად ვართ. პრეზიდენტს თავისი პოზიცია, მთავრობა კარგად ახერხებს თუ არა თავისი უფლებამოსილების განხორციელების, საჯაროდ აქვს ნათქვამი.
პრეზიდენტი თავისი კონსტიტუციური მანდატის ფარგლებში აუცილებლად მიიჩნევს, რომ ევროპელ ლიდერებს ესაუბროს ახლა. ეს არის ძალიან მნიშვნელოვანი, ყველა წევრი ქვეყნის პირველ პირს საქართველოს ყველა უმაღლესი წარმომადგენელი უნდა ესაუბროს. პრეზიდენტი და პრემიერი ერთად უნდა დადიოდნენ, უნდა მოიარონ ყველა წევრი ქვეყანა. მოვითხოვ, პარლამენტის წარმომადგენლებმა წარმოადგინონ მტკიცებულებები, სასამართლომ მოსთხოვოს მათ იგივე სტანდარტი. როდესაც ამტკიცებენ, რომ იქ იყო მოლაპარაკების წარმოება ან რაღაც ისეთი ქმედება, რომლითაც პრეზიდენტი აღმასრულებელი ხელისუფლების საქმიანობაში და უშუალოდ პოლიტიკის განხორციელებაში შეიჭრა, გვაჩვენონ, რა მოლაპარაკებები იყო. მათი მხრიდან მტკიცებულებები არაა წარმოდგენილი და ჩვენს მხარეს სთხოვთ მტკიცებულებებს“, - განაცხადა თამარ ჩუგოშვილმა.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ზურაბიშვილმა თქვა " შარშან საქართველოს სამართლიანად არ მიენიჭა კანდიდატის სტატუსიო", მაშინ როცა თვითონ ევროკავშირმა აღიარა იანვარში, რომ ჩვენთან მიმართებაში შეცდომა დაუშვა... მანვე თქვა, რომ "ხელისუფლება 12 პუნქტის შესრულებას ფორმალურად უდგებაო" ამ დროს ბორელმა და მანამდე სხვამაც თქვეს, რომ 3 პუნქტი ბოლომდეა შესრულებული, 9 კი შესრულების სტადიაშიაო ... და რა გასაკვირია, თუ ამ აზრის მატარებელი არსების ევროპაში გაშვება არ უნდოდა ხელისუფლებას!
შედეგი? თვითნებურად წასულის შეხვედრის შემდეგ ლატვიის პრეზიდენტმა იმ 12 პუნქტის მიღმა სულ სხვა და მძიმე მოთხოვნები დაგვიყენა გაწევრიანებაში მხარდაჭერის სანაცვლოდ!!!
აბსურდია რასაც ჩუგოშვილი ითხოვს.