მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კილერის ცოლს სახელი შეუცვალეს და მოსკოვიდან ყირიმში ჩაიყვანეს, ისრები კრემლისკენაა მიმართული" - ზელიმხან ხანგოშვილის ძმა საქმის ახალ დეტალებს ჰყვება
11:52 / 06-03-2021
ბერლინის სასამართლომ საქართველოს მოქალაქე ჩეჩენი საველე მეთაურის, ზელიმხან ხანგოშვილის მკვლელობის საქმის ერთ-ერთი მთავარი მოწმის, საერთაშორისო საგამოძიებო პლატფორმის Bellingcat-ის ჟურნალისტის დაკითხვა დაიწყო. მოწმის ვინაობა და საცხოვრებელი ადგილი გასაიდუმლოებულია და ის განსაკუთრებული დაცვის ქვეშ იმყოფება.
გერმანელ გამომძიებლებს ზელიმხან ხანგოშვილის მკვლელობაში ბრალდებული რუსეთის მოქალაქის, ვადიმ კრასიკოვის ვინაობის და რუსეთის სპეცსამსახურებთან მისი კავშირის დადგენაში სწორედ Bellingcat-ის მიერ ჩატარებული ჟურნალისტური გამოძიება დაეხმარა.
როგორც "დოიჩე ველლე" იუწყება, ბერლინის სასამართლოში 2 მარტს გამართულ სხდომაზე მოწმემ განაცხადა, რომ ბრალდებული კრასიკოვის ცოლმა და ქალიშვილმა, შეცვლილი გვარით მოსკოვი 2019 წლის დეკემბრის დასაწყისში დატოვეს და რუსეთის სპეცსამსახურების წარმომადგენელთა თანხლებით ყირიმში გაემგზავრნენ.
ზელიმხან ხანგოშვილის მკვლელობაში ბრალდებულის სასამართლო პროცესი 2020 წლის 7 ოქტომბრიდან მიმდინარეობს. გამოძიების თანახმად, ბრალდებული, ვინმე ვადიმ სოკოლვის სახელით, გერმანიაში საგანგებოდ ჩავიდა ხანგოშვილის მოსაკლავად და ეს დავალება რუსეთის ხელისუფლებისგან ჰქონდა მიღებული. საბრალდებო დასკვნის მიხედვით, ზელიმხან ხანგოშვილის მკვლელობა იყო შურისძიება ჩეჩნეთის მეორე ომში და რუსეთის საწინააღმდეგო სხვა კონფლიქტებში მისი მონაწილეობის გამო. კრემლი ხანგოშვილის მკვლელობასთან კავშირს უარყოფს.
AMBEBI.GE მოკლული ჩეჩენი საველე მეთაურის ძმას, ზურაბ ხანგოშვილს ევროპაში დაუკავშირდა, რომელმაც გვითხრა, რომ კრასიკოვის ბრალი თითქმის დამტკიცებულია და საბოლოო ვერდიქტს ბერლინის სასამართლო აპრილის ბოლოს გამოიტანს.
"ზელიმხანის მკვლელობის შემდეგ, რაც კი ინფორმაცია მოდიოდა მკვლელის ვინაობის და საქმიანობის შესახებ, Bellingcat-მა მოიძია, ჩვენც და გამოძიებასაც ინფორმაცია მათზე დაყრდნობით გვქონდა. ახლა მიმდინარეობს გამომძიებელი ჟურნალისტების დაკითხვა, დეტალების აღწერა და დაზუსტება. სასამართლოსაც და ადვოკატებსაც ბევრი კითხვები აქვთ. როგორც აღმოჩნდა, კილერის ცოლის უსაფრთხოების ზომები მიიღეს, მას გვარ-სახელი შეუცვალეს და მოსკოვიდან ყირიმში ეფ-ეს-ბე-ს თანამშრომლების თანხლებით ჩაიყვანეს. კრასიკოვი მათი დავალების შემსრულებელი იყო და ამიტომაც იცავს და გადამალა სპეცსამსახურმა მისი ოჯახი. ისიც ითქვა, რომ კილერი მარტო არ მოქმედებდა, მაგრამ მისი ვინაობა ჯერ არ გამჟღავნებულა, არც ის ვიცი, ჰყავს თუ არა გამოძიებას ეჭვმიტანილი. აპრილის ბოლომდე ალბათ დასრულდება ყველაფერი".
ზურაბ ხანგოშვილი გვეუბნება, რომ კრასიკოვს თითქმის დაუმტკიცდა დანაშაული და ისიც, რომ ზელიმხანის მკვლელობა მას კრემლმა დაუკვეთა, რაც არ გამორიცხავს კადიროვის წვლილს ამ საქმეში.
"კადიროვი, კრემლი და ეფ-ეს-ბ რამ გაყო? ისრები კრემლისკენაა მიმართული და დამკვეთ-შემსრულებლები ეფ-ეს-ბე-ს თანამშრომლები არიან. გამოძიება ყველა ვერსიაზე მუშაობს და ამიტომ იყო პროცესზე კითხვები სისხლის აღების წესთან დაკავშირებითაც. სისხლის აღება გამორიცხულია, ასე რომ ყოფილიყო, ამის შესახებ გავიგებდით. თავდაპირველად გაავრცელეს ინფორმაცია, თითქოს ვიღაც ნათესავმა აიღო სისხლი, ზელიმხანი ჩეჩენმა მოკლაო. რომელიმე გვარის ასეთი წარმომადგენელი რომ ყოფილიყო, ჩვენ აუცილებლად გვეტყოდნენ. ამავე დროს, ჩეჩნები სისხლის ასაღებად რუსებს და კილერებს არ აგზავნიან, ამას ძმა, ბიძაშვილი, ნათესავი, მოგვარე აკეთებს...
ცხადია, სასამართლო ყველა ვერსიაზე იმუშავებს, ყველა მხრივ ექნება კითხვები და ყველას უნდა მოუსმინოს. შეიძლება იყოს რუსეთის სპეცსამსახურების მცდელობა, რომ ისრები სისხლის აღების მოტივისკენ მიმართონ, თუმცა ვეღარ მოახერხებენ, თითქმის დამტკიცებულია, რომ კილერი კრასიკოვია. მას ალბათ სამუდამო პატიმრობას მიუსჯიან... ახლახან რუსეთის საელჩომ ახალი, გერმანელი ადვოკატი აუყვანა - საკმაოდ ძლიერი, ძვირადღირებული და ცნობილი ადვოკატი. მათ საერთოდ არ აინტერესებთ კილერი, მისი გამართლების იმედიც არ აქვთ, ვეღარ დაეხმარებიან, ამიტომ, ვინაიდან კვალი მოსკოვში და რუსულ სპეცსამსახურებთან მიდის, ცდილობენ, ეს არ დადასტურდეს და ამაში პროფესიონალი დაიხმარონ, უბრალოდ, ადვოკატი პოლიტიკური თვალსაზრისით რაღაც როლს ითამაშებს. თუმცა ესეც დამტკიცებულია, რომ ზელიმხანის მკვლელობა მოსკოვის დაკვეთა იყო" - გვეუბნება ზურაბ ხანგოშვილი.
საქართველოს მოქალაქე, ეთნიკურად ჩეჩენი ზელიმხან ხანგოშვილი, რომელიც ჩეჩნეთის მეორე ომში რუსეთის წინააღმდეგ იბრძოდა და მოსკოვის მიერ ტერორიზმის ბრალდებით იძებნებოდა, 2019 წლის 23 აგვისტოს, ბერლინში მოკლეს. პოლიციამ იმავე დღეს დააკავა ეჭვმიტანილი, რომელსაც თან ჰქონდა ევროპაში გამგზავრებამდე ცოტა ხნით ადრე, ვინმე ვადიმ სოკოლოვის სახელზე გაცემული ყალბი რუსული პასპორტი.
ზელიმხან ხანგოშვილმა საქართველო 2015 წელს, მასზე თბილისში განხორციელებული შეიარაღებული თავდასხმისა და მკვლელობის მცდელობის შემდეგ დატოვა. თავდასხმის საქმე დღემდე გამოუძიებელია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Vendeta gamoricxulia, chveni mtis xalxi svanebi, xevsurebi, moxeveebi, qistebi kilerebs ar qiraoben.