"გავრილოვის ჩამოშვება შეცდომა იყო..." - მამუკა მდინარაძე

უნდა ვაღიაროთ, შეცდომა იყო გავრილოვის ჩამოშვება, შემდეგ წამოსკუპდებოდა თუ არა ამას ვერავინ დააზღვევდა, იქ თავში იყო შეცდომა, მთელი პასუხისმგებლობით ვამბობ, - ამის შესახებ ფრაქცია "ქართული ოცნების" თავმჯდომარემ მამუკა მდინარაძემ რიგგარეშე სესიაზე განაცხადა, სადაც დეპუტატები მთავრობისთვის ნდობის გამოცხადების საკითხს იხილავენ.

მისივე თქმით, "ქართული ოცნება" "ნაციონალურ მოძრაობას" ორმაგი სტანდარტების ქვეყნის შექმნის უფლებას არ მისცემს.

"ამ ხალხს შეუძლია "გავრილოვები" გაწეროს, მაშინ, როცა გავრილოვის ჩამოსვლამდე 3 წლით ადრე კოვალიუმი და სლოცკი ჩამოვიდნენ. მთელი რუსეთი და ევროპაც იცნობს ამ ადამიანებს, შესაბამის ევროპულ სტრუქტურებში არიან წარმომადგენლები. "ეფესბეს" ყოფილი დირექტორია კოვალიუმი, მისი ჩამოსვლა პრობლემა არ არის, იმიტომ, რომ "ნაციონალური მოძრაობის" წარმომადგენელი უჭერდა მხარს 20016 წელს, მაგრამ გავრილოვი ეს არის შენი ხინჯი, რომელსაც ვერასდროს მოიცილებ და შეუძლია ეს გვარი გეძახოს, ასეთი ორმაგი სტანდარტების ქვეყნის შექმნა უნდათ და ქაოსის შექმნა უნდათ ამ სტანდარტების გაყიდვის გზით", - განაცხადა მდინარაძემ.