რას პასუხობს თბილისის რეფერალური ჰოსპიტალი მშობიარე ქალის ოჯახს, რომელიც ბავშვის გარდაცვალებაში ექიმებს ადანაშაულებს
თბილისის რეფერალურ ჰოსპიტალში ახალშობილის გარდაცვალებაში 24 წლის ქალის ახლობლები მკურნალ ექიმს ადანაშაულებენ. როგორც ოჯახის ახლობლები აცხადებენ, ამ დროისთვის ახალგაზრდა ქალის მდგომარეობა დამაკმაყოფილებელია, იგი ნარკოზიდან გამოსულია და პალატაშია გადაყვანილი.
„ახალგაზრდა ქალი დედამ და დედამთილმა ნახეს, ბავშვის შესახებ ჯერ არაფერი არ იცის, იქიდან გამომდინარე, რომ სიმშვიდე შეინარჩუნოს", - განაცხადა გარდაცვლილი ახალშობილის მამიდამ.
ამასთან, თბილისის რეფერალური ჰოსპიტალის პრესსამსახურის განცხადებით, პაციენტის მდგომარეობა სტაბილურია და მის სიცოცხლეს საფრთხე არ ემუქრება. მათივე ინფორმაციით, კლინიკაში აცხადებენ, რომ მშობიარობის პროცესი ფიზიოლოგიურად მიმდინარეობდა, უეცრად ნაყოფს განუვითარდა ბრადიკარდია, რაც გულის რითმის დაქვეითებას ნიშნავს.
„სასწრაფო წესით განხორციელდა საკეისრო კვეთა, ზუსტად 7 წუთში ამოყვანილი იქნა ნაყოფი, მაგრამ სამწუხაროდ, ჩატარებულმა რეანიმაციულმა ღონისძიებებმა შედეგი ვერ გამოიღო. ჩვილის გარდაცვალების ზუსტ მიზეზებს ექსპერტიზა დაადგენს“, - აცხადებენ თბილისის რეფერალური ჰოსპიტალის პრესსამსახურში.
"მაქსიმე უსაქმური ტიპია, ცხოვრებაში ასეთი ადამიანები არ მიზიდავს" - როგორ მოხვდა მარტა ბარამიძე "ჩემი ცოლის დაქალებში"
ხელშეკრულებები, რომლებიც "ცენტრ პოინტის“ მშენებლობების გადაბარებას და დაზარალებულთა დაკმაყოფილებას გულისხმობს, ძალაში თებერვლის ბოლოდან შევა
