მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თუ ყნოსვის და გემოს შეგრძნება დაკარგეთ, შესაძლოა, კორონავირუსი გქონდეთ - ასეთი ადამიანები ვირუსს "ფარულად ავრცელებენ"
11:45 / 23-03-2020
თუ მოულოდნელად, გემოსა და ყნოსვის შეგრძნება დაკარგეთ, თქვენ, შესაძლოა, კორონავირუსით იყოთ ინფიცირებული, თანაც ისე, რომ ვირუსის გავრცელებული სიმპტომები - ხველება და მაღალი ტემპერატურა არ გქონდეთ.
ამის შესახებ დიდი ბრიტანეთის წამყვან რინოლოგებზე დაყრდნობით Busines Insider წერს.
რინოლოგების ინფორმაციით, სამხრეთ კორეაში, ჩინეთსა და იტალიაში COVID-19-ით ინფიცირებული პაციენტების დაახლოებით მესამედმა ყნოსვისა და გემოს შეგრძნება დაკარგა. ამ მოვლენას მედიცინაში ანოსმიას, ან ჰიპოსმიას უწოდებენ.
აღნიშნულ საკითხზე საუბრობენ თავიანთი კვლევის დასკვნაში ბრიტანეთის რინოლოგთა ასოციაციის ხელმძღვანელი, პროფესორი კლერ ჰოპკინსი და ბრიტანეთის ოტორინოლარინგოლოგთა ასოციაციის პრეზიდენტი, პროფესორი ნირმალ კუმარი.
პროფესორების თქმით, მსოფლიოს მასშტაბით, კორონავირუსით დაინფიცირებულ პაციენტთა დიდ ნაწილს ვირუსის საწყის ეტაპზე მხოლოდ ყნოსვისა და გემოს დაკარგვის სიმპტომი აქვთ, მაგრამ ვინაიდან ეს აქამდე არ ითვლებოდა ვირუსის მიმანიშნებელ სიმპტომებად, ასეთი ადამიანები არ იყვნენ იზოლირებულნი. ამიტომაც ექიმები მათ ვირუსის "ფარულ გამავრცელებლებს“ უწოდებენ.
"მნიშვნელოვნად გაიზარდა იმ ადამიანების რაოდენობა, რომლებსაც ანოსმია დაუდგინდათ. მაგალითად, ირანის ოფიციალური პირები ამბობენ, რომ მოულოდნელად გაიზარდა ანოსმიის შემთხვევები, იგივე გამოცდილებას გვიზიარებენ ამერიკელი, ფრანგი და იტალიელი მედიკოსები,“ - ამბობენ პროფესორები.
მათივე თქმით, საჭიროა ამ ადამიანების იზოლირებაც. "ეს ადამიანები შეიძლება ვირუსის "ფარული გამავრცელებლები“ იყვნენ და ხელი შეუწყონ COVID-19-ის კიდევ უფრო გავრცელებას", - ამბობენ მედიკოსები.
აღსანიშნავია, რომ კორონავირუსი ყნოსვისა და გემოს შეგრძნების დაკარგვით, უმეტეს შემთხვევაში, ახალგაზრდებში ვლინდება.
როგორც პროფესორი კუმარი Sky News-სთან ამბობს, ახალგაზრდებში შესაძლოა კორონავირუსის გავრცელებული სიმპტომები (ხველება, მაღალი ტემპერატურა) საერთოდ არ გამოვლინდეს და მათ მხოლოდ ყნოსვისა და გემოს შეგრძნება დაკარგონ. ვირუსის მატარებლები იყონ, მაგრამ არ გამოიხატოს ეს გავრცელებული სიმპტომებით. სწორედ ამიტომ, პროფესორი მოუწოდებს ყველას, რომ თუ მსგავს სიმპტომებს შეამჩნევენ, შვიდი დღის განმავლობაში თვითიზოლაციაში დარჩნენ იმისთვის, რომ დაავადების კიდევ უფრო მეტად გავრცელება ავიცილოთ თავიდან.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პატრიარქმა თქვა: საქართველოში არ გარცელდებაო.
კი,არის რაღაცა მაგრამ დაგვაკლდა რამე? მოგვერია?სწორედ თქვა [ატრიარქმა, როცა განაცხადამ რომ საქართველოს ეს ვირუსი ვერაფერს დააკლებსო უფლის წყალობითო! ხომ ხედავთ, რომ არავინ არ მოკვდა!