სროლა მელიქიშვილზე - "მძღოლმა ესროლა მძღოლს, რომელმაც მის მანქანას დაარტყა"

მელიქიშვილის გამზირზე სროლა მოხდა. შინაგან საქმეთა სამინისტრო სროლის ფაქტს ადასტურებს, თუმცა დამატებით დეტალებზე ინფორმაციას არ ფლობს. ადგილზე მობილიზებულია პოლიცია და სასწრაფო სამედიცინო სამსახური.

ნახეთ ვიდეო

სოციალურ ქსელში ერთ-ერთი თვითმხილველი წერს რომ, მელიქიშვილზე ერთმა მანქანამ მეორეს დაარტყა, ვისაც დაარტყეს, იმ მანქანის მძღოლმა იარაღი ამოიღო და იმ მძღოლს ესროლა, ვინც დაეჯახა.

თუმცა, შსს აღნიშნულის შესახებ ინფორმაციას არ ფლობს და AMBEBI.GE შემთხვევაზე დამატებით დეტალებს არკვევს.