რას ამბობს გაეროს გენმდივანი მარიუპოლიდან ადამიანების ევაკუაციაზე და რას წერს ანდრეი ერმაკი - "აზოვსტალიდან“ ჩვენი ხალხის გადარჩენის შემდეგი ეტაპი ამ წუთებში მიმდინარეობს"
6 მაისს, გაეროს გენერალურმა მდივანმა ანტონიუ გუტერეშმა "ტვიტერზე" დაწერა, - გაეროს და "წითელი ჯვრის საერთაშორისო კომიტეტის“ მიერ ორი უსაფრთხო დერეფნით ქარხანა "აზოვსტალიდან“, მარიუპოლიდან და მიმდებარე რაიონებიდან წარმატებით ევაკუირებულია 500-მდე ადამიანიო. მას ასევე იმედი აქვს, რომ მოსკოვსა და კიევთან შემდგომი კოორდინირებული გადაყვეტილებით ისევ მიაღწევენ ჰუმანიტარულ პაუზას, რაც უზრუნველყოფს სამოქალაქო პირების უსაფრთხოდ გაყვანას.
ევაკუაციის რთული ოპერაციის მორიგი ეტაპის შედეგად, მარიუპოლიდან და "აზოვსტალიდან“ თითქმის 500 მოქალაქის გაყვანის შესახებ "ტელეგრამარხზე" წერს უკრაინის პრეზიდენტის ოფისის ხელმძღვანელი ანდრიე ერმაკიც და გაეროს მადლობას უხდის.
"აზოვსტალიდან“ ჩვენი ხალხის გადარჩენის შემდეგი ეტაპი ამ წუთებში მიმდინარეობს. შედეგების შესახებ ინფორმაციას მოგვიანებით მოგაწვდით“, - წერს ერმაკი.
კონკრეტულად როდის მოხდა კვალავ ადამიანების ევაკუაცია, არც ერმაკის და არც გუტერეშის ოფიციალურ შეტყობინებებში ნათქვამი არ არის.
ასევე იხილეთ: