თბილისში ძლიერი ქარია, რამაც რამდენიმე უბანში პრობლემები შექმნა - რა ინფორმაციას ავრცელებს მერია?
თბილისის მერიის ინფორმაციით, ძლიერმა ქარმა დედაქალაქის რამდენიმე რაიონში პრობლემები შექმნა.
"სხვადასხვა მისამართზე დაზიანებულია სახურავები, სარეკლამო ბანერები. ასევე, წაქცეულია ხეები.
თბილისის გამგეობებისა და „ეკოსერვის ჯგუფის“ წარმომადგენლები ადგილზე იმყოფებიან და სალიკვიდაციო სამუშაოებს ახორციელებენ. ასევე, მობილიზებულია მუნიციპალიტეტის შესაბამისი სამსახურები" - ვკითხულობთ ინფორმაციაში.
ვარკეთილში გადაღებულ კადრებს აქვეყნებს on.ge, სადაც ჩანს, რომ ძლიერი ქარის გამო, ვარკეთილში საცხოვრებელი კორპუსს სახურავის ახდა ემუქრება.
