"არ შეიძლება კრიმინალთან შეთანხმება!" - რას წერს ბაჩანა შენგელია გახარიას თანაპარტიელზე, რომელიც ზუგდიდის საკრებულოს თავმჯდომარე გახდა
ბაჩანა შენგელია, რომელიც დედის, ზუგდიდის მეექვსე საჯარო სკოლის პედაგოგის, ია კერძაიას გარდაცვალებამდე მიყვანაში ბრალს ექსპრემიერ გიორგი გახარიას სდებს, სოციალურ ქსელში პოსტს აქვეყნებს.
იგი ზუგდიდის საკრებულოს თავმჯდომარედ გახარიას თანაპარტიელის, გიგა ფარულავას არჩევას ეხმაურება.
როგორც შენგელია წერს, აღნიშნული უკიდურესად მცდარი გადაწყვეტილებაა.
"უკიდურესად მცდარი გადაწყვეტილება. რაც მთავარია, ეს საზიანო იქნება ქალაქისთვის და ამ ქალაქის ყველა გულშემატკივრისთვის. არ შეიძლება კრიმინალთან შეთანხმება, არ შეიძლება მორალთან კომპრომისი! ამ გადაწყვეტილების შედეგს ისევ ჩვენ მოვიმკით და თან მალე. ძალიან გულდასაწყვეტია" - წერს შენგელია "ფეისბუქში".
ცნობისთვის, ზუგდიდის საკრებულოს თავმჯდომარე გიორგი გახარიას პარტია "საქართველოსთვის" წევრი გიგა ფარულავა გახდა.
კენჭისყრაში მონაწილეობა საკრებულოს 25 - მა დეპუტატმა მიიღო, მათ შორის კანდიდატს მხარი დაუჭირა "ერთიანმა ნაციონალურმა მოძრაობამ".
კენჭისყრაში "ქართულ ოცნებას" მონაწილეობა არ მიუღია.
ცნობისთვის, ზუგდიდის საკრებულოს თავმჯდომარე გიორგი გახარიას პარტია "საქართველოსთვის" წევრი გიგა ფარულავა გახდა.
კენჭისყრაში მონაწილეობა საკრებულოს 25 - მა დეპუტატმა მიიღო, მათ შორის კანდიდატს მხარი დაუჭირა "ერთიანმა ნაციონალურმა მოძრაობამ".
კენჭისყრაში "ქართულ ოცნებას" მონაწილეობა არ მიუღია.