!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა დაადგინა ევროპულმა სასამართლომ 19 წლის სალომე ჯორბენაძის მკვლელობის საქმეზე? - პოლიციელმა სამსახურებრივი იარაღიდან გასროლით ყოფილი მეუღლე 2014 წელს მოკლა
15:13 / 10-02-2022
სტრასბურგის სასამართლოში წაგებული კიდევ ერთი საქმე - ადამიანის უფლებათა ევროპულმა სასამართლომ სახელმწიფო 2014 წელს, ქმრის მიერ მოკლული 19 წლის სალომე ჯორბენაძის საქმეზე გაამტყუნა. დადგინდა ევროპული კონვენციის მე-2 (სიცოცხლის უფლება), და მე-14 (დისკრიმინაციის აკრძალვა) მუხლების დარღვევა.
2015 წელს საერთაშორისო სასამართლოს საჩივრით მიმართეს არასამთავრობო ორგანიზაციებმა "ახალგაზრდა იურისტთა ასოციაცია" და "პარტნიორობა ადამიანის უფლებებისთვის".
როგორც "PHR" - ის იურისტი ანა აბაშიძე გვეუბნება, სტრასბურგის სასამართლომ საქართველოს გარდაცვლილის ოჯახისთვის კომპენსაციის გადახდა დააკისრა.
"2015 წლიდან განიხილავდა სტრასბურგის სამართლო ამ საქმეს. აღნიშნული გადაწყვეტილება ნიშნავს იმას, რომ ევროპულმა სასამართლომ უთხრა სახელმწიფოს: თქვენ ვერ მოახერხეთ გადაგერჩინათ თქვენი მოქალაქის სიცოცხლე, მაშინ როდესაც, მას აშკარა საფრთხე ემუქრებოდა და ამის შესახებ ინფორმირებული იყო ყველა შესაბამისი სახელმწიფო უწყება. სალომეს ემუქრებოდნენ თავისი გენდერის გამო. სახელმწიფო, ძალოვანი უწყება, სრულად იყო ინფორმირებული, მიუხედავად ამისა, მათ შეგნებულად არაფერი გააკეთეს სალომე ჯორბენაძის გადასარჩენად. სტრასბურგის სასამართლომ დააკისრა სახელმწიფოს კომპენსაცია გარდაცვლილის ოჯახის სასარგებლოდ, თუმცა თანხის ოდენობას ოჯახის გადაწყვეტილებით არ ვასაჯაროებთ", - უთხრა AMBEBI.GE -ს ანა აბაშიძემ.
შემზარავი დანაშაული 2014 წლის 25 ივლისს, ქალაქ ზესტაფონში - ე.წ ირინეს ბაღში მოხდა. იმ დროისთვის მოქმედმა პოლიციელმა სერგო საცერაძემ სამსახურებრივი საშტატო იარაღიდან რამდენიმე გასროლით ხალხის თვალწინ მოკლა ყოფილი მეუღლე სალომე ჯორბენაძე.
აღსანიშნავია, რომ სალომე ჯორბენაძე მკვლელობის დღეს შსს-ს გენინსპექციაში იმყოფებოდა. სწორედ გარდაცვალების დღეს მიმართა მან პოლიციას საჩივრით ყოფილი ქმრის წინააღმდეგ.
დამნაშავე მალევე დააკავეს და სსკ-ის 108-ე მუხლით (განზრახ მკვლელობა) გაასამართლეს. 19 წლის მეუღლის სასტიკი მკვლელობისთვის საცერაძეს ქუთაისის საქალაქო სასამართლომ 11-წლიანი პატიმრობა მიუსაჯა.
გარდაცვლილის დედა, ფატი ჭელიშვილი, უკმაყოფილებას გამოთქვამდა აღნიშნული სასჯელის გამო და მიაჩნდა, რომ ყოფილი სიძე სასამართლოს კიდევ უფრო მკაცრად უნდა გაესამართლებინა.
"გამოძიების მხრიდან არ მოხდა იმ გარემოების გათვალისწინება, რომ ჩემი შვილი მოკლულია პოლიციელის ხელით, პოლიციის იარაღით, სახელმწიფოს კუთვნილი იარაღით. გადაცემა "პროფილში" მიწვეული იყო ქალბატონი, რომელსაც შვილი რიგითმა მოქალაქემ მოუკლა და მასაც 11-წლიანი პატიმრობა მიესაჯა და ჩემი შვილის მკვლელსაც, რომელიც პოლიცილი იყო და აქეთ იყო ვალდებული მოქალაქეთა სიცოცხლე დაეცვა. ასეთ დეტალებზე საუბარი არ ყოფილა. ჩემთვის სასამართლოს გადაწყვეტილება მიუღებელია. სასამართლო პროცესზე სერგი საცერაძის ადვოკატებმა ისიც კი განაცხადეს, რომ 6 სექტემბრამდე ყველაფერი წესრიგში იყო და 6 სექტემბრის შემდეგ რა მოხდაო? 2 სექტემბერს ჩემს შვილს ორმოცი გადავუხადე და შემდეგ გავეცანი ყველაფერს. ეჭვი მაქვს, რომ მათ 6 სექტემბრამდე ყველაფერი ისე ჰქონდათ დაწყობილი, როგორც თავად აინტერესებდათ. საუბარი იყო აფექტზე და ამასთან დაკავშირებით ერთ-ერთი ექსპერტის დასკვნაზე. სასამართლოს არ უმსჯელია და საქმე არ განუხილავს იმ კუთხით, რომ მკვლელობა ჩაიდინა სახელმწიფო მოხელემ – პოლიციის თანამშრომელმა", - აცხადებდა AMBEBI.GE -სთან სალომე ჯორბენაძის დედა.
სალომე ჯორბენაძე სერგი საცერაძესთან გაშორებული იყო. მათ 3 წლის შვილი დარჩათ.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სისხლის სამართლის კოდექსი გადასახედია!!!
ეგ ფულადი ჯარიმა გადაიხადონ ჩინოვნიკებმა,ხალხმა რატო უნდა გადაიხადოს?