მნიშვნელოვანი ინფორმაცია
28
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უჩა ნანუაშვილმა ბაღ-ბოსტანი გააშენა - "ეკოლოგიურად სუფთა პროდუქტი მომყავს"
09:33 / 05-08-2019
ბოლო დროს სულ უფრო ბევრი ადამიანი უბრუნდება მიწას და როგორც შეუძლია, ამუშავებს. შრომა არ ეზარებათ, რადგანაც ადამიანებისთვის ნატურალური პროდუქტის მიღება და გარემოზე ზრუნვა პრიორიტეტული ხდება.
მათ შორის არიან, ცხადია ფერმერები, მოყვარული მებაღეები, მემცენარეები, ცნობილი ადამიანებიც, რომლებსაც მეურნეობა იზიდავთ და საკუთარ ოჯახებთან ერთად, გულმოდგინედ შრომობენ.
ასეთი ადამიანთა შორის ყოფილი სახალხო დამცველი უჩა ნანუაშვილიც აღმოჩნდა, რომელსაც საოცარი ბაღი აქვს და მიწას დიდი სიამოვნებით ამუშავებს ოჯახის წევრებთან ერთად, მოჰყავს ეკოლოგიურად სუფთა პროდუქტები და გარემოზე ზრუნავს.
ახალ საქმიანობაზე ყოფილმა სახალხო დამცველმა პირველად AMBEBI.GE-სთან ისაუბრა:
- ყოველთვის მქონდა სურვილი და დიდი ინტერესი, მიწასთან მემუშავა, მაგრამ მებაღეობა ჩემი გადატვირთული, დაძაბული სამუშაო რეჟიმის, უდროობის გამო არ გამომდიოდა. ბოლო პერიოდში კი, უკვე რამდენიმე წელია, დრო რაღაცნაირად გამომიჩნდა და ძირითადად შაბათ-კვირას ვცდილობ, ბაღში შრომით დავკავდე.
ჩემი ნაკვეთი ბორჯომის მუნიციპალიტეტშია, სოფელ ახალდაბაში, სადაც საქმიანობას ახლა კიდევ უფრო მეტ დროს ვუთმობ როგორც მე, ასევე ჩემი ოჯახის წევრები. ეს ყველაფერი არც ისე ადვილია, მაგრამ ადამიანისთვის ერთგვარი კომპენსაციაც არის, რადგანაც ბუნებასთან, მიწასთან ურთიერთობა გამშვიდებს, რელაქსაციაა, მით უფრო, იმის ფონზე, რაც ჩვენს ქალაქში ბოლო პერიოდში ხდება - სულ დაბინძურდა გარემო, ჰაერის დაბინძურება, გლობალური დათბობა, ბიომრავალფეროვნების შემცირება, მწვანე სივრცეების გაქრობა - სერიოზული პრობლემაა.
- მიწის ნაკვეთი და სახლი ახალდაბაში მშობლებისაა?
- არა, იქაური არ ვარ, წარმოშობით კახეთიდან გახლავართ, მაგრამ კახეთში სახლი და მიწა არ მაქვს. ახალდაბის სახლ-კარი ოჯახმა შევიძინეთ. თბილისთან არც ისე შორს არის, ჩასვლა ადვილია, შესანიშნავ ადგილზეა, კლიმატიც კარგია და ეკოლოგიურად სუფთა გარემოა...
მაქვს ხეხილის ბაღი, ბოსტანი, ყვავილები. ბოლო რამდენიმე წლის განმავლობაში თითქმის ყველანაირი ხეხილი დავრგეთ. ბოსტანში გვაქვს ბევრნაირი მწვანილი - რეჰანი, ოხრახუში, კამა, ქინძი, ბოსტნეული, კიტრი და პომიდორიც...
შხამქიმიკატები მათ მოსაყვანად გამორიცხულია - არ ვიყენებთ! მიზეზი რაიმეს მოყვანის სწორედ ის იყო, რომ ამას ავცდენოდით და შხამქიმიკატებზე უარი გვეთქვა. მოკლედ, ეკოლოგიურად სუფთა პროდუქტი მოგვყავს. ისიც საკმარისია, როცა არც კი ვიცით, დღესდღეობით რა პროდუქტით ვიკვებებით. ამიტომ, ჩვენ მიერ მოყვანილი სუფთა მოსავალი ორმაგად მნიშვნელოვანია.
- ისე, ახალდაბაში მართლა მშვენიერი კლიმატია იმისთვის, რომ ხარისხიანი ხილი და ბოსტნეული მოიყვანოთ... ყურადღებას იქცევს თქვენი ულამაზესი ყვავილებიც...
- კი, ნადვილად ასეა, მშვენიერი კლიმატი და ნიადაგია იმისთვის, რომ ყველაფერი მოვიყვანოთ. რაც შეეხება ყვავილებს, სადაც მივდიოდი უცხოეთში და სადაც მოვხვდებოდი, ყველა მხრიდან იშვიათი ყვავილის თესლს, თუ ბოლქვს ვიძენდი და მომქონდა...
მოკლედ, ჩვენთვის მთავარი გარემოზე ზრუნვაა და მისი შენარჩუნებაა. გარემო, რომელიც მნიშვნელოვანია ყველასთვის. ის შვილებისთვის, მომავალი თაობებისთვის ერთადერთი დიდი მემკვიდრეობაა, რომელიც უნდა გადასცე და დაუტოვო... გარემოზე ზრუნვა ლიტონი სიტყვები არ არის...
- ვენახი არ გაქვთ?
- ჯერჯერობით მცირე ვენახი გვაქვს, როგორც გითხარით, კახური წარმოშობა მაქვს და სისხლი თავისას შვება, ამის გარეშე როგორ იქნებოდა. სამომავლოდ ვენახიც გაფართოვდება და ღვინოც დაიწურება...
- ამ საქმიანობაში ყველაზე მეტად რამ გაამართლა?
- ცოტა ნაადრევი იქნება გამართლებაზე რაიმეს თქმა, თუმცა ალბათ უფრო ხეხილის მიმართულებით, ურიგო შედეგი არ გვაქვს...
- რით ანოყიერებთ ნიადაგს?
- ძირითადად ნაკელით, თუმცა ნიადაგი ისედაც ნაყოფიერია... შაბათ-კვირას, როგორც გითხარით, სულ იქ ვართ, რა თქმა უნდა, თუ ამინდი შესაფერისია. მორიგეობითაც დავდივართ, ვისაც სცალია - მეუღლე, ჩემი მშობლები... შვილები ჯერ პატარები არიან, მაგრამ ცდილობენ რაღაც გააკეთონ, რაც შეუძლიათ...
- თქვენი გამოცდილებიდან გამომდინარე, რა რჩევებს მისცემდით ადამიანებს, ვისაც სოფლის მეურნეობის მიმართულებით რაღაც ნაბიჯების გადადგმა უნდა? ზოგს მამა-პაპისეული სახლიც აქვს ამა თუ იმ სოფელში მიტოვებული... რას ეტყოდით მათ?
- მთავარია, რომ დიდი რესურსი არ არის საჭირო გარემოზე ზრუნვისთვის, მიწასთან შრომა რომ შევძლოთ და დავიწყოთ. თავიდან სულ მცირე საქმიდანაც შეგვიძლია რაღაცების კეთება. მე ასე დავიწყე და ნელ-ნელა რაღაც შედეგი მივიღე, კიდევ მეტიც შეიძლებოდა და ამაზე მეტიცაა შესაძლებელი. თუკი სადმე ნაკვეთი გვაქვს, უკან არ უნდა დავიხიოთ.
ეს მხოლოდ გართობა და ჰობი არ არის, პირდაპირ ჩვენს ცხოვრებაზეა მიბმული, როგორც პროდუქტების ხარისხზე, იგივე ტოქსინების ორგანიზმში მოხვედრაზე. მოკლედ, ბევრი მნიშვნელოვანი საკითხია კომპლექსურად ერთად, რაზეც უნდა დავფიქრდეთ.
პატარ-პატარა ნაბიჯებით დაიწყონ, გაბედონ, თავიდან ცოტა კი ჭირს, მაგრამ სინამდვილეში მარტივია.
- დიდი რესურსი და დრო არ სჭირდება?
- სჭირდება, მაგრამ ღირს, შრომა ფასდება... ამასთან, ხომ ვამბობ, გარემოზე ზრუნვა აუცილებელია და ეს უნდა გახდეს ჩვენი ცხოვრების მნიშვნელოვანი ნაწილი. იქნებ ნაბიჯ-ნაბიჯ ვუშველოთ ამ დაბინძურებულ გარემოს. ბოლო წლებში ეს ყველაფერი აშკარად ჩანს... მე გაჩერებას არ ვაპირებ და ვაგრძელებ. ვნახოთ, მომავალი გვიჩვენებს, კიდევ რის გაკეთებას შევძლებ...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
