მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ისე გახადეს, პარლამენტში არ შევალო, გეგონება სამშობლოს უნდა უღალატო" - ალეკო ელისაშვილი განმარტავს, რა შემთხვევაში შევა პარლამენტში
13:31 / 09-12-2020
პარტია "მოქალაქეების“ ლიდერის, ალეკო ელისაშვილის განცხადებით, ის დათანხმდება პარლამენტში შესვლას იმ შემთხვევაში, თუ მხარეები საარჩევნო კანონმდებლობის და საარჩევნო ადმინისტრაციის რეფორმაზე შეთანხმდებიან.
ამის შესახებ ელისაშვილმა "ფეისბუქ ლაივში“ ისაუბრა.
"მე მინდა, რომ ცეკო-ს თავმდჯომარე იყოს ყველაზე სანდო ადამიანი, ხომ გინდათ ეს? ამისთვის ვირჯები. ვირჯები იმისთვის, რომ არჩევნებს ვენდობოდეთ, წესიერი ცესკო იყოს, წესიერი საარჩევნო სისტემა იყოს, რომელიც რომელიმე პარტიაზე კი არა, ქვეყნის მომავალზე იქნება მორგებული და ისეთი წესები წამოვიღოთ ამ შეხვედრიდან და ისეთი საარჩევნო ადმინისტრაცია, რომ გაყალბების შანსი იყოს მინიმუმამდე დასული. ეს საშვილიშვილო შედეგი მინდა წამოვიღო და ამისთვის ვიბრძვი მე პირადად. ელჩებთან დროის სამი მეოთხედი ეთმობა იმას, ცესკო როგორ უნდა დაკომპლექტდეს, თავმჯდომარე როგორი უნდა იყოს, საოლქო კომისიას რა უნდა ჰქონდეს, არჩევნების წესი როგორი უნდა იყოს. ამას მივყვებით საათობით“, -განაცხადა ელისაშვილმა.
მისივე თქმით, ახლა არის მომენტი, როცა ოპოზიციას მოლაპარაკებებიდან შეუძლია "საქართველოს მომავალი“ გამოიტანოს.
"პირდაპირ გეუბნებით, მე მწამს, რომ გვაქვს ახლა მომენტი, რომ იმ მოლაპარაკებებიდან საქართველოს მომავალი გამოვიტანოთ გაწიკწიკებული საარჩევნო წესებით, სანდო საარჩევნო კომისიის წესით. ამისთვის ვიბრძვით. ეს არის ეროვნული ამოცანა, რომელსაც მივადექით ყველა. მთავარი მექანიზმი რა არის, ქუჩაში ხომ არ უნდა მივსდევდეთ ზარბაზნით? გაგვიკეთებია და დავანგრიეთ ეს ერთხელ 90-იანებში. თუ მე იქიდან ეს გარანტია მექნება ხელში, პარლამენტში შევალ, რა თქმა უნდა, ისე გახადეს, პარლამენტში არ შევალო, გეგონება სამშობლოს უნდა უღალატო. ტყუილად პარლამენტში არ შევალ ცოცხალი თავით და არც შევდივარ ხომ ხედავთ, ერთი თვეა ფეხი გაფიჩინებული მაქვს და ერთი თვეა მოლაპარაკებებზე დავდივარ „პასტით“ და ფურცლით, რომ ეს უნდა გაკეთდეს, ეს უნდა გაკეთდეს, ამაზე ვმუშაობ და ამით თუ გამოვალ იქიდან, გამოვალ თავაწეული. ყველა გამოვა თავაწეული, ვისაც უნდა, რომ ეს ქვეყანა წინ წავიდეს, არ აურიოს ეს ქვეყანა და რევოლუცია არ მოახდინოს“, - განაცხადა ელისაშვილმა.
მისივე თქმით, ქვეყანა ერთ დღეში არ აშენდება.
"მე მჯერა იმის, რომ ქვეყანა ერთ ორშაბათს არ აშენდება და უცებ ბედნიერ საქართველოში არ გავიღვიძებთ. ბიძინა ივანიშვილს არ მოუნდება, რომ დემოკრატიული იყოს ეს ქვეყანა. უნდა ვიბრძოლოთ! შარშან ვიბრძოლეთ და გამოვგლიჯეთ საარჩევნო სისტემა. წელს ვიბრძვით და უნდა გამოვგლიჯოთ სანდო, საიმედო საარჩევნო სისტემა და კიდევ ერთხელ გეუბნებით - თუ ამას ხელში დავიჭერ და გამოვალ იქიდან თავაწეული და პირნათელი ჩვენს შვილებთან და ჩვენს მომავალთან, კი ბატონო, შევალ პარლამენტში", - განაცხადა ელისაშვილმა.
მკითხველის კომენტარები /
137 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გაუპრავებ არჩევნებს და ჩემი ოჯახის ხმებსაც ვეღარ მიიღებ მომავალ არჩევნებზე. სულ ეს იქნება. პირადად მე მიშაც და ბიძინაც ორივე ერთ ადგილზე და შენ მესამე იქნები იმავე ადგილზე
მართალია, როგორც ჩანს გაუნათდა გონება.