შემზარავი მკვლელობა ხობში - მამაკაცმა ორი ახალგაზრდა მოკლა და თავი მოიკლა

ხობში საზარელი მკვლელობა მოხდა, რის შედეგადაც გარდაცვლილია სამი ახალგაზრდა. არსებული ინფორმაციით, სოფელ პირველ მაისში შელაპარაკების ნიადაგზე ერთ-ერთმა ადგილობრივმა ორი ახალგაზრდა მოკლა და შემდეგ თავი მოიკლა. ადგილზე სამართალდამცველები მუშაობენ. ნაპოვნია ცეცხლსასროლი იარაღი.

აღნიშნულ ფაქტთან დაკავშირებით განცხადება პარლამენტის სხდომაზე „ევროპული საქართველოს“ წარმომადგენელმა ლელა ქებურიამ გააკეთა. “ახლა მაცნობეს შემზარავი ამბავი. ხობში სამი ახალგაზრდაა მოკლული, სამივეს ცეცხლსასროლი იარაღით მიყენებული ჭრილობები აქვთ შუბლში“ - განაცხადა ქებურიამ.

შსს-ს ინფორმაციით, საქმეზე გამოძიება სისხლის სამართლის კოდექსის 109-ე მუხლით მიმდინარეობს, რაც განზრახ მკვლელობას დამამძიმებელ გარემოებაში გულისხმობს.

იხილეთ ვიდეო: "ორი პირი მოკლა და შემდეგ თავი მოიკლა" - ახალი დეტალები ხობში სამი ახალგაზრდის მკვლელობაზე