26 მაისი ვაშინგტონში საქართველოს დამოუკიდებლობის დღედ გამოცხადდა - რა განცხადებას ავრცელებს ქალაქის მერი

26 მაისი ვაშინგტონში საქართველოს დამოუკიდებლობის დღედ გამოცხადდა. გადაწყვეტილება აშშ-ის დედაქალაქის მერმა მარიელ ბაუზერმა მიიღო. ამის შესახებ ბაუზერის მიერ გამოქვეყნებულ განცხადებაშია აღნიშნული, სადაც ასევე ვაშინგტონის მერი საქართველოს დამოუკიდებლობის დღეს ულოცავს.

მარიელ ბაუზერის განცხადებას აშშ-ში საქართველოს ელჩი, დავით ზალკალიანი სოციალურ ქსელში აზიარებს და მას ასეთი გადაწყვეტილებისთვის მადლობას უხდის.

"1991 წლის 26 მაისს საქართველომ დამოუკიდებლობა მოიპოვა. ქართველი ხალხი და ქართული დიასპორა ამ თარიღის 31 წლისთავს დიდი სიამაყით აღნიშნავს.

ქართული სათვისტომო არის ვაშინგტონის სოციალური სტრუქტურის მნიშვნელოვანი ნაწილი. ამ ქვეყნის შესანიშნავი კულტურისა და ისტორიის წამოწევას ახდენს საქველმოქმედო ორგანიზაცია, რომელიც აშშ-ში უკეთესი ცხოვრების ოცნებით ჩამოსულმა პირველმა იმიგრანტებმა დააფუძნეს.

მოხარულები ვართ, მივესალმოთ საქართველოს ახალ ელჩს, დავით ზალკალიანს, საქართველოს ყოფილ ვიცე-პრემიერსა და საგარეო საქმეთა ყოფილ მინისტრს.

ვაშინგტონის მერი 26 მაისს, ვაშინგტონში "საქართველოს დამოუკიდებლობის დღედ“ აცხადებს“, - ნათქვამია მარიელ ბაუზერის მიერ გამოქვეყნებულ განცხადებაში.

<blockquote class="twitter-tweet"><p lang="en" dir="ltr">Delighted to see Washington DC celebrate Georgia&#39;s 🇬🇪Independence Day with us. Grateful to <a href="https://twitter.com/MayorBowser?ref_src=twsrc%5Etfw">@MayorBowser</a> for proclaiming May 26 as GEORGIA INDEPENDENCE DAY in Washington, and for welcoming me back to the nation&#39;s🇺🇸 beautiful capital. <a href="https://t.co/SgY2UO9iNo">pic.twitter.com/SgY2UO9iNo</a></p>&mdash; David Zalkaliani (@DZalkaliani) <a href="https://twitter.com/DZalkaliani/status/1529920064056705024?ref_src=twsrc%5Etfw">May 26, 2022</a></blockquote> <script async src="https://platform.twitter.com/widgets.js" charset="utf-8"></script>