მოკლული გოგონას ბებია - ბავშვი ბუჩქებში ჩაუგდია, პარკში ყოფილა გახვეული
გორში მოკლული 8 წლის გოგონას ოჯახის წევრებს მომხდარის მოტივზე საუბარი ამ დრომდე უჭირთ.
როგორც გარდაცვლილის ბებიამ, თინა ბეჟიტაშვილმა ჟურნალისტებს განუცხადა, ბავშვს სხეულის რამდენიმე ადგილას დაზიანებები აღენიშნება.
"გოგონა ჩემი შვილთაშვილია. ბავშვს თავი აქვს გატეხილიო, მითხრეს. დაკავებული პირი გორელია, თუმცა ვინ არის არ ვიცი. ვერსიებზე ვერ ვსაუბრობთ, რისთვის მოგვიკლეს ბავშვი, არ ვიცით. ცეკვაზე მიდიოდა და გზიდან დაიკარგა. მერე სადღაც ბუჩქებში ჩაუგდია, ხელ-ფეხი მავთულით ჰქონდა შეკრულიო. პარკში ყოფილა გახვეული", - განაცხადა ბეჟიტაშვილმა.
გორში 8 წლის გოგონა გუშინ გაუჩინარდა, რომელიც რამდენიმე საათში გარდაცვლილი იპოვეს. განზრახ მკვლელობის ფაქტზე 33 წლის, წარსულში ნასამართლევი მამაკაცია დაკავებული, რომელიც გოგონას მეზობელი სახლის სარემონტო სამუშაოებზე მუშაობდა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
