მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გიორგი გახარიამ და მამუკა ხაზარაძემ ხელი უნდა ჩამოართვან ერთმანეთს, ერთ მაგიდასთან დასხდნენ და გააჩინონ მიზიდულობის ცენტრი" - თინა ხიდაშელი
22:38 / 05-05-2023
5%-იანი ბარიერი არის შანსი საქართველოს გადარჩენისთვის, - ამის შესახებ ორგანიზაცია "სამოქალაქო იდეას“ თავმჯდომარემ, საქართველოს თავდაცვის ყოფილმა მინისტრმა თინა ხიდაშელმა "პალიტრანიუსის” გადაცემა "360 გრადუსში“ განაცხადა.
თინა ხიდაშელის განმარტებით, ბუნებრივი ბარიერის შემთხვევაში პარლამენტში 1 ან 2-კაციანი პარტიები ხვდებიან.
"მადლობას გადავუხდი ხელისუფლებას, თუ ბარიერს არ დაწევს, სრული სერიოზულობით ვამბობ. მე იმ ადამიანებს ვეკუთვნი, რომელიც 5%-იან ბარიერს უყურებს, როგორც შანსს ამ ქვეყნის გადარჩენის. 2020-ში რაც მოხდა, ეს იყო კატასტროფა, ეს იყო ბიძინა ივანიშვილის მიერ უკიდურესად ჭკვიანურად განხორციელებული სპეცოპერაცია ოპოზიციის წინააღმდეგ, როდესაც მან ზუსტად იცოდა, რომ ერთ კაციანი პარტიები ამ თავიანთ პატარა ამბიციებს ვერ გადალახავდნენ, ვერ გადააბიჯებდნენ, შესაბამისად, მივიღებთ 1-2 კაციან პარტიებს პარლამენტში. ყველას გაუჩნდა განცდა, რომ ბუნებრივი ბარიერის პირობებში თვითონ გახდებოდა პარლამენტის წევრი და დანარჩენის ღელვა აღარ ჰქონდა. ეს იყო კატასტროფა, ხოლო 5%-იანი ბარიერი არის შანსი საქართველოს გადარჩენისთვის“, - განაცხადა თინა ხიდაშელმა.
თინა ხიდაშელის თქმით, 2024 წლის არჩევნებში წარმატების ფორმულა პარტია "საქართველოსთვის“ ლიდერის, გიორგი გახარიასა და "ლელოს“ ლიდერის, მამუკა ხაზარაძის თანამშრომლობა იქნება, რაც მიზიდულობის ცენტრს შექმნის სხვა პარტიებისა და პოლიტიკოსებისთვის.
"მე ჩემი ფორმულაც კი მაქვს, რა უზრუნველყოფს საქართველოში "ქართული ოცნების“ დამთავრებას და ოპოზიციურ ფლანგზე რეალურ წარმატებას. გიორგი გახარიამ და მამუკა ხაზარაძემ ხელი უნდა ჩამოართვან ერთმანეთს, ერთ მაგიდასთან უნდა დასხდნენ და გააჩინონ მიზიდულობის ცენტრი და ამ შემთხვევაში ამ ქვეყანას აქვს შანსი, რომ 2024 წელს გავძვრეთ და გადავრჩეთ, სხვა შემთხვევაში მე გარწმუნებთ, რომ ან ორი პარტია გვეყოლება პარლამენტში, ან უფრო მაღალი ალბათობით სამი, მესამე იქნება რუსული პოლიტიკური ძალა“, - განაცხადა თინა ხიდაშელმა.
ამასთან, თინა ხიდაშელმა გადაცემაში ე.წ. ქოლ-ცენტრების საქმეზეც ისაუბრა და როგორც მან აღნიშნა, შეუძლებელია სახელმწიფო უსაფრთხოების სამსახურს "ქოლ-ცენტრებთან" დაკავშირებით ინფორმაცია არ ჰქონოდა.
"ოპონენტის შანტაჟი სისხლის სამართლის საქმეებით, სამწუხაროდ, საქართველოს ხელისუფლებათა, ყოფილის და დღევანდელის ხელწერად იქცა, ამიტომ არავითარი მოლოდინი არ მაქვს, რომ ეს კონკრეტული ამბავიც ამ მიზნებით არ იქნება გამოყენებული. ჩვენ არჩევნებამდე წელიწად ნახევარი გვაშორებს და უკვე ვხედავთ ძალიან კონკრეტულ ხაზს - კრიტიკული მედია საშუალებების წარმომადგენლები დასდევენ იმ "ქოლ-ცენტრებს", რომელშიც ხელისუფლების წარმომადგენლები ან ყოფილი წარმომადგენლების კვალი იკვეთება, ხოლო ხელისუფლება ყოველ კვირას ხსნის მორიგ საქმეს, ან გვამცნობს გამოძიების მიმდინარეობაზე მორიგ საქმეზე, სადაც ფიგურირებს მათთან პოლიტიკურად დაპირისპირებული ჯგუფის წარმომადგენლები და ეს გვაფიქრებინებს, რომ ხელისუფლებას ბევრი საქმე აქვს, ეს საქმეები რაღაც წესრიგის მიხედვით დალაგებული აქვს და პოლიტიკური მიზანშეწონილობის შესაბამისად საზოგადოება ნელ-ნელა, "პორცია-პორცია“ გაიგებს ამ ამბების შესახებ. ვარ აბსოლუტურად დარწმუნებული, რომ შეუძლებელია ეს სუს-ს არ სცოდნოდა“, - განაცხადა თინა ხიდაშელმა.
მკითხველის კომენტარები /
43 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წერილი გაასაჯაროვე მამუკ, წერილი! გახარიამ რომ მოგწერა ვითომ! შე თაღლითო შენა!
გახარიაც და ხაზარაძეც ორივე ერთნაირი თაღლითია.