მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დაქანცული მეხანძრეები დანაცრებულ ადგილებში სიცოცხლის ნიშან-წყალს ეძებენ... 13 წელია აქ ვცხოვრობ და ასეთი უბედურება არ მინახავს" - რას ყვება ადგილობრივი ქართველი საბერძნეთის ხანძარზე
15:59 / 08-08-2021
თურქეთის კვალდაკვალ, 6 აგვისტოს ათენის ჩრდილოეთში მდებარე სახლებიდან პოლიციამ ადამიანების იძულებით ევაკუაცია დაიწყო. რამდენიმე დღეა მეხანძრეები ტყის ხანძრის გაკონტროლებას ვეღარ ახერხებენ.
ძლიერი ქარისა და მაღალი ტემპერატურის გამო, ხანძარი ათენის ჩრდილოეთით, ანტიკური ოლიმპიას მახლობლად და კუნძულ ევიაზე გავრცელდა. განადგურებულია ათენის გარეუბნებში სახლები და ავტომობილები, ხელისუფლებამ ათასობით ადამიანის ევაკუაცია მოახდინა. ხანძრის გავრცელებას ხელს უწყობს საბერძნეთში ძლიერი სიცხე, ბოლო დღეებში ჰაერის ტემპერატურა 40 გრადუსს აჭარბებს.
#wildfires #GreeceFires #greeceisburning #greece #Evia #Πυρκαγια #ΠυρκαγιαΕυβοια #πυρκαγιες #φωτια_ευβοια #fire #Gouva pic.twitter.com/kRl6ZlBQKv
— Alexandros Michailidis (@Alexandros__M) August 8, 2021
ადგილობრივი მედიის ცნობით, ცეცხლმა ათენის თავზე კვამლის უზარმაზარი ღრუბელი წარმოქმნა. ხანძარი ასევე მძვინვარებს საბერძნეთის სხვა ნაწილებში, რის გამოც ევაკუაცია განხორციელდა.
საბერძნეთში ხანძარს უმსხვერპლოდ არ ჩაუვლია, გუშინ 38 წლის მოხალისე მეხანძრეს, ათენის გარეუბანში ელექტროენერგიის ბოძი დაეცა. ეს უკვე მეორე მსხვერპლია. ქვეყნის მასშტაბით, ექვს ადგილას მაღალი საფრთხის რეჟიმია გამოცხადებული. საბერძნეთში მეხანძრეები ცეცხლს 154 ადგილას ებრძვიან.
საბერძნეთში მცხოვრები ილონა თოფჩიშვილი AMBEBI.GE-ს უამბობს, რომ მეხანძრეების თავდაუზოგავი მუშაობის მიუხედავად, ცეცხლი ათენის გარეუბნებს მიუახლოვდა და ადამიანების სიცოცხლეს შეუქმნა საფრთხე.
- ხანძრების გაძლიერებას ძლიერი ქარი და მშრალი ამინდიც ხელს უწყობს, რომელიც რამდენიმე დღეა გრძელდება... 13 წელია ქალაქ ვოტანასში ვცხოვრობ და ვმუშაობ, ასეთი უბედურება არ მინახავს. ერთ კვირაზე მეტია ძალიან ძლიერი სიცხეებია. ადგილობრივები ამბობენ, რომ ასეთი მაღალი სიცხეები რამდენიმე ათწლეულია არ ყოფილა. ძალიან შეშინებულები არიან, რადგან ტემპერატურა ყოველ წელს მატულობს და ხანძრები მოჰყვება ხოლმე. აქაური მედიის ვერსიით, ხანძარს ადამიანების დაუდევრობა და მაღალი სიცხეები იწვევს.
- რა ხდება ახლა თქვენს გარშემო ?
- ახლა ათენში ვართ, ხანძარი გარეუბნებს მოედო, მაგრამ მეხანძრეები და სახანძრო თვითმფრინავები აქტიურად მუშაობენ... ვოტონასიდან პარასკევს დილით მოხდა ჩვენი ევაკუაცა. იქამდე ხალხს სჯეროდა, რომ მეხანძრეები როგორმე შეძლებდნენ ცეცხლი დასახლებულ ადგილებში არ შესულიყო, მაგრამ ძლიერ ქარს გადააქვს. ოჯახს, სადაც ვცხოვრობდი, ინფორმაცია მიაწოდეს, რომ მისი სახლი დაზიანდა, მაგრამ სრულად არ განადგურებულა. აღდგენა შეიძლება.
ჩემი მასპინძლების ნათესავები ქალაქ მარათონში ცხოვრობდნენ. იქაურობა, ფაქტობრივად, განადგურდა. ხანძარი ისე სწრაფად ვრცელდებოდა, რომ ადგილობრივებმა ზღვაში შესვლით უშველეს თავს. მათ სახლში მოხუცი ჰყავთ, რომელიც ეტლით გადაადგილდება და ძლივს მოასწრეს გამოყვანა... ხანძარმა ხე მოგლიჯა, სახლს დაეცა და ჩაანგრიაო. სახლიდან საბუთების გამოტანაც ვერ მოუსწრიათ.
მსგავსი სიტუაციაა იპრატიოსში, პოლითეასა და დროსოპიგში. აქაურებს სახლები დაზღვეული აქვთ, მაგრამ ზარალი მაინც დიდია. ასობით ცხოველია დამწვარი და კვამლით გაგუდული. როდესაც მოვდიოდით, უკან მოგვსდევდნენ და ადამიანებივით ცდილობდნენ გადარჩენას, წყალში ცვივდებოდნენ... ომის დროს ქუჩებში დაღლილ-დაქანცულ ჯარისკაცებს რომ აწყდებიან, ისეა ახლაც, ადგილობრივ გადაქანცულ მეხანძრეებს შეხვდებით, რომლებიც დანაცრებულ ადგილებში სიცოცხლის ნიშან-წყალს ეძებენ. ათეულობით სახლია დამწვარი. არიან დაშავებულები, რომელთაც ჰოსპიტალიზაცია დასჭირდათ. მე სპეციალობით ექთანი ვარ და შევთავაზე მოხალისედ ვიმუშავებ-მეთქი. ჯერჯერობით არ აქვთ საჭიროება.
ეს სეზონი, რომელიც კოვიდ-პანდემიის კვალდაკვალ როგორღაც ამუშავდა, ფაქტობრივად ჩავარდა, თუმცა, ამას ვინ ჩივის, მთავარია, როგორმე ჩააქრონ ხანძარი.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღმერთო, უშველე ყველა გაჭირვებულს!
sashineli kadrebia dzalian davigruze gmertma gadmoxedos:(((