მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კანონის მიღებით, საქართველო შეუერთდება არადემოკრატიული და ავტორიტარული პოსტსაბჭოთა სახელმწიფოების სიას" - რას წერენ BBC-ი და CNN-ი?
07:36 / 09-03-2023
კანონის მიღებით, საქართველო შეუერთდება არადემოკრატიული და ავტორიტარული პოსტსაბჭოთა სახელმწიფოების სიას, როგორიცაა ბელარუსი, ტაჯიკეთი და აზერბაიჯანი, რომლებმაც არასამთავრობო ორგანიზაციების საქმიანობის შეზღუდვის შესახებ რუსული კანონის ასლი შექმნეს, - ამის შესახებ
BBC-ი წერს, რომელიც თბილისში ე.წ. "უცხოური აგენტების" კანონპროექტის პარლამენტიდან გაწვევის მოთხოვნით მიმდინარე საპროტესტო აქციას ეხმაურება.
"საქართველოს დედაქალაქ თბილისში პოლიცია მეორე ღამეა წყლის ჭავლსა და ცრემლსადენ გაზს იყენებს. ადამიანები აღშფოთებულები არიან რუსული სტილის საკამათო კანონის გამო, რომელიც არასამთავრობო და მედია ჯგუფებს „უცხოურ აგენტებად“ შეაფასებს, თუ ისინი თავიანთი სახსრების 20%-ზე მეტს საზღვარგარეთიდან მიიღებენ“, - წერს გამოცემა.
სტატიაში აღნიშნულია, რომ აქციის მონაწილეები შიშობენ, ახალი კანონი, მიღების შემთხვევაში, დააზიანებს ქვეყნის ევროკავშირში გაწევრიანების იმედებს.
BBC-ი წერს, რომ საქართველოში პოლიტიკური დაძაბულობა უკრაინაში რუსეთის სრულმასშტაბიანი შეჭრის შემდეგ გაიზარდა, რასაც „ბევრი ქართველი მოსკოვის აგრესიულ ომად აფასებს, თუმცა, მთავრობამ ნეიტრალური პოზიცია დაიკავა და უარს აცხადებს უკრაინის მიმართ მხარდაჭერის ღიად გამოცხადებასა და რუსეთის წინააღმდეგ სანქციების დაწესებაზე“.
თბილისში მიმდინარე მოვლენებს ეხმაურება CNN-იც და იუწყება, რომ საპროტესტო გამოსვლები საქართველოში მას შემდეგ დაიწყო, რაც ქვეყნის პარლამენტმა პირველი მოსმენით მიიღო კანონპროექტი, რომელიც უცხოური დაფინანსების მიმღები ორგანიზაციებისგან „უცხოურ აგენტებად“ დარეგისტრირებას მოითხოვს.
"კანონპროექტს ადარებენ რუსეთში მიღებულ დრაკონულ კანონებს და უფლებადამცველი ჯგუფების მას გმობენ, როგორც ქვეყანაში ძირითადი თავისუფლებების შეზღუდვისა და განსხვავებული აზრის ჩახშობის მცდელობას. მოვლენებმა მასობრივი არეულობა გამოიწვია, ათასობით დემონსტრანტი შეიკრიბა თბილისის პარლამენტის შენობის წინ, რომლებიც აფრიალებენ არა მხოლოდ საქართველოს, არამედ ევროკავშირის დროშებსაც”, - იუწყება CNN-ი.
ტელეკომპანიის შეფასებით, კანონპროექტი შეაფერხებს საქართველოს ევროკავშირში გაწევრიანების მცდელობას.
"კანონპროექტს ფართოდ აკრიტიკებენ და აცხადებენ, რომ მას საშინელი გავლენა ექნება სამოქალაქო საზოგადოებისთვის და განსაკუთრებით ევროპასთან დაკავშირებული არასამთავრობო და საინფორმაციო ორგანიზაციებისთვის. ეს ასევე შეაფერხებს საქართველოს ევროკავშირში გაწევრიანების მცდელობას. ევროკავშირის განცხადებაში აღნიშნულია, რომ კანონი „შეუთავსებელი იქნება ევროკავშირის ღირებულებებთან და სტანდარტებთან“ და შეიძლება ჰქონდეს სერიოზული შედეგები საქართველო-ევროკავშირის ურთიერთობებზე“, -იუწყება CNN-ი.
ნახეთ ასევე:
- "მართველი პარტია თუ ვერ გრძნობს, რომ პასუხისმგებელია მოსახლეობის წინაშე, მისი პრობლემაა" - რა თქვა საქართველოს პრეზიდენტმა CNN-ის ეთერში?
- "დროშას ისე გაბედულად აფრიალებს, ისეთი ძლიერი და მამაცია. გაუფრთხილდით, ქართველო ძმებო" - რას წერენ მსოფლიოს სხვადასხვა ქვეყნებში აქციის სიმბოლოდ ქცეულ ქალზე
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რამდენი აგენტი ყოფილა საქართველოში
უკანასკნელ კაპიკამდე აანაზღაურებინეთ ყველაფერი