რესპუბლიკური საავადმყოფოს ყოფილი დირექტორი გამოკითხვაზე იმყოფებოდა - რა თქვა ლევან გოფოძემ პროკურატურიდან გამოსვლის შემდეგ?
რესპუბლიკური საავადმყოფოს ყოფილი დირექტორი ლევან გოფოძე პროკურატურაში გამოკითხვაზე იმყოფებოდა.
გამოკითხვის დასრულების შემდეგ გოფოძე აცხადებს, რომ პროკურატურის კითხვები შეეხებოდა რესპუბლიკურ საავადმყოფოში ჩატარებულ სარემონტო სამუშაოებს და იმას, თუ ვინ იყო ამ პროცესში ჩართული.
"შევედი, დამისვეს შეკითხვები, რომლებიც ეხებოდა რეაბილიტაციის პროცესს, როგორ, რანაირად მიმდინარეობდა, ვინ ვიყავით მაშინ ამ საქმეებში ჩართული, ყველაფერი ამის შესახებ მე მივაწოდე ინფორმაცია“, - განაცხადა გოფოძემ ტელეკომპანია „ფორმულასთვის“ მიცემულ კომენტარში.
ჟურნალისტის კითხვაზე, ხომ არ იყო პროკურატურის მხრიდან ზეწოლისა და დაშინების ფაქტები, გოფოძემ განაცხადა, რომ გამოკითხვაზე ყოფნისას მას არაფერი მსგავსი არ უგრძვნია.
"იდეას იმისა, რომ რესპუბლიკური საავადმყოფო უნდა გადარჩეს, ვიზიარებთ ყველა, ვინც იქ ვმუშაობთ და არა მარტო ის ხალხი, ამიტომაც, რაიმე ზეწოლის განხორციელება მე არ მგონია, რომ იყოს ჩემზე. მსგავსი, რამ იქ ყოფნის დროს მე არ მიგრძნია, შემიძლია დავადასტურო" - განაცხადა გოფოძემ.