"მე მქვია სოფო და ჩემი დიაგნოზია ძვლის კიბო" - 25 წლის გოგონას, რომელიც სხვებს ეხმარებოდა, ახლა დახმარება თავად სჭირდება
25 წლის სოფო ფირანიშვილს ჩვენი მკითხველები კარგად იცნობენ. სოფომ კიბოსთან ბრძოლის მთავარი რაუნდი მოიგო და მას მერე გამუდმებით ცდილობს დაეხმაროს სხვა ონკოპაციენტებს ყველაფრით, რითაც შეუძლია. ახლა კი თავად არის ბრძოლის მეორე ეტაპზე და აუცილებლად სჭირდება საზოგადოების დახმარება.
"მთავარი ბრძოლა მოგებულია, დამრჩა ერთი რაუნდი... მე მქვია სოფო და ჩემი დიაგნოზია ძვლის კიბო, ოსტეოსარკომა (მესამე სტადია, ავთვისებიანი).
საკუთარ თავზე წერა, ყველაზე მძიმე გადაწყვეტილებაა, რაც კი ადამიანმა შეიძლება მიიღო, მით უმეტეს აღიარო, რომ “დიახ, შენ დახმარება გჭირდება”.
საკუთარი ონკო კლუბი მაქვს, სადაც უკვე 1800 ონკოპაციენტს ვაერთიანებთ, და მე ბევრჯერ მითქვამს, იცი რა, გაბედე, სთხოვე, იმიტომ, რომ სიცოცხლისთვის არაფერიც არ ტეხავს, მაგრამ ახლა ამას როცა საკუთარი თავისთვის ვაკეთებ, ისეთი უცნაური განცდა მაქვს...მაგრამ ეს განცდა არაფერია, იმიტომ რომ წინა კაცი, უკანას ხიდია,იმიტომ, რომ ჩემამდეც უჭირდათ ამის გაკეთება ადამიანებს, და რასაც ახლა ვგრძნობ, არ იქნება უცხო მათთვის, მაგრამ ვინც მომავალში ჩემს სიტყვებს წაიკითხავს და იგივეს გაკეთება მოუწევს, ვიცი, რომ ძალას იგრძნობს და წინასწარ მიხარია.
ამიტომ მე თვითონ გა დავწყვიტე დამეწერა, რომ ახლა აუცილებლად მჭირდება კვლევები, ახლა აუცილებლად უნდა წავიდე ისრაელში, ისრაელის მოქალაქეობის მიუხედავად, ჩემი დაზღვევა შეწყდა და დავჯარიმდი.
ჩემი დაავადება არის იშვიათი და საჭიროებს განსაკუთრებულ მიდგომებს.
თუმცა მთავარი ბრძოლა მოგებულია, და ამ რაუნდსაც თქვენი წყალობით მოვიგებ.
გმადლობთ, ადამიანებო, ამდენი სიყვარულისთვის, თქვენ ხართ ჩემი ძალა, და პასუხისმგებლობა, რომ დიახაც, ვიცოცხლებ".
სოფოს დახმარება შეგიძლიათ შემდეგ ანგარიშებზე:
თი-ბი-სი ბანკიGE30TB7597445061100058
საქართველოს ბანკიGE93BG0000000182651300
მიმღები სოფო ფირანიშვილი
საქართველოში კორონავირუსით კიდევ 9 ადამიანი გარდაიცვალა - როგორია ვირუსის გავრცელების დადებითობის დღიური მაჩვენებელი
ბოლო დღე-ღამეში საქართველოში 19 345 ტესტი ჩატარდა - რამდენი ახალი ინფიცირებულია რეგიონების მიხედვით
