მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ახალი პლანეტა, რომელიც სწრაფად "ორთქლდება" - რა აღმოაჩინეს მეცნიერებმა
10:55 / 20-12-2018
კოსმოსური ტელესკოპის, "ჰაბლის" გამოყენებით მეცნიერებმა ახალი ეგზოპლანეტა აღმოაჩინეს, რომელიც ჩვენ თვალწინ უსწრაფესად იცვლება.
როგორც ჯონს ჰოპკინსის უნივერსიტეტის პროფესორი, დევიდ სინგი აცხადებს, ახალი პლანეტის (გლიზე 3470b) ნაწილი შეიძლება უკვე გამქრალია, რადგან ის სწრაფად კარგავს მასას - გლიზე 3470b 100-ჯერ უფრო სწრაფად "ორთქლდება", ვიდრე ზომით მისი მსგავსი პლანეტა გლიზე 436b. ასტრონომების შეფასებით, პლანეტამ თავდაპირველი მასის 35% უკვე დაკარგა. დაახლოებით ნახევარ მილიარდ წელიწადში ის თავისი მასის ნახევარს დაკარგავს.
3470b ბევრად უფრო ახლოსაა დედა ვარსკვლავთან, ვიდრე დედამიწასა და მზეს შორის მანძილია. ამიტომ, ის ბევრად უფრო ცხელია, ატმოსფეროს ტემპერატურა დაახლოებით 927 გრადუსი ცელსიუსია. გლიზე 3470b ახალგაზრდაა - ის 2 მილიარდი წლის "წითელი ჯუჯაა". მისი ატმოსფერო იმდენად ცხელდება, რომ დუღილის ტემპერატურას აღწევს.
ახალი აღმოჩენა მნიშვნელოვან ინფორმაციას იძლევა ახლოს მდებარე პლანეტათა წარმოშობისა და ბედის შესახებ.
მეცნიერთა ჯგუფი იმედოვნებს, რომ მათი კვლევა, რომელიც 2021 წელისთვის არის დაგეგმილი, ჯეიმს ვების კოსმოსური ტელესკოპის წყალობით, უფრო გაფართოვდება.
ცნობისთვის, ეგზოპლანეტას უწოდებენ პლანეტას, რომელიც მოძრაობს არა მზის, არამედ სხვა ვარსკვლავის, ვარსკვლავური ნარჩენის ან ყავისფერი ჯუჯის გარშემო. დღემდე დაახლოებით 4000 ეგზოპლანეტაა აღმოჩენილი. ასეთ პლანეტებს "ცხელ ნეპტუნებს" უწოდებენ. "ცხელ ნეპტუნებს" ასე იშვიათად იმიტომ პოულობენ, რომ ისინი მინი-ნეპტუნებად გარდაიქმნება.
მარიამ ელიაშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
