არსებული ინფორმაციით, წალკაში ახალზელანდიელების ოჯახი დააყაჩაღეს - "როგორც ვიცი ცოლი, შვილები დააბეს..."
არსებული ინფორმაციით, წალკის რაიონში მცხოვრები ახალზელანდიელების ოჯახი დააყაჩაღეს. როგორც სოციალურ ქსელში დავით კიზირია წერს, ოჯახიდან წაღებულია მანქანა, ფული და ტელეფონები.
"SOS! წალკის რაიონში რამდენიმე წელია ახალზელანდიელების ოჯახი ცხოვრობს. მეურნეობა დაიწყეს, სასტუმროს მშენებლობა - მოკლედ, ინვესტირება მოახდინეს და დიდი გეგმები ქონდათ...
დაახ. საათნახევრის წინ დააყაჩაღეს, როგორც ვიცი ცოლი, შვილები დააბეს, მანქანა, ტელეფონები, ფული წაართვეს...
მოკლედ, ძალიან ცუდი ამბავია, დროზეა საჭირო რეაგირება!
პ.ს. ერთადერთი საშუალება არის მაქსიმალური გასაჯაროება და საზოგადოებრივი კონსოლიდაცია კრიმინალის წინააღმდეგ - სხვა გზას ვერ ვხედავ. ((შსს უკვე ინფორმირებულია" - წერს კიზირია.
AMBEBI.GE აღნიშნულთან დაკავშირებით შინაგან საქმეთა სამინისტროს პრესსამსახურის კომენტარს ელოდება.
ზუგდიდში, ბანკში აყვანილი მძევლის წამების შესახებ ცნობას თავდაცვის სამინისტრო დეზინფორმაციას უწოდებს - "დავით ხვიბლიანი ცილისწამების გამო, გეგმავს მიმართოს სასამართლოს"
ბათუმში ხიმშიაშვილების ოჯახის ძარცვაში ბრალდებული დააკავეს
