თიანეთში მერის არჩევნების მეორე ტური "ოცნების" კანდიდატსა და თამაზ მეჭიაურს შორის შედგება
ცენტრალური საარჩევნო კომისიის წინასწარი მონაცემებით, თიანეთში მერის არჩევნებში მეორე ტური გაიმართება.
მეორე ტური „ქართული ოცნების“ მერობის კანდიდატ ლევან წიკლაურსა და თამაზ მეჭიაურს შორის შედგება.
თიანეთში 20 უბნიდან 20-ვე დათვლილია. წინასწარი შედეგების მიხედვით, ლევან წიკლაურს ხმების 43.19% აქვს აღებული, თამაზ მეჭიაურს კი 30.09%. შესაბამისად, მათ 50%-იანი ბარიერის გადალახვა ვერ შეძლეს.