ბრიტნი სპირსი დაინიშნა - ვინ არის მომღერლის რჩეული და რა ღირს ბრილიანტის თვლიანი, ულამაზესი ნიშნობის ბეჭედი

პოპვარსკვლავის, ბრიტნი სპირსის ცხოვრებაში სასიამოვნო სიახლეები გრძელდება. მან ჯერ საწადელს მიაღწია და მამის მრავალწლიანი მეურვეობისგან გათავისუფლდა, ახლა კი გულშემატკივრებს ნიშნობის შესახებ ამცნო.

39 წლის მომღერალმა "ინსტაგრამზე“ გაავრცელა ფოტოები, საიდანაც ირკვევა, რომ ის თავის რჩეულზე, 27 წლის სემ აგარიმზე დაინიშნა.

ბრიტნიმ და სემმა სასიყვარულო ურთიერთობა 2017 წლიდან დაიწყეს, ერთმანეთი კი რამდენიმე თვით, ადრე ბრიტნის ერთ-ერთ კლიპის, Slumber Party-ის გადაღებისას შეხვდნენ. მას შემდეგ, ირანელი ფიტნესინსტრუქტორი, სემ ასგარი მომღერლის ერთ-ერთი ყველაზე დიდი გულშემატკივარი გახდა, რომელიც მხარს უჭერდა და მარტო არასდროს ტოვებდა.

"არ მჯერა!“ - წერს ბრიტნი თავისი ნიშნობის შესახებ. ექპერტ აჯაი ანანდის თქმით, ბეჭედი, რომელიც სემ ასგარიმ ბრიტნი სპირსს აჩუქა, დაახლოებით, 70 ათასი დოლარი ღირს

ამ ამბავს წყვილის მეგობრებისა და გულშემატკივრების მხრიდან დიდი გამოხმაურება მოჰყვა. ერთ-ერთი პირველი, ვინც მათ მიულოცა, ბრიტნის მეგობარი, პერის ჰილტონი იყო. "გილოცავ, სიყვარულო! ბედნიერი ვარ შენ გამო. კეთილი იყოს თქვენი მობრძანება კლუბში!“, - დაწერა ახალდაქორწინებულმა პერისმა. განაგრძეთ კითხვა და დაათვალიერეთ ფოტოები