!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სხეულზე ცეცხლსასროლი იარაღით მიყენებული ჭრილობა არ ჩანს, ბლაგვ საგანს არ გამოვრიცხავთ" - რას ყვება გიორგი შაქარაშვილის ოჯახის წევრი
13:38 / 23-06-2020
19 წლის ფეხბურთელის გიორგი შაქარაშვილის სიკვდილის მიზეზი ჯერჯერობით ისევ უცნობია. ყველა ელოდება გამოძიებას. ამ დრომდე სამართალდამცავები ჰკითხავენ მოწმეებს. ადვოკატების თქმით, ამ ეტაპზე კონკრეტული ბრალდებული გამოძიებას არ ჰყავს და ამ დრომდე ისიც უცნობია, რა ვერსიაზე მუშაობს გამოძიება.
გიორგის ცხედარი 22 ივნისს, სამხარაულის ექსპერტიზის ბიუროდან მის სახლში, გვიან ღამით გადაასვენეს. ექსპერტიზაში ოჯახის თხოვნით დამოუკიდებელი ექსპერტი კახა ერისთავი ჩაერთო, ის არ აკონკრეტებს რა დაზიანებები ჰქონდა ცხედარს, აცხადებს, რომ მთავარ კითხვებს პასუხი ახლა ქიმიურმა და გისტოლოგიურმა კვლევამ უნდა გასცეს.
"მიმდინარეობს ქიმიური კვლევები, წყალში დაიხრჩო თუ არა ამასთან დაკავშირებით და ასევე, გისტოლოგიური გამოკვლევებიც. აღნიშნულის პასუხები რომ იქნება, მერე ვისაუბროთ, რადგან შედეგები მეც მეცოდინება. პირველადი დათვალიერების შედეგებს ვერ გეტყვით, რადგან მე თვითონაც არ ვიცი", - განაცხადა კახა ერისთავმა.
უმძიმეს ტრაგედიას საქართველოს პრეზიდენტი სალომე ზურაბიშვილიც გამოეხმაურა.
"ვუსამძიმრებ გიორგი შაქარაშვილის ოჯახს და გამოვთქვამ დიდ მწუხარებას. ამ ქვეყანაში რომ აღარ დასრულდა ახალგაზრდათა შორის ერთმანეთის სასიკვდილოდ გამეტება, ეს ჩვენი ქვეყნის დიდი ტრაგედიაა!", - წერს სოციალურ ქსელში პრეზიდენტი.
ფაქტს ეხმაურება სოციალური ქსელით სახალხო დამცველი ნინო ლომჯარია და მოუწოდებს ყველას, ვინც ინფორმაციას ფლობს, გამოძიებასთან ითანამშრომლოს.
"ძალიან მძიმე მოსასმენია 19 წლის ფეხბურთელის დაღუპვის ამბავი... ვუსამძიმრებ გარდაცვლილის ოჯახის წევრებს და ახლობლებს. სამწუხაროდ, კრიმინალურ მენტალიტეტს, ქუჩურ-უბნურ გარჩევებს ახალგაზრდების სიცოცხლე ისევ ეწირება. მნიშვნელოვანია გამოძიება დროულად, ობიექტურად და სრულყოფილად წარიმართოს და ყველამ, ვინც შესაძლოა ფლობდეს ინფორმაციას საქმისთვის მნიშვნელოვანი გარემოებების თაობაზე, ითანამშრომლოს გამოძიებასთან", - წერს იგი.
ყველაზე მთავარი გამოძიებისთვის ალბათ გიორგი შაქარაშვილის მეგობრის, გურამ (გუკა) ამირხანაშვილის ჩვენება იქნება, რომელიც ჟურნალისტებთან მომხდარის დეტალებზე ჯერჯერობით არ საუბრობს. სწორედ მან ნახა ბოლოს გიორგი. სოციალურ ქსელში ის წერს, რომ არცერთი ტელევიზიისთვის ინტერვიუ არ მიუცია, არადა, ტელეკომპანია "მთავარმა" მასთან ჩაწერილი სატელეფონო ჩანაწერი გაავრცელა და როგორც ექსკლუზიური ინტერვიუ ისე მოასმენინა მაყურებელს. ამირხანაშვილი სოციალური ქსელში გამოეხმაურა ამ სიუჟეტს და თქვა, რომ უბრალოდ მის ნაცნობს ესაუბრებოდა და ეს კი ინტერვიუდ გაასაღეს. იმ საუბარში ჩანს, რომ დაპირისპირება აგარაკზე დაიწყო, თუმცა ამბობს, რომ გიორგი ამ კონფლიქტში არ მონაწილეობდა.
გიორგი შაქარაშვილის ბიძა, ადვოკატი მირიან ნიკოლაძე გამოძიებას ენდობა და ელოდება ექსპერტიზის პასუხებს.
მირიან ნიკოლაძე:
- ბოლო წუთამდე მქონდა იმის იმედი, რომ გიორგის ცოცხალს ვიპოვიდით, რადგან 3 დღე და ღამე მშიერ მწყურვალი მაშველები ეძებდნენ გიორგის წყალში და ვერ პოულოდნენ, ამიტომ ვამბობდი, იმედი მაქვს, ცოცხალია მეთქი. მდინარის თემა თითქოს ნელ-ნელა ირიცხებოდა, რადგან გიორგი არ ჩანდა, მაგრამ მწარე რეალობის წინაშე დავდექით. ჩვენი იმედი არ გამართლდა. აღმოჩნდა, ბავშვი მდინარემ წაიღო, თურმე სილაში იყო ჩაფლული და იმიტომ ვერ პოულობდნენ. ყველაფერს პასუხი უნდა გასცეს ექსპერტიზამ, უნდა გაიმიჯნოს დაზიანებები როდინდელია - გარდაცვალებამდელი თუ გარდაცვალების შემდგომი... მაშველებმა, პოლიციელებმა ყველაფერი გააკეთეს. ექსპერტიზა რამდენიმე საათი გაგრძელდა. ვიცით, რომ გიორგი მთვრალი არ იყო, მისი მეგობარი გურამი 3-4-ჯერ დაიკითხა უკვე.
გიორგი საოცრად კარგი ბიჭი იყო, ზრდილობიანი, მოწესრიგებული, უკონფლიქტო. სერიოზული სპორტსმენი, კარგად თამაშობდა, პერსპექტიული. უცხოეთიდან მოწვევები ჰქონდა და ფიქრობდა კიდეც წასვლაზე. როგორც ვიცით, წვეულებაზე კონფლიქტი თუ რაღაც საქმის გარჩევა მოხდა, მაგრამ ყველა აღნიშნავს, რომ გიორგი კონფლიქტში არ მონაწილეობდა.
- მისი მეგობარი ამბობს, რომ გაიქცნენ, რადგან მანქანით აედევნენ, ხომ არ ფიქრობთ, რომ მდინარეში ფეხი დაუცურდა?
- ჩემი თვალით ვნახე ის ადგილი და ამას გამოვრიცხავ.
- ვიზუალურად ცხედარს დაზიანებები აქვს?
- დაზიანებები აქვს ბუნებრივია, სამი დღე მდინარეში იყო ბავშვი და ექნება... მაგრამ ყველაზე მთავარია გაირკვეს, რითი მიადგა ეს დაზიანებები, ეს არის სიკვდილამდე მიყენებული თუ შემდგომ, წყლის დინებით გამოწვეული.
- ცეცხლნასროლი ჭრილობა ხომ არ აღენიშნება?
- ვიზუალური დათვალიერებით ცეცხლსასროლი იარაღით მიყენებული ჭრილობა არ ჩანს, ბლაგვ საგანს არ გამოვრიცხავთ...
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კრიმინალური გარჩევები კი არა ბეზპრიდელშიკები არიან რომლებსაც პასუხს არავინ არ თხოვს მაგათნაირებს რომ პასუხი მოეთხოვებოდეს ეგრე ვერ მოიქცევიან და არც ამდენი მკვლელობა მოხდებოდა ამიტომ ტყვილა ქუჩას ნუ აბრალებთ სანამ ქუჩაში მოხვდებიან ოჯახში უნდა აღზარდოთ შვილები მაგრამ ვის ცალია დედა უცხოეთშია მამა პივის ბოთლით სადარბაზოსთან ან მეტადონის პროგრამაში ზის ამიტომ ხდება ამდენი დანაშაული
ვაიმე ახლა თუ ამ ბიჭის მკვლელობა ვინმეს შერჩა არ ვიცი მერე არასოდეს ჩვენი საშველი არ იქნება. ყველა დაიჭირეთ და არ გამოუშვათ სანამ სიმართლეს არ იტყვიან ეგ საზიზღარი ბავშვები.