კრიშტიანუ რონალდუს უფროს ვაჟს მობილური ტელეფონი არ აქვს - რატომ უკრძალავს ფეხბურთელი შვილს ტექნოლოგიების გამოყენებას

ფეხბურთელი კრიშტიანუ რონალდუ ამბობს, რომ მას თავისი 11 წლის ვაჟისთვის ჯერ კიდევ არ მიუცია უფლება, რომ მობილური ტელეფონი ჰქონდეს, რადგან არ სურს, რომ ბავშვი ტექნოლოგიებზე დამოკიდებული გახდეს.

"ვფიქრობ, ტექნოლოგიამ დიდი როლი ითამაშა ჩვენს ცხოვრებაში, ძალიან გვეხმარება, მეც და ყველას. უნდა ვისარგებლოთ ამ უპირატესობით, მაგრამ ეს იმასაც არ ნიშნავს, რომ მასზე დამოკიდებულები გავხდეთ. მაგალითად, ჩემი უფროსი ვაჟი, კრიშტიანუ, ხშირად მეუბნება: მამა, ტელეფონი მინდა, ტელეფონი მინდა." მე კი ვპასუხობ: კრიშტიანუ, კიდევ ბევრი დროა წინ, მოიცადე", - ამბობს პორტუგალიელი ვარსკვლავი.

ფეხბურთელი ფიქრობს, რომ ბავშვებს ტექნოლოგიასთან მუდმივი წვდომა არ უნდა ჰქონდეთ და მხოლოდ შეზღუდული დროით უნდა მივცეთ მათი გამოყენების საშუალება.

ვარსკვლავმა ბავშვის აღზრდის საკითხზე 2017 წელსაც ისაუბრა და თქვა, რომ განათლება საუკეთესო რამაა, რისი მიცემაც შვილებისთვის შეუძლია და არ სურს მათ ეგონოთ, რომ ყველაფერი, რაც მოუნდებათ ცხოვრებაში, უშრომელად ექნებათ.

წყარო: dailymail

მოამზადა ანა სიბოშვილმა