მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩრდილოეთით - რუსეთისაკენ თუ დასავლეთით - ევროპისაკენ? - სანიმუშო საქართველო გზაგასაყართან დგას" - რას წერს გერმანული გამოცემა?
14:54 / 02-09-2020
გერმანულ ჟურნალში «Cicero» გამოქვეყნებულია სტატია, სათაურით: "სანიმუშო საქართველო გზაგასაყართან დგას" (ავტორი - ოლივერ როსოფი), რომელშიც გაანალიზებულია ქვეყნის დღევანდელი საგარეო პოლიტიკური კურსი. როგორც ადრე, ახლაც საქართველოს წინაშე დილემა დგას: საით - ჩრდილოეთით, რუსეთისაკენ თუ დასავლეთით, ევროპისაკენ?
"საქართველო დიდი ხნის განმავლობაში არასტაბილურ კავკასიის რეგიონში სანიმუშო სახელმწიფოდ ითვლებოდა,დღეს კი მისი მთავრობის ზოგიერთმა მოქმედებამ შეიძლება ქვეყანას პროდასავლური გზიდან გადაახვევინოს. მას შემდეგ რაც კორონავირუსის გამო ევროკავშირის ინტერესი საქართველოს მიმართ რამდენადმე განელდა, რუსეთმა კრიზისის თავის სასარგებლოდ გამოყენება დაიწყო. მოსკოვი იმითაც სარგებლობს, რომ დასავლეთის ყურადღება ახლა ბელარუსის მოვლენებისადმია მიპყრობილი"“, - ნათქვამია პუბლიკაციის პროლოგში, რომლის შემდეგ ავტორი უფრო ვრცლად იხილავს ქართულ საგარეო პოლიტიკურ დილემას.
"რუსეთთან 2008 წლის ომის შემდეგ საქართველოს მნიშვნელოვანი წარმატებები აქვს მიღწეული - იმდენად მნიშვნელოვანი, რომ მან უკან ჩამოიტოვა არამარტო ევროკავშირში მიღების კანდიდატი ქვეყნები, არამედ უშუალოდ ევროკავშირის ზოგიერთი წევრიც... ხელი მოეწერა ევროკავშირთან ასოცირების შეთანხმებას, უკვე ლაპარაკობდნენ საქართველოს ნატოში მიღების შესახებაც... ანუ შეიძლება ითქვას, რომ ქვეყანას ნამდვილად ჰქონდა ადრე თუ გვიან ევროატლანტიკურ სტრუქტურებში გაწევრიანების შანსი.
გაწევრების სასარგებლოდ მეტყველებდა საქართველოს ბოლო წლების სწრაფი ეკონომიკური, სოციალური და პოლიტიკური პროგრესიც, რის შედეგადაც ის კავკასიაში სანიმუშო სახელმწიფოდ გადაიქცა. საკმარისია მხოლოდ რუკას შევხედოთ, რომ მივხვდებით, თუ როგორი სტრატეგიული მდებარეობა აქვს საქართველოს - ეს ქვეყანა დასავლეთსა და აღმოსავლეთს შორის ვაჭრობაში საკვანძო წერტილს წარმოადგენს, განსაკუთრებით ე.წ. "ციფრულ აბრეშუმის დიდ გზაზე".
მაგრამ საქართველოს სანიმუშო ქვეყნის რეპუტაციამ თანდათან გაფერმკრთალება დაიწყო. მთავრობის მოქმედებით, უცხოური ინვესტიციები რომ მიზიდულიყო, ქვეყანა ერთ დიდ "პოტიომკინის სოფლად" გადაიქცა, რაც ევროპისაკენ მის მოძრაობას აფერხებს. იმავდროულად ძლიერდება ზეწოლა მოსკოვის მხრისაგანაც, რომელიც 2008 წელს ოკუპირებული ტერიტორიების საზღვრებს აფხაზეთში და სამხრეთ ოსეთში საქართველოს სიღრმეში სწევს. "მცოცავი ოკუპაციის" რეალობა რამდენჯერმე დადასტურდა. მოსკოვი ხშირად სარგებლობს კიბერნეტიკული შეტევებით ქართული ინტერნეტ-საიტების წინააღმდეგ.
დასავლეთის შეშფოთებას იწვევს თვითონ საქართველოს მთავრობის მოქმედებაც, რომლითაც იზღუდება დასავლელი ინვესტორების უფლებები, ეს კი ხელს უშლის ქვეყნის ინტეგრაციას ევროპასთან. მთავრობის ასეთ ნაბიჯებს მიეკუთვნება ის პოლიტიკური გადაწყვეტილებები, რომლებიც მიმართულია უცხოურ კომპანიებთან კონტრაქტებისა და ხელშეკრულებების დარღვევა-შეწყვეტისაკენ ინფრაქსტრუქტური თითქმის ყველა სფეროში - საზღვაო ნავსადგურების და ნავთობ-გაზის ობიექტებიდან დაწყებული, ციფროვიზაციით დასრულებული. ამ პროცესმა თავის პიკს მიაღწია ივლისში მიღებული კანონპროექტით, რომელიც ელექტრონული სახის კომუნიკაციებს არეგულირებს. ამ ჩარჩოებში ჯდება ბოლო დროს დაწყბეული ტენედენციაც, რომელიც კომპანია "კაუკაზუს ონლაინს“ ეხება: 2019 წელს ჰოლდინგმა NEQSOL-მა იყიდა Caucasus Online-ს აქციების 49% და მის განვითარებას გეგმავდა - ინტერნეტკავშირის კაბელით ერთმანეთთან ევროპის, კავკასიისა და ახლო აღმოსავლეთის, ასევე აზიის ქვეყნების დაკავშირებას (ციფრული აბრეშუმის დიდი გზის პროექტის მიხედვით). ამის შესახებ NEQSOL-მა საქართველოს მთავრობასაც დროულად აცნობა, მისი გეგმების შესახებ ყველა სამინისტრო საქმის კურსში იყო , მაგრამ დღეს მთავრობა, მოიმიზეზა რა ინფორმაციის ნაკლებობა, გადადგა ისეთი ნაბიჯები, რომელიც NEQSOL-ს ქონების დაბრუნებასა და კონტრაქტის დეზავუირებას აიძულებს.
რა თქმა უნდა, ასეთ მოქმედებას შეუძლებელია ზიანი არ მიეყნებინა საქართველოს, როგორც საიმედო პოლიტიკურ-ეკონომიკური პარტნიორის - საინვესტიციო კლიმატისათვის: 2020 წლის პირველ კვარტალში, გასული წლის ანალოგიურ პწერიოდთან სედარებით, ქვეყნის ეკონომიკაში პირდაპირი ინვესტიციები 42%-ით შემცირდა. ალბათ, კორონავირუსის პანდემიის გამო სიტუაცია კიდევ უფრო გაუარესდება. ნიშანდობლივია, რომ აშშ-ის მთავრობამ საქართველოს ფინანსური დახმარება 15%-მდე შეუმცირა, სანამ სიტუაცია არ გამოსწორდება.
თუ საქართველო პოზიტიური რეფორმების გზიდან დაშორებას გააგრძელებს, მაშინ ასეთი პოლიტიკა ქვეყანას სამხედრო-პოლიტიკურ პრობლემებს გაუჩენს. ამავე მიზეზით ციფრული ცენტრი, რომელიც შეიძლებოდა საქართველოში ყოფილიყო, შეიძლება თურქეთში ან რუსეთში აღმოჩნდეს, რაც, რასაკვირველია, კონსტრპროდუქტიული იქნება როგორც თვით საქართველოსთვის, ასევე ევროპისათვის.
საქართველოს მხოლოდ ორი შესაძლებლობა აქვს ამ პრობლემის გადასალახავად:
პირველი - თბილისს შეუძლია დღევანდელი გზით იაროს, გახდეს იოლი ლუკმა მოსკოვისათვის და ამით ევროკავშირისგან დახმარება წაერთვას და მეორე - უარი თქვას უკვე მიღებულ ზომებზე, მოახდინოს საერთაშორისო ინვესტიციების ფორსირება თავის ციფრულ და ეკონომიკურ სფეროში და ამით მოსკოვზე ნაკლებად დამოკიდებული გახდეს.
ევროპამაც უნდა გააცნობიეროს საქართველოს სტრატეგიული ღირებულება, მათ შორის იმ მიზნისთვისაც, რომ შეზღუდოს რუსეთის გავლენა შავ ზღვაზე და ამით უფრო მჭიდროდ დაუახლოვდეს კავკასიის რეგიონს. ბრიუსელმა უნდა ისარგებლოს საქართველოსთან თანამშრომლობით, აგრეთვე ქართული საზოგადოების პროევროპული განწყობით, რათა კანონიერების დაცვა უზრუნველყოფილი იყოს.
ძლიერი საქართველო, რომელიც ღია იქნება საერთაშორისო თანამშრომლობისა და ევროპული ფასეულობების გასაზიარებლად, სრულიად შეესაბამება ევროპის ინტერესებს. წინააღმდეგ შემთხვევაში საქართველო რუსეთს და ევროკავშირს შორის ბუფერულ ქვეყნად იქცევა. წყარო
ავტორი: სიმონ კილაძე
მკითხველის კომენტარები /
27 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენი ახლანდელი მთავრობის ყველაზე დიდი სირცხვილი არის მისი უკბილო და ყოვლად მავნებლური საგარეო პოლიტიკა, უფრო სწორად საგარეო პოლიტიკის არარსებობა
საქართველოს გადარჩენის ერთად-ერთი გზა რუსეთია. მას შემდეგ რაც საქართველომ ჩრდილოეთიდან ამომავალ მზეს ზურგი აქცია და ამერიკა-ევროპის მზეს მიეფიცხა, დაიწყო ჭკნობა და ლპობა, ჩამოხმა და განახევრდა ტერიტორიულადაც და მოსახლეობის რაოდენობის მხრივაც. საქრთველოს მოსახლეობის აბსოლიტური უმრავლესობა ისე გაღარიბდა და გაუბედურდა, რომ დღესაც თურქი და ევროპელი მოხუცების მოვლითღა შოულობს ლუკმა-პურს! ევროპა და ამერიკა მხოლოდ იმაზე ფიქრობს კიდევ რაში და როგორ გამოიყენოს საქართველო და როგორ მიიღოს ამით კიდევ უფრო მეტი სარგებელი. ამერიკელებმა და ევროპელებმა ისე უსირცხვილოდ აჩუქეს რუსთს საქართველოს ტერიტორიის 20 პროცენტი და სასიკვდილოდ გაწირეს იქ მცხოვრები ქართველები, კოსოვოს დამოუკიდებლობის აღიარების სანაცვლოდ, რომ სინდისის ქეჯნაც კი არ უგრძვნიათ. ასე რომ, ვიდრე ჯერ კიდევ, თუნდაც ცალი თვალით გვიცქერის ჩრდილოეთის მზე, მისკენ უნდა მივტრიალდეთ, თორემ მერე უკვე გვიანი იქნება და ნელ-ნელა გავიყინებით ამერიკა-ევროპის მზიდან წამოსული სითბოს მოლოდინში!