"2012 წლამდე ხალხი ნატრობდა ციხეში არ მოხვედრილიყო, ახლა კი, იმ დანაშაულებრივი სისტემის შემქმნელთაგან ერთ-ერთი ციხიდან არ გამოდის" - ანრი ოხანაშვილი
"2012 წლამდე ხალხი ნატრობდა ციხეში არ მოხვედრილიყო, "ქართული ოცნების“ ხელისუფლების პირობებში კი, იმ დანაშაულებრივი სისტემის შემქმნელთაგან ერთ-ერთი ციხიდან არ გამოდის", - ეს განცხადება ჟურნალისტებთან საუბრისას "ქართული ოცნების" დეპუტატმა ანრი ოხანაშვილმა გააკეთა.
ოხანაშვილი ირწმუნება, რომ პატიმრობაში დარჩენა-არდარჩენის საკითხი თავად მელიას ხელშია.
"ნიკანორ მელიას ციხიდან გამოსვლა არ უნდა. ეს არის ფაქტი და ამას ყველა ვხედავთ. სხვა შემთხვევაში, თუ ის პატივს სცემს წესებს, რაც ყველა მოქალაქეზე ვრცელდება, სისხლის სამართლის საპროცესო კოდექსით გათვალისწინებული ერთი კონკრეტული მოქმედება უნდა განახორციელოს.
ჩვენ ყველამ ვნახეთ პროკურატურის განცხადება, რომელიც მზად არის განახორციელოს ქმედება, რის შედეგადაც ნიკანორ მელია პატიმრობაში არ იქნება. ამიტომ სრულად მასზეა დამოკიდებული, დარჩება პატიმრობაში თუ არა", - განაცხადა ანრი ოხანაშვილმა.