რა ქონებას ფლობს ახალი მინისტრთა კაბინეტის ყველაზე ახალგაზრდა მინისტრი

ფინანსთა მინისტრის პოსტზე დიმიტრი ქუმსიშვილის ნაცვლად მამუკა ბახტაძე ინიშნება. განცხადება აღნიშნულის შესახებ გიორგი კვირიკაშვილმა კანცელარიაში გამართულ ბრიფინგზე გააკეთა. რაც შეეხება ყოფილ ფინანსთა მინისტრს დიმიტრი ქუმსიშვილს, ის ეკონომიკისა და ენერგეტიკის სამინისტროებს უხელმძღვანელებს, რომელთა გაერთიანებაც სტრუქტურული ცვლილებების ფარგლებში მოხდება.

პრემიერის თქმით, ბახტაძემ აჩვენა კონკრეტული შედეგები "საქართველოს რკინიგზის" მართვის პირობებში.

"მას აქვს ძალიან კარგი განათლება და გამოცდილება. მან აჩვენა კონკრეტული შედეგები "საქართველოს რკინიგზის" მართვის პირობებში. სწორედ ამ პერიოდში მოხდა "საქართველოს რკინიგზის" ინტეგრაცია აბრეშუმის გზის დერეფანში. დაიწყო ყურის ქვეყნებსა და შავი ზღვის დამაკავშირებელი ახალი სატრანზიტო დერეფნის შექმნაზე ძალიან აქტიური მუშაობა, მოხდა თანამედროვე მართვის სისტემების დანერგვა და ახალი თანამედროვე მოძრავი შემადგენლობის შემოყვანა. მამუკა ბახტაძე ტექნიკურ მეცნიერებათა დოქტორია, მან ბიზნესის ადმინისტრირების მაგისტრის ხარისხი მოიპოვა ინსეადის ცნობილ სკოლაში საფრანგეთში", - განაცხადა კვირიკაშვილმა.

მამუკა ბახტაძე 35 წლისაა, ის 1982 წელს თბილისში დაიბადა. დაამთავრა ივანე ჯავახიშვილის სახელობის თბილისის სახელმწიფო და საქართველოს ტექნიკური უნივერსიტეტები; ფლობს მ.ვ. ლომონოსოვის სახელობის მოსკოვის სახელმწიფო უნივერსიტეტის მაგისტრის ხარისხს. 2010 წელს, INSEAD-ის ბიზნეს სკოლაში მიენიჭა MBA-ს კვალიფიკაცია. 2013 წლამდე მუშაობდა საქართველოს საერთაშორისო ენერგეტიკულ კორპორაციაში, გენერალური დირექტორის თანამდებობაზე.

"ბიზნესპრესნიუსი" დაინტერსდა რა ქონებას ფლობს ფინანსთა მომავალი მინისტრი. მიმდინარე წლის 30 მარტს შევსებული ქონებრივი დეკლარაციის თანახმად, მამუკა ბახტაძის შემოსავალმა 2016 წელს "საქართველოს რკინიგზის" გენერალური დირექტორის თანამდებობაზე 220 474 ლარი შეადგინა  განაგრძეთ კითხვა

წაიკითხეთ: რა ვიცით მამუკა ბახტაძეზე, რომელიც ფინანსთა მინისტრის პოსტზე ინიშნება