ექ­სპერ­ტი თორ­ნი­კე შა­რა­შე­ნი­ძე მი­იჩ­ნევს, რომ ცი­ხი­დან ახ­ლად­გა­მო­სუ­ლი ყო­ფი­ლი პრე­მი­ერ-მი­ნის­ტრი ვანო მე­რა­ბიშ­ვი­ლი შე­საძ­ლოა, კვლავ მი­ხე­ილ სა­ა­კაშ­ვილს და­უ­ახ­ლოვ­დეს. ამის შე­სა­ხებ შა­რა­შე­ნი­ძემ „ინ­ტერპრეს­ნი­უს­თან“ გა­ნა­ცხა­და.

შა­რა­შე­ნი­ძე მი­იჩ­ნევს, რომ თა­ვი­სი რი­ტო­რი­კით მე­რა­ბიშ­ვი­ლი უფრო მე­ტად სა­ა­კაშ­ვილს უახ­ლოვ­დე­ბა.

„მე ვფიქ­რობ, ვანო მე­რა­ბიშ­ვი­ლი და მი­ხე­ილ სა­ა­კაშ­ვი­ლი თუ მო­ინ­დო­მე­ბენ, და­ლაგ­დე­ბი­ან და ითა­ნამ­შრომ­ლე­ბენ, იმი­ტომ რომ რა­დი­კა­ლუ­რი მე­სი­ჯე­ბით ახლა მე­რა­ბიშ­ვი­ლი სა­ა­კაშ­ვილს უახ­ლოვ­დე­ბა. გა­მომ­დი­ნა­რე მისი რი­ტო­რი­კი­დან უფრო მი­შას­კე­ნაა,“ - გა­ნა­ცხა­და თორ­ნი­კე შა­რა­შე­ნი­ძემ.

ექ­სპერ­ტი არ გა­მო­რი­ცხავს, რომ თუ მე­რა­ბიშ­ვი­ლი რა­დი­კა­ლურ ქმე­დე­ბებს და­ი­წყებს, ხე­ლი­სუფ­ლე­ბა მის სა­პა­ტიმ­რო­ში დაბ­რუ­ნე­ბას შე­ეც­დე­ბა.

ასევე დაგაინტერესებთ

18:30 / 20-02-2020

როგორ ეხმაურება რუსული მედია ვანო მერაბიშვილის გათავისუფლებას - "ყოფილი პრემიერი ციხიდან რევოლუციისკენ..."

„რა თქმა უნდა, აბა რას იზა­მენ? შე­ხე­და­ვენ რე­ა­ლო­ბა­ში რას იზამს და მერე ჩა­მო­ი­ღე­ბენ თა­რო­დან რამე საქ­მეს. ბუ­ნებ­რი­ვია, ეჭვი გე­პა­რე­ბათ ?!“- გა­ნა­ცხა­და თორ­ნი­კე შა­რა­შე­ნი­ძემ.

ექ­სპერტ ვახ­ტანგ ძა­ბი­რა­ძის მო­საზ­რე­ბით კი, ვანო მე­რა­ბიშ­ვი­ლი „ევ­რო­პულ სა­ქარ­თვე­ლო­ში“ წავა, თუმ­ცა დიდი შე­ნა­ძე­ნი „ევ­რო­პუ­ლი სა­ქარ­თვე­ლოს­თვის“, რო­გორც მი­ზი­დუ­ლო­ბის ახა­ლი ფაქ­ტო­რი, ვერ იქ­ნე­ბა, - ამის შე­სა­ხებ მან „ინ­ტერპრეს­ნი­უს­თან“ სა­უბ­რი­სას გა­ნა­ცხა­და.

მი­სი­ვე შე­ფა­სე­ბით, მას საკ­მა­ოდ დიდი გავ­ლე­ნა ჰქონ­და ში­ნა­გან საქ­მე­თა სა­მი­ნის­ტრო­ში და დიდ პა­ტივს სცემ­დნენ, თუმ­ცა რო­გორც პო­ლი­ტი­კურ ლი­დერს და მი­ზუ­დუ­ლო­ბის ახალ ცენ­ტრს, ვერ ხე­დავს.

„კაც­მა მო­ი­ხა­და ის სას­ჯე­ლი, რაც მი­უ­სა­ჯეს, მო­ი­ხა­და ყო­ველ­გვა­რი კომ­პრო­მი­სე­ბის გა­რე­შე და აპი­რებს პო­ლი­ტი­კურ საქ­მი­ა­ნო­ბას, რისი ყვე­ლა­ნა­ი­რი უფ­ლე­ბაც აქვს.

ვანო მე­რა­ბიშ­ვილს აქვს, რო­გორც და­დე­ბი­თი, ასე­ვე დიდი უარ­ყო­ფი­თი შლე­ი­ფი, გა­აჩ­ნია სად იქ­ნე­ბა და რო­გორ იქ­ნე­ბა. პი­რო­ბი­თად არის სა­მად გა­ყო­ფი­ლი ელექ­ტო­რა­ტი. ესე­ნი არი­ან „ქარ­თუ­ლი ოც­ნე­ბის“ მხარ­დამ­ჭე­რე­ბი, „ნა­ცი­ო­ნა­ლუ­რი მოძ­რა­ო­ბის“, გნე­ბავთ ცალ-ცალ­კე, გნე­ბავთ ჯა­მუ­რი მხარ­დამ­ჭე­რე­ბი და ნე­იტ­რა­ლუ­რი. დღეს თა­მა­ში მი­დის იმა­ზე, ნე­იტ­რა­ლუ­რი ამომ­რჩე­ვე­ლი საით წავა. ეს ნე­იტ­რა­ლუ­რი ამომ­რჩე­ვე­ლი, რომ ვა­ნოს ამომ­რჩე­ვე­ლი არ არის, ფაქ­ტია. ამი­ტომ, რო­გორც მი­ზი­დუ­ლო­ბის ცენ­ტრს და ნე­იტ­რა­ლუ­რი ამომ­რჩევ­ლის თა­ვის­კენ გა­დამ­ყვანს, მე რო­გორც ასეთ ტი­პაჟს, პო­ლი­ტი­კურ ლი­დერს, მას ვერ ვხე­დავ.

არის მე­ო­რე თემა. მას საკ­მა­ოდ დიდი მხარ­დამ­ჭე­რა ჰქონ­და და ძა­ლი­ან დიდ პა­ტივს სცემ­დნენ თა­ვის დრო­ზე, რო­დე­საც ის ში­ნა­გან საქ­მე­თა სა­მი­ნის­ტრო­ში მუ­შა­ობ­და. მე ვლა­პა­რა­კობ სა­მი­ნის­ტროს მთლი­ან კო­ლექ­ტივ­ზე და საკ­მა­ოდ დიდი გავ­ლე­ნა ჰქონ­და მას პი­რად შე­მად­გენ­ლო­ბა­ზე. მაგ­რამ დიდი დრო გა­ვი­და მას შემ­დეგ, რაც ვანო იქ აღარ არის და შსს-ს პი­რად შე­მად­გენ­ლო­ბა­ზე დღეს მას რა გავ­ლე­ნა აქვს, ვერ გე­ტყვით. მე არა მგო­ნია, რომ მას დიდი გავ­ლე­ნა ჰქონ­დეს ამ შემ­თხვე­ვა­ში, მაგ­რამ ის თუ საით წავა მე­რა­ბიშ­ვი­ლი, იქ­ნე­ბა ეს „ნა­ცი­ო­ნა­ლუ­რი მოძ­რა­ო­ბა“ თუ „ევ­რო­პუ­ლი სა­ქარ­თვე­ლო“, შე­საძ­ლოა, თა­ვად მათ ელექ­ტო­რატ­ში გა­მო­იწ­ვი­ოს გა­დაჯ­გუ­ფე­ბე­ბი“, - გა­ნა­ცხა­და ვახ­ტრანგ ძა­ბი­რა­ძემ.

კი­თხვა­ზე, შე­საძ­ლოა თუ არა ვანო მე­რა­ბიშ­ვი­ლი კვლა­ვაც ცი­ხე­ში შე­აბ­რუ­ნონ, ექ­სპერ­ტი პა­სუ­ხობს, რომ უგუ­ლა­ვას პა­ტიმ­რო­ბის შემ­დეგ ნე­ბის­მი­ე­რი პო­ლი­ტი­კუ­რი ფი­გუ­რის წი­ნა­აღ­მდეგ აღ­კვე­თის ღო­ნის­ძი­ე­ბა აღ­ქმუ­ლი იქ­ნე­ბა, რო­გორც პო­ლი­ტი­კუ­რი რეპ­რე­სია.

„ვფიქ­რობ, ის „ევ­რო­პუ­ლი სა­ქარ­თე­ლოს­კენ“ წავა, თუმ­ცა დიდი შე­ნა­ძე­ნი „ევ­რო­პუ­ლი სა­ქარ­თვე­ლოს­თვის“, რო­გორც მი­ზუ­დუ­ლო­ბის ახა­ლი ფაქ­ტო­რი, ვერ იქ­ნე­ბა.

უგუ­ლა­ვას პა­ტიმ­რო­ბის შემ­დეგ ნე­ბის­მი­ე­რი აღ­კვე­თის ღო­ნის­ძი­ე­ბა, ნე­ბის­მი­ე­რი პო­ლი­ტი­კუ­რი ფი­გუ­რის წი­ნა­აღ­მდეგ, ბუ­ნებ­რი­ვია, აღ­ქმუ­ლი იქ­ნე­ბა, რო­გორც პო­ლი­ტი­კუ­რი რეპ­რე­სია. ეს იქ­ნე­ბა ცალ­სა­ხად, რო­გორც ქვეყ­ნის შიგ­ნით, ისე ქვეყ­ნის გა­რეთ. ამი­ტომ ხე­ლი­სუფ­ლე­ბა ძა­ლი­ან ვიწ­რო არ­ჩე­ვა­ნი აქვს. თუ მი­დის პო­ლი­ტი­კურ რეპ­რე­სი­ებ­ზე, მა­შინ ამას სხვა შე­დე­გე­ბი მოჰ­ყვე­ბა. თუ აქეთ­კენ წავა ხე­ლი­სუფ­ლე­ბა, ეს ძა­ლი­ან ცუდი იქ­ნე­ბა იმი­ტომ, რომ ეს გა­მო­იწ­ვევს მკვეთრ რა­დი­კა­ლი­ზა­ცი­ას. თუ ამ ნა­ბიჯს გა­დად­გამს, მა­შინ უნდა ვე­ლო­დოთ, რომ ამას ექ­ნე­ბა ძა­ლი­ან ცუდი და ქვეყ­ნის­თვის და­მან­გრე­ვე­ლი გაგ­რძე­ლე­ბა. ამი­ტომ არამ­გო­ნია, რომ ხე­ლი­სუფ­ლე­ბა ამ ნა­ბიჯ­ზე წა­ვი­დეს“, - აღ­ნიშ­ნა ძა­ბი­რა­ძემ.

ექ­სპერ­ტი გია ხუ­ხაშ­ვი­ლი მი­იჩ­ნევს, რომ სა­პა­ტიმ­რო­დან ახ­ლად გა­მო­სუ­ლი ყო­ფი­ლი პრე­მი­ე­რი ვანო მე­რა­ბიშ­ვი­ლი „ნა­ცი­ო­ნა­ლურ მოძ­რა­ო­ბა­სა“ და „ევ­რო­პულ სა­ქარ­თვე­ლოს“ შო­რის არ­ჩე­ვანს კი არ გა­ა­კე­თებს, არა­მედ ზე­პარ­ტი­ულ ფუნ­ქცი­ას იკის­რებს და პარ­ტი­ებს შო­რის კო­ორ­დი­ნა­ცი­ის გა­უმ­ჯო­ბე­სე­ბას შე­ეც­დე­ბა.

„ის შე­ეც­დე­ბა, რომ ეს ფრონ­ტი, ამ ორი პარ­ტი­ის ვექ­ტო­რი ერ­თმა­ნეთ­თან და­ა­პა­რა­ლე­ლოს, მა­კონ­სო­ლი­დი­რე­ბე­ლი, ერთ ამო­ცა­ნა­ზე მი­მარ­თუ­ლი, მა­კო­ორ­დი­ნი­რე­ბე­ლი როლი ითა­მა­შოს ამ კუ­თხით და მან ეს და­ა­დას­ტუ­რა. ის შე­ეც­დე­ბა, რომ არ­ჩე­ვა­ნი გა­ა­კე­თოს არა ამ ორ პარ­ტი­ას შო­რის, არა­მედ ხიდი გა­დოს და რა­ღაც­ნა­ი­რად ასე­თი ზე­პარ­ტი­უ­ლი ფუნ­ქცია აი­ღოს კო­ორ­დი­ნა­ცი­ის თვალ­საზ­რი­სით. მი­უ­ხე­და­ვად იმი­სა, რომ ის შე­იძ­ლე­ბა, რო­მე­ლი­მე ამ პარ­ტი­ა­ში წა­ვი­დეს, ის თა­ვის ფუნ­ქცი­ას უფრო გა­მა­ერ­თი­ა­ნებ­ლის პო­ზი­ცი­ა­ში და­ი­ნა­ხავს, ალ­ბათ, და ამ მი­მარ­თუ­ლე­ბით შე­ეც­დე­ბა რომ იმუ­შა­ოს. რა გა­მო­უ­ვა ეს უკვე სხვა სა­კი­თხია“, - გა­ნა­ცხა­და გია ხუ­ხაშ­ვილ­მა.

რაც შე­ე­ხე­ბა მე­რა­ბიშ­ვი­ლის გან­ცხა­დე­ბას 1 წელ­ში ხე­ლი­სუფ­ლე­ბის დას­რუ­ლე­ბას­თან და­კავ­ში­რე­ბით, ექ­სპერ­ტი მი­იჩ­ნევს, რომ ეს კლა­სი­კუ­რი ოპო­ზი­ცი­უ­რი გა­ნა­ცხა­დია.

„ამა­ში მე­რა­ბიშ­ვი­ლი ორი­გი­ნა­ლუ­რი არ არის და ყვე­ლა ოპო­ზი­ცი­ო­ნე­რი ამას აცხა­დებს დღე­ის მდგო­მა­რე­ო­ბით და წი­ნა­სა­არ­ჩევ­ნო პო­ლი­ტი­კუ­რი ლო­გი­კა კარ­ნა­ხობს, რომ სწო­რედ ასე­თი გან­ცხა­დე­ბე­ბი გა­კეთ­დეს“, - გან­მარ­ტა ექ­სპერ­ტმა.

ამას­თა­ნა­ვე, გია ხუ­ხაშ­ვი­ლი არ გა­მო­რი­ცხავს, რომ ხე­ლი­სუფ­ლე­ბამ მე­რა­ბიშ­ვი­ლის შემ­თხვე­ვა­ში გიგი უგუ­ლა­ვას სცე­ნა­რი გა­ი­მე­ო­როს და მე­რა­ბიშ­ვი­ლის ცი­ხე­ში შებ­რუ­ნე­ბა სცა­დოს, თუმ­ცა ამ­ბობს, რომ ამ ნა­ბი­ჯით ხე­ლი­სუფ­ლე­ბა პო­ლი­ტი­კუ­რად ვერ მო­ი­გებს.

„უგუ­ლა­ვას მა­გა­ლი­თი მე­ტყვე­ლებს იმა­ზე, რომ ყვე­ლა­ფე­რი შე­საძ­ლე­ბე­ლია. თუმ­ცა პო­ლი­ტი­კუ­რი მან­ქა­ნა უკვე ჩარ­თუ­ლია. ახლა დიდი მნიშ­ვნე­ლო­ბა აღარ აქვს და ვფიქ­რობ, ხე­ლი­სუფ­ლე­ბის­თვის ამ ტი­პის ნა­ბი­ჯე­ბი უფრო და­მა­ზი­ა­ნე­ბე­ლია, ვიდ­რე რამე პო­ლი­ტი­კუ­რი დი­ვი­დენ­დის მომ­ტა­ნი, იმი­ტომ რომ ეს ყვე­ლა­ფე­რი ძა­ლი­ან ირა­ცი­ო­ნა­ლურ ხა­სი­ათს ატა­რებს. მე არ ვფიქ­რობ. რომ უგუ­ლა­ვას ცი­ხე­ში შებ­რუ­ნე­ბით ხე­ლი­სუფ­ლე­ბამ რამე პო­ლი­ტი­კუ­რად მო­ი­გო, უფრო და­კარ­გა, ჩემი აზ­რით, უფრო და­ზი­ან­და. თუ მე­რა­ბიშ­ვილ­თან და­კავ­ში­რე­ბით იგი­ვე მოხ­და, ეს კი­დევ ერთხელ ხაზს გა­უს­ვამს ხე­ლი­სუფ­ლე­ბის სი­სუს­ტეს, ანუ იმ­დე­ნად გე­ში­ნია, რომ მზად ხარ ამ მე­თო­დე­ბით იმოქ­მე­დო და მე­ო­რე მხრივ, კი­დევ უფრო პრობ­ლე­მა­ტურს გახ­დის კო­მუ­ნი­კა­ცი­ას და­სავ­ლეთ­თან არ­ჩევ­ნე­ბის ლე­გი­ტა­მა­ცი­ის თვალ­საზ­რი­სით“, - გა­ნა­ცხა­და გია ხუ­ხაშ­ვილ­მა.

მე­რა­ბიშ­ვილ­მა კა­ნონ­გა­რე­შე, რე­ვო­ლუ­ცი­უ­რი სცე­ნა­რი და­ა­ა­ნონ­სა, - ამის შე­სა­ხებ უშიშ­რო­ე­ბის საბ­ჭოს მდივ­ნის ყო­ფილ­მა მო­ად­გი­ლე ლე­ვან ბო­ძაშ­ვილ­მა „ინ­ტერპრეს­ნი­უს­თან“ გა­ნა­ცხა­და, რი­თაც ში­ნა­გან საქ­მე­თა ყო­ფი­ლი მი­ნის­ტრის, ვანო მე­რა­ბიშ­ვი­ლის გან­ცხა­დე­ბებს გა­მო­ეხ­მა­უ­რა.

მი­სი­ვე თქმით, მე­რა­ბიშ­ვი­ლის გან­ცხა­დე­ბე­ბი რა­დი­კა­ლუ­რი ოპო­ზი­ცი­ის სცე­ნარ­ში ჯდე­ბა და სა­ვა­რა­უ­დოდ იმ "მე­გობ­რებ­თან" მო­ი­ლა­პა­რა­კებს, რომ­ლე­ბიც რე­ვო­ლუ­ცი­უ­რი სცე­ნა­რის მომ­ხრე­ე­ბი არი­ან, არ სურთ კომ­პრო­მი­სი და სხვა გზას ხე­ლი­სუფ­ლე­ბის შეც­ვლი­სას აპ­რი­ო­რი გა­მო­რი­ცხა­ვენ.

ამას­თან, ბო­ძაშ­ვი­ლის შე­ფა­სე­ბით, „ქარ­თუ­ლი ოც­ნე­ბაც“ და „ნა­ცი­ო­ნა­ლუ­რი მოძ­რა­ო­ბაც“ სა­კუ­თა­რი არა­პო­პუ­ლა­რუ­ლი სა­ხე­ე­ბის მუდ­მი­ვი რო­ტა­ცი­ით აზა­რა­ლე­ბენ სა­ხელ­მწი­ფოს.

"ვფიქ­რობ, რომ დროა, ქვე­ყა­ნამ სა­კუ­თარ თავ­ში გა­მო­ნა­ხოს არა მხო­ლოდ სურ­ვი­ლი, რო­მე­ლიც სა­ზო­გა­დო­ე­ბის დიდ ნა­წილ­ში სა­ხე­ზეა, არა­მედ ძა­ლაც, რომ თვი­სობ­რი­ვი მენ­ტა­ლუ­რი ტრანსფორ­მა­ცია გა­ნი­ცა­დოს და ახალ სა­ხე­ებს, ახ­ლე­ბურ მიდ­გო­მებს გზა გა­უხ­სნას. ყვე­ლა­ფე­რი, რაც ხდე­ბა ქარ­თულ პო­ლი­ტი­კა­ში დეგ­რა­და­ცი­უ­ლი, დრო­მოჭ­მუ­ლი, თა­ნა­მედ­რო­ვე­ო­ბას­თან შე­უ­სა­ბა­მო და არა­ა­დექ­ვა­ტუ­რია. თუ ეს არ მოხ­და, ჩვენ კი­დევ ერთ მნიშ­ვნე­ლო­ვან წელს დავ­კარ­გავთ პო­ლი­ტი­კუ­რი ვა­კხა­ნა­ლი­ით იძუ­ლე­ბით ტკბო­ბა­ში და უამ­რა­ვი საქ­მე, რო­მე­ლიც ნამ­დვი­ლი სა­ხელ­მწი­ფოს შექ­მნი­სათ­ვის აუ­ცი­ლე­ბე­ლია, კვლა­ვაც გვერ­დზე დაგ­ვრჩე­ბა. ეს არის გზა არ­სა­ით, გზა წარ­სულ­ში, გზა დეგ­რა­და­ცი­ის­კენ და პო­ლი­ტი­კურ მო­ნო­პო­ლი­ის­კენ.

„ქარ­თუ­ლი ოც­ნე­ბაც“ და „ნა­ცი­ო­ნა­ლუ­რი მოძ­რა­ო­ბაც“ სა­კუ­თა­რი არა­პო­პუ­ლა­რუ­ლი სა­ხე­ე­ბის მუდ­მი­ვი რო­ტა­ცი­ით აზა­რა­ლე­ბენ სა­ხელ­მწი­ფოს. ეს ნიშ­ნავს, რომ მათ ამ მო­ნო­პო­ლი­ზე­ბუ­ლი, არა­თა­ვი­სუ­ფა­ლი პო­ლი­ტი­კუ­რი ცხოვ­რე­ბის შეც­ვლა არ სურთ. ქვე­ყა­ნას სჭირ­დე­ბა ინო­ვა­ცი­ე­ბი, გან­ვი­თა­რე­ბა, პერ­სპექ­ტი­ვი­სა და იმე­დის გა­ჩე­ნა და არა ერთ წრე­ზე სი­ა­რუ­ლი ერთი და იმა­ვე სა­ხე­ე­ბით. ამი­ტო­მაც, ვფიქ­რობ, რომ ქარ­თულ პო­ლი­ტი­კა­ში ახა­ლი სა­ხე­ე­ბის დროა, მუდ­მი­ვი შეხ­ვედ­რე­ბი წარ­სულ­თან, ერთი და იმა­ვე ხალ­ხის პერ­მა­მენ­ტუ­ლი ტრი­ა­ლი პო­ლი­ტი­კურ არე­ნა­ზე არა­ფერს კარ­გს არ მო­უ­ტანს ქვე­ყა­ნას,”- გა­ნა­ცხა­და ლე­ვან ბო­ძაშ­ვილ­მა.

შე­გახ­სე­ნებთ, რომ ე.წ. მატ­რო­სო­ვის ცი­ხი­დან ახ­ლად გა­მო­სულ­მა ყო­ფილ­მა პრე­მი­ერ-მი­ნის­ტრმა ვანო მე­რა­ბიშ­ვილ­მა გა­ნა­ცხა­და, რომ აქ­ტი­ურ პო­ლი­ტი­კა­ში ჩარ­თვას გეგ­მავს. მან სა­ზო­გა­დო­ე­ბას პი­რო­ბა მის­ცა, რომ "სა­ქარ­თვე­ლოს დღე­ვან­დე­ლი ხე­ლი­სუფ­ლე­ბა 1 წე­ლი­წად­ში დას­რულ­დე­ბა", რაც მისი თქმით, "აუ­ცი­ლე­ბე­ლია, იმის­თვის, რომ ქვე­ყა­ნა­ში და­ი­წყოს გან­ვი­თა­რე­ბა, ხალ­ხის კე­თილ­დღე­ო­ბა გა­ი­ზარ­დოს, გაქ­რეს უი­მე­დო­ბა, ახალ­გაზ­რდო­ბას მი­ე­ცეს პერ­სპექ­ტი­ვა, ადა­მი­ა­ნებს და­საქ­მე­ბა და ღირ­სე­უ­ლი ხელ­ფა­სი, მო­ხუ­ცებს კი ღირ­სე­უ­ლი პენ­სია". ამას­თა­ნა­ვე, მე­რა­ბიშ­ვი­ლის გან­ცხა­დე­ბით, მას შემ­დეგ, რაც ხე­ლი­სუფ­ლე­ბას მმარ­თვე­ლი პარ­ტია ჩა­მოს­ცილ­დე­ბა, "მატ­რო­სო­ვის" "კარი ფარ­თოდ გა­იხ­სნე­ბა და ყვე­ლა პო­ლიტ­პა­ტი­მა­რი გა­თა­ვი­სუფ­ლდე­ბა".