"კაცების კაცის" ტიტულიც დაიმსახურა ცოლის მცემელმა კაცმა ერთი მატჩით..." - რას წერს ბაია პატარაია ბასილაშვილის ფედერერზე გამარჯვების შემდეგ

ნიკოლოზ ბასილაშვილის ლეგენდარული ჩოგბურთელ როჯერ ფედერერზე გამარჯვებას საზოგადოების მხრიდან უდიდესი სიხარული მოჰყვა. სოციალურ ქსელებში კი ამ ისტორიული გამარჯვების მოპოვებას ბასილაშვილს ულოცავენ და არაერთ სტატუსს უძღვნიან.

აღნიშნულს ეხმიანება უფლებადამცველი ბაია პატარაიაც, რომელიც ფეისბუქში წერს:

"კაცების კაცის" ტიტულიც დაიმსახურა ცოლის მცემელმა კაცმა ერთი მატჩით. სპორტული აღტყინება რომ კაცებზე იდიოტურად მოქმედებს, ეს ხომ უკვე ვთქვი. ვის რაში აინტერესებს, ცოლს რომ სცემა ბასილაშვილმა, ბრალი რომ დაუმძიმდა გამოძიების მსვლელობისას, შემაკავებელი ორდერი რომ ნაღდად გამოწერილია მასზე და ეს მაინცაა უკვე სასამართლოთი დადასტურებული...ეჰჰჰ... არაფერი ესმით კაცებს "კაცობისა" ამ ქვეყანაში", - წერს პატარაია.

ცნობისთვის დოჰას 250-ქულიანი ტურნირის მეოთხედფინალურ ეტაპზე, ქართველი ნიკოლოზ ბასილაშვილი შვეიცარიელ ლეგენდას, როჯერ ფედერერს დაუპირისპირდა. და გამარჯვება მოიპოვა. პირველი სეტი ფედერერის გამარჯვებით დასრულდა, თუმცა ნიკოლოზმა მეორე სეტში გაათანაბრა და მესამე სეტიც მისი გამარჯვებით დამთავრდა. საბოლოოდ ანგარიში სამ სეტში ბასილაშვილის სასარგებლოდ - 3:6, 6:1, 7:5 დაფიქსირდა.