ევროპას რუსული გაზი კვლავ უკრაინის გავლით მიეწოდება - რას წერს სააგენტო Reuters-ი
რუსული გაზის კომპანია "გაზპრომში" აცხადებენ, რომ რუსეთი ევროპელ მომხმარებლებს ბუნებრიც აირს კვლავ უკრაინის გავლით აწვდის, მოთხოვნის შესაბამისად. ინფორმაციას ამის შესახებ სააგენტო "როიტერსი“ ავრცელებს.’
სააგენტოს ცნობით, გაზპრომის ინფორმაციით, პირველ მაისს მოთხოვნის მოცულობა იყო 97,2 მილიონი კუბური მეტრი, ხოლო გასულ შაბათს 71,7 მილიონი.
ცნობისთვის, მოსკოვმა გაზმომარაგება შეუწყვიტა პოლონეთსა და ბულგარეთს.ორივე ქვეყანა რუსეთს იმ "არამეგობრული ქვეყნების" სიაში ჰყავს, რომლებსაც გაზის საფასურის რუბლებში გადახდას სთხოვენ. პოლონეთმა და ბულგარეთმა კი რუსულ ვალუტაში თანხის გადახდაზე უარი განაცხადეს.
აღსანიშნავია, რომ როგორც "ბლუმბერგი" წერს, რუსული გაზის ოთხმა ევროპელმა მყიდველმა მისი საფასური რუბლებში უკვე გადაიხადა, ისე, როგორც ამას რუსეთის პრეზიდენტი ვლადიმერ პუტინი ითხოვდა, რუსული გაზის კიდევ 10-მა მყიდველმა ანგარიში რუბლში გახსნა.