ლუკაშენკოს თქმით, თუ დასავლეთი ბელარუსს თავს დაესხმება, ის "მარადიული პრეზიდენტი" იქნება
ბელარუსის პრეზიდენტის, ალექსანდრ ლუკაშენკოს განცხადებით, თუ დასავლეთი მის ქვეყანას თავს დაესხმება, როგორც 2020 წლის არჩევნების დროს, მაშინ ის სამუდამოდ დარჩება პრეზიდენტის პოსტზე. ამის შესახებ სააგენტო BelTA წერს.
გამოცემის ცნობით, აღნიშნულ თემაზე ლუკაშენკომ ჟურნალისტებთან მას შემდეგ ისაუბრა, რაც რუსულ-ბელარუსულ ერთობლივ წვრთნებს გაეცნო.
"თუ დასავლეთი განაგრძობს ჩვენზე თავდასხმას როგორც 2020 წელს, მე ვიქნები მარადიული პრეზიდენტი. მე ვამბობდი, თუ რა პირობებში წავიდოდი - თუ ბელარუსი კოლექტიური დასავლეთის, პირველ რიგში, ამერიკელების სამიზნე აღარ იქნება და რაღაც მეთოდებით გადატრიალებებს არ მოაწყობენ, როგორც იყო 2020 წელს.
ყველაფერი იქნება კანონიერად და იქნება უფრო ადრე, ვიდრე თქვენ, ან მათ უნდათ", - განაცხადა ლუკაშენკომ.