მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნანუკა ცხოვრების სხვა ეტაპზე რომ დაშორებოდა ერეკლეს, სხვანაირად გადაიტანდა" - რას ჰყვება მარიამ გეგუჩაძე ერეკლე კოდუაზე, უცხოეთში სწავლასა და დეპრესიაზე
12:30 / 28-07-2021
სამოქალაქო აქტივისტი, მოძრაობა "სირცხვილიას“ წევრი მარიამ გეგუჩაძე თათია შარანგიას საავტორო გადაცემას "სთორი“ სტუმრობდა. მარიამმა საკუთარ თავზე, განცდებსა და ბოლო დროს გადატანილ მძიმე ამბებზე ისაუბრა, ასევე გაიხსენა დედის, ნანუკა ჟორჟოლიანისა და მამინაცვლის, ერეკლე კოდუას დაშორების პერიოდი. ეს იყო თემა, რომელზეც იმჟამად მთელი საქართველო ლაპარაკობდა და მედიაც აქტიურად განიხილავდა. ჟურნალისტ ნანუკა ჟორჟოლიანს არაერთხელ უსაუბრია, რომ ამ პერიოდში ძალიან ცუდად იყო...
მარიამ გეგუჩაძე:
"იმ პერიოდში უცხოეთში მინდოდა სასწავლებლად წასვლა, მაგრამ მარტოობა ძალიან მიჭირდა. ამიტომ წავედი ბუდაპეშტში, სადაც იმჟამად ერეკლე კოდუა ცხოვრობდა. მე და მან ერთი წელი ვიცხოვრეთ ერთად. ოჯახის წევრები - დედა, ბებია, ხშირად ჩამოდიოდნენ.
დღეს ერეკლესთან ხშირი ურთიერთობა არ მაქვს, მაგრამ ცხოვრებაში ბევრი რაღაც გამიკეთა და მისი მადლიერი ვიქნები. პირველ რიგში, ის არის ჩემი ძმის მამა, იმის იქითაც, დამხმარებია განათლების მიღებაში მატრიალური თვალსაზრისით, დროს მითმობდა, სადღაც დავყავდი...
ყველა ადამიანს ჩვენს ცხოვრებაში გარკვეული როლი აქვს. მას არასოდეს დავუვიწყებ ბევრ რამეს, პირველ რიგში სითბოს, მახსოვს, როგორ ვუყვარდი. დღეს რომ არ ვკონტაქტობთ, იმას არ ნიშნავს, რომ არ არსებობს ან ხვალ რომ დამირეკოს, ტელეფონს არ ვუპასუხებ.
როდესაც ნანუკა და ერეკლი დაშორდნენ, ისე დაემთხვა, რომ ამერიკაში წავედი საცხოვრებლად და იქ ჩავაბარე. ნანუკას, რაც შემეძლო, გვერდში ვედექი, დღევანდელი გადმოსახედიდან შეიძლება რაღაცები სხვანაირად გამეკეთებინა, მაგრამ მას ყოველთვის ვუსმენდი. ძალიან ძნელია, როდესაც მშობელი რაღაცას განიცდის. ბავშვობაში გგონია, რომ ის სუპერგმირია და ყველაფერი შეუძლია, მაგრამ როდესაც ხედავ, ცუდად არის, ხვდები, რომ ზუსტად იგივენაირი ადამიანია, როგორც ყველა სხვა. მაგ დროს მივხვდი, რომ დედაჩემი მხოლოდ სუპერგმირი არ იყო, რომელიც ყველაფერს მოაგვარებდა.
დედა საკმაოდ ემოციურია, მაგრამ იმ პერიოდში სხვა ეტაპი ჰქონდა. ნანუკა ცხოვრების სხვა ეტაპზე რომ დაშორებოდა ერეკლეს, სხვანაირად გადაიტანდა. ცუდ დროს მოხდა, მაშინ საკუთარ თავთანაც ვერ იყო კომფორტულად. შემდეგ დაიწყო საკუთარ თავზე ზრუნვა და ამის გადატანა ისე მოახერხა".
მარიამ გეგუჩაძემ ინტერვიუში საკუთარ თავზეც ისაუბრა. პანიკური შეტევები სწორედ მაშინ დაეწყო, როდესაც ამერიკაში სასწავლებლად წავიდა:
"ამერიკაში ყოფნისას, დამეწყო პანიკური შეტევები და მძიმე დეპრესია. იქამდე წარმოდგენა არ მქონდა, რომ ასეთი რამე არსებობდა, დაგუგვლისაც კი მეშინოდა, მაშინ 17 წლის ვიყავი. თან ვერავის ვუყვებოდი და მთელი ეს ენერგია სწავლაში გადავიტანე... დიდი ხანი ვცდილობდი, ამ შეგრძნებების დავიწყებას.
საკუთარ თავს შორიდან ვუსმენდი. ერთ-ერთი მძიმე ინციდენტის შემდეგ დამეწყო ჭინჭრის ციება, წონაში 20 კილო მოვიმატე, შეშუპებული ვიყავი, ვეღარ ვმოძრაობდი. მახსოვს, პარიზში გარდაიცვალა ჩემი მეგობარი და აი, მანდ ამომასხა, ვეღარ ვმალავდი და ბოლომდე დავიშალე და გავნადგურდი. შემდეგ ვიარე ფსიქოლოგებთანაც და ფსიქიატრებთან. როგორ გადავლახე? - ბოლომდე არ დამიმარცხებია, ჩემი პირველი ნაბიჯი ის იყო, რომ ამ ყველაფრის აღარ მეშინოდა, შემდეგ უკვე საკუთარი თავის მართვა დავიწყე..."
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ერეკლე ძალიან მიყვარს მას შესანიშნავი ოჯახი ყავს .....ისე ბედნიერია !
ამ ინტერვიუმ მთლიანად შეცვალა ამ გოგოზე ჩემი წარმოდგენა! მეტყველებს ძალიან კარგად, განათლებულია, ზომიერია, თავშეკავებულია, ადამიანების მოყვარულია! ვფიქობ, დიდი წარმატება ექნება ცხოვრებაში. ნამდვილად ღირსია!