მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსეთმა, "საჭიროების შემთხვევაში“, შესაძლოა ბელარუსში პოლიცია გაგზავნოს - რაზე შეთანხმდენენ ლუკაშენკო და პუტინი
12:44 / 28-08-2020
რუსეთის პრეზიდენტი, ვლადიმირ პუტინი აცხადებს, რომ "თუ საჭირო იქნება" ბელარუსში რუსეთი პოლიციას გაგზავნის. ამის შესახებ BBC Rossiya 1TV-ზე დაყრდნობით წერს, რომელსაც პუტინმა ინტერვიუ მისცა.
პუტინის თქმით, ალექსანდრ ლუკაშენკოს თხოვნით რუსეთმა სამართალდამცავების რეზერვი ჩამოაყალიბა.
"ალექსანდრ გრიგორიჩმა მთხოვა, რომ სამართალდამცავი ორგანოების თანამშრომლებისგან ჩამომეყალიბებინა გარკვეული რეზერვი და მე ეს გავაკეთე. თუმცა, ჩვენ შევთანხმდით ასევე, რომ ის არ იქნება გამოყენებული, ვიდრე სიტუაცია უკონტროლო არ გახდება და ვიდრე პოლიტიკურ ლოზუნგებს ამოფარებული ექსტრემისტული ელემენტები არ გადავლენ გარკვეულ ზღვარს და არ შეუდგებიან ნგრევას, არ დაიწყებენ მანქანების, შენობების, ბანკების დაწვას, არ ეცდებიან ადმინისტრაციული შენობების დაკავებას და ა.შ.
ალექსანდრ გრიგორიჩთან საუბრისას ჩვენ მივედით დასკვნამდე, რომ ასეთი საჭიროება დღეს არ არის და ვიმედოვნებ, არც იქნება. ამიტომ, ამ რეზერვს ჩვენ არ ვიყენებთ. შევთანხმდით, რომ ამ ძალას გამოვიყენებთ იმ შემთხვევაში, თუ სიტუაცია კონტროლს აღარ დაექვემდებარება", – ამბობს პუტინი.
ცნობისთვის, ბელარუსში 9 აგვისტოს საპრეზიდენტო არჩევნების წინასწარი შედეგების გამოცხადების შემდეგ, საპროტესტო აქციები მიმდინარეობს. ქვეყნის ცენტრალური საარჩევნო კომისიის მიერ გამოქვეყნებული ინფორმაციის თანახმად, მოქმედ პრეზიდენტ ალექსანდრ ლუკაშენკოს ამომრჩეველთა 80.23%-მა დაუჭირა მხარი, მისმა მთავარმა ოპონენტმა სვეტლანა ტიხანოვსკაიამ კი, ამომრჩეველთა 9.9-ის მხარდაჭერა მოიპოვა. სვეტლანა ტიხანოვსკაია ქვეყნიდან გააძევეს და ის ახლა ლიეტუვაში იმყოფება და მხარდამჭერებს ვიდეო მიმართვების საშუალებით ესაუბრება.
აღსანიშნავია, რომ ბელარუსში მიმდინარე პროცესებს მკაცრად აკრიტიკებენ საერთაშორისო პოლიტიკურ არენაზე, ევროკავშირში კი ლუკაშენკო პერსონა ნონ გრატად გამოაცხადეს. თავად ლუკაშენკო აცხადებს, რომ არჩევნები უკვე ჩატარდა და რომ ქვეყანაში სხვა არჩევნები აღარ იქნება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს კაცი ამბობს არ ვერევიო სხვის საქმეებშიო?