მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არაფერი დამიშავებია, ახლაც საქართველოში ვარო!" - ახალგორში დაკავებული ექიმი, სავარაუდოდ, "საზღვრის კვეთის" ფაქტის აღიარებაზე უარს ამბობს
16:09 / 16-11-2019
ოკუპირებული ახალგორში დაკავებულ ქართველ ექიმ-ტრავმატოლოგ ვაჟა გაფრინდაშვილს 2-თვიანი პატიმრობა შეუფარდეს. ინფორმაცია ე.წ. სამხრეთ ოსეთის დე ფაქტო კგბ-მ და ახალგორის დე ფაქტო საოლქო სასამართლომ გაავრცელეს. 9 ნოემბერს დაკავებული გაფრინდაშვილის შესახებ ინფორმაცია დე ფაქტო მედიით მოგვიანებით, 13 ნოემბერს გავრცელდა, დაკავებულს "საზღვრის" უკანონო გადაკვეთას ედავებიან. საქმეში ჩართულია წითელი ჯვარი, სახელმწიფო უსაფრთხოების სამსახური და ევროკავშირის სადამკვირვებლო მისია. საქმის სხვა დეტალები ამ დრომდე უცნობია.
გაფრინდაშვილის ოჯახში ზუსტად ვერ ამბობენ, რატომ უნდა წასულიყო, ექიმი კონფლიქტის ზონაში.
როგორც ამბობენ, სახლიდან წასვლის წინ მხოლოდ ის თქვა, რომ საქმეებზე მიდიოდა, რამდენიმე სააათში კი მეუღლეს მისი დაკავების შესახებ ამცნო. ამოქმედებულია ევროკავშირის სადამკვირვებლო მისიის ცხელი ხაზი და დაკავებული ექიმის გასათავისუფლებლად მოლაპარაკებები მიმდინარეობს.
როგორც ცნობილია, ნოემბრის დასაწყისში ახალგორში, ჭაში ადგილობრივი მცხოვრები, თამარ გიგაური ჩავარდა. დაშავებულს თბილისში გადმოყვანაზე უარი უთხრეს. ერთ-ერთი ვერსიის თანახმად, დაკავებული, ახალგორში პროფესიული მოვალეობის შესასრულებლად ჩავიდა.
გავრცელებული ინფორმაციით, ე.წ. "სასამართლო სხდომაზე" მას მოსთხოვეს, ეღიანებინა "საზღვრის" გადაკვეთის ფაქტი, თუმცა ვაჟა გაფრინდაშვილი მათ პასუხობს, რომ ქართულ მიწაზე იმყოფება და შესაბამისად, არანაირი საზღვარი გადაულახავს.
ექიმის დაკავებას უამრავი ადამიანი ეხმაურება "ფეისბუქზეც" :
"ის კი არ მიკვირს, რომ ვაჟა გაფრინდაშვილს, სრულიად ფხიზელს, პირადყოფიერი დიდი პრობლემების არმქონეს, ამოასხა ერთ დღეს და ეს ნაბიჯი გადადგა; ის უფრო მიკვირს, რომ არცერთ ქართველს, ჩემი ჩათვლით, თუნდაც სიმთვრალეში და თუნდაც რაღაც სულ სხვა ამბავზე გაბრაზებულს, იგივე ნაბიჯი პიროვნულად თავში არ მოსვლია!! ... ნუ, საზღვრის აქედან მასხრულ-მასობრივ პერფომანსებს სერიოზულად არც განვიხილავ! არც სასამართლოზე აღიარა, რომ ეს მისი მხრიდან "დანაშაული" იყო- თავადაც უნდოდათ გამოშვება, მაგრამ ვაჟამ -"არაფერი დამიშავებია, ახლაც საქართველოში ვარო!" აფერუმ ძმაო შენ კაცობას!" - წერს აკადემიკოსი, ვახტანგ ბოჭორიშვილის სახელობის კლინიკის გენერალური დირექტორი დავით გადელია.
ერთ-ერთ ინტერვიუში თამილა ლაფანაშვილი ამბობდა, რომ მისი მეუღლე, სავარაუდოდ, პროფესიულ მოვალეობას ასრულებდა და სხვა კავშირი ოკუპირებულ ტერიტორიებთან მას არ ჰქონია.
თამილა ლაფანაშვილი: - მითხრა, საქმეზე მივდივარო. მერე დარეკა სამის ნახევრისთვის, მაკავებენ საოკუპაციო ხაზზეო და გაითიშა ტელეფონი. კინაღამ გადავირიე... იმის თქმა კი მოასწრო, ტელეფონს მათიშინებენო. მეტად აღარ დამკონტაქტებია. იხილეთ ვრცლად
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვეთანხმები დავით გადელიას, დავამატებ - გასაოცარი იმ ქართველების საქციელია ვინც გაფრინდაშვილის ქმედებაში პროვოკაციას ხედავენ. ჩემი აზრით ზოგჯერ წაგებული ბრძოლა უფრო მომგებიანი შეიძლება იყოს პერსპექტივაში, ვიდრე ეს რაღაც არგაღიზიანების ,ვითომ პრაგმატული პოლიტიკა. დავკიდოთ თავისუფლების მოედანზე რუსეთის დროშა და საერთოდ აღარ იქნება ბორდერიზაცია საჭირო. საქართველოს მტრებო, ქართველებო და არაქართველებო,ვერ მოესწრებით ამ დღეს!!! თავისუფლება ყველა პატრიოტს შინ და გარეთ!!!