რატომ არის მნიშვნელოვანი მხედველობის დიაგნოსტიკა სკოლაში წასვლის წინ

სასწავლო პროცესი ფაქტიურად უკვე დაიწყო სკოლებში და ეს პერიოდი, ტრადიციულად, დატვირთულია აქტიური წინასასკოლო სამზადისით. წიგნები, რვეულები, სხვადასხვა სასკოლო ნივთი, ჩანთა, ახალი სამოსი და კიდევ უამრავი წვრილმანი, რის გარეშეც წარმოუდგენლად მიგვაჩნია სასწავლო პროცესის განახლება.

თუმცა, წინასასკოლო აურზაურში მნიშვნელოვანია დავფიქრდეთ ბავშვის მხედველობის მდგომარეობაზე. სკოლაში წასვლის წინ მხედველობის დიაგნოსტიკის ჩატარებას გადამწყვეტი მნიშვნელობა ენიჭება, ვინაიდან, კითხვისა და წერის გაძნელებას, ზოგადად, ახალი მასალის აღქმის გართულებას ძალიან ხშირად სწორედ მხედველობის ხარვეზი იწვევს. ამგვარი ტენდენცია გამოვლენილი და შესწავლილია როგორც ექიმი-ოფთალმოლოგების, ასევე გამოცდილი პედაგოგების მიერ.

თვით ძალიან დაკვირვებულ მშობელსაც კი, შესაძლოა გამოეპაროს ბავშვის მხედველობის ხარვეზი. ბავშვი, რომელსაც აქვს მხედველობის პრობლემა, ძალიან ხშირად, თავადაც ვერ აცნობიერებს ამას.

რატომ უნდა შეექმნას მოსწავლეს დაბრკოლება განათლების მიღებისას, როდესაც შესაძლებელია თავიდან ავიცილოთ ამგვარი გართულება ძალიან მარტივი, სულ რამდენიმეწუთიანი პროცედურის გავლით?

„რონიკოს” ექიმ-ოფთალმოლოგის, კონტაქტოლოგის ნანა აფხაზავას განმარტებით, საკითხს მშობლის მხრიდან გაცნობიერებული მიდგომა სჭირდება. ზოგადად, მხედველობის დაქვეითების დადგენა ბავშვში სიცოცხლის პირველი დღეებიდან არის შესაძლებელი.

მხედველობის სწორი განვითარებისათვის კი სათვალის დანიშნვა აუცილებლად დროულად უნდა მოხდეს. ძირითადი ნიშნები, რითაც უნდა მივხვდეთ, რომ ბავშვს მხედველობასთან დაკავშირებული პრობლემები აქვს არის:

• თვალების მოჭუტვა
• ცალი თვალის გაძლიერებული ხამხამი
• სინათლეზე მომატებული მგრძნობელობა
• საგნებთან (ტელევიზორთან, წიგნთან, სმარტფონთან) მიახლოებული პოზიცია
• ყურებისას თავის ირიბი-გვერდული პოზიცია

პრობლემის ზოგადი ნიშნები კი ასეთია: წვა, ქავილი, სიწითლე, თავის ტკივილი წარბების არეში, ფოკუსირების გართულება.

ნანა აფხაზავას განმარტებით, არსებობს დაავადებები, რომლებისც სწორი სათვალის საჭირო პერიოდში ხმარებით, სრულად იკურნება. ასეთია ამბლიოპია ანუ ზარმაცი თვალი, სიელმე. ამ დროს საჭიროა სათვალე, რათა ადრეული ასაკიდანვე თვალს ჰქონდეს სრული კორექცია და მაქსიმალურად განვითარდეს მხედველობა. ამით დიაგნოზის - ზარმაცი თვალი ანუ ამბლიოპია თავიდან აცილებაა შესაძლებელი. წინააღმდეგ შემთხვევაში პრობლემა პროგესირებს.

ოპტიკური კომპანია „რონიკო“ ახალი სასწავლო წლის დაწყებასთან დაკავშირებით, სკოლის მოსწავლეებისათვის ახორციელებს აქციას - „მხედველობის დიაგნოსტიკა სწავლის დაწყების წინ“!

აქციის ფარგლებში სკოლის მოსწავლეებს შეეძლებათ ჩაიტარონ მხედველობის დიაგნოსტიკა „რონიკოს“ ოპტიკურ სალონებში განსაკუთრებული პირობებით. ასევე, საგანგებოდ ამ აქციაში მონაწილე სკოლის მოსწავლეებისათვის იმოქმედებს სპეციალური ფასდაკლება ოპტიკურ ჩარჩოებსა და სასათვალე ლინზებზე (მინებზე).

„რონიკოში“ წარმოდგენილია ბავშვებისთვის განკუთვნილი ოპტიკური ჩარჩოების განსაკუთრებულად დიდი ასორტიმენტი. კომპანია გთავაზობთ ბრენდ SWING -ის საბავშვო ჩარჩოებს, რომლებიც დამზადებულია სპეციალური მასალისგან.

მასალის უნიკალობა მდგომარეობს იმაში, რომ არის მაქსიმალურად დრეკადი, მსუბუქი და ანტიალერგიული. სათვალე არ ტყდება ბავშვის ნებისმიერი აქტივობის მიუხედავად, რაც განსაკუთრებით მნიშვნელოვანია უსაფრთხოების თვალსაზრისით. SWING-ის საბავშვო ოპტიკური ჩარჩოები გამოირჩევა ფერთა სიხალისით და ხელმისაწვდომი ფასით. ქსელი ასევე გთავაზობთ გერმანული ESCHENBACH-ის ხარისხიან და კომფორტულ მოდელებს ბავშვებისთვის.

ასე რომ დროა, წინასასკოლო სამზადისში მხედველობის გადამოწმების პროცედურაც ჩავრთოთ, რათა მშვიდად ვიყოთ, რომ ჩვენს შვილებს მხედველობის ხარვეზი დისკომფორტს არ უქმნის და განათლებას შეუფერხებლად იღებენ!