25
აპრილიდღის ზოგადი ასტროლოგიური პროგნოზი
!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
"ჯორჯიან უოთერ ენდ ფაუერის" ინფორმაციით, ნაძალადევის რაიონში, დიდი ჯიხაიშის ქუჩის კაპიტალური რეაბილიტაცია ბოლო ეტაპზეა, რის შედეგადაც დიდი ჯიხაიშის ქუჩის მოსახლეობის წყალმომარაგება მნიშვნელოვნად გაუმჯობესდება.
როგორც "ინტერპრესნიუსს" "ჯორჯიან უოთერ ენდ ფაუერიდან" აცნობეს, კომპანია ახალი ქსელის ექსპლუატაციაში გაშვების მიზნით, გადაერთების სამუშაოებს აქტიურად აგრძელებს და 20 მარტს დაასრულებს. კომპანიამ წყალმომარაგების ინფრასტრუქტურა სრულად განაახლა: წყალსადნის ქსელის 3.6 კმ სიგრძის და წყალარინების ქსელის 1.7 კმ სიგრძის ამორტიზებული მონაკვეთები ახლით შეცვალა და 19 ახალი ევროსტანდარტის ჩამკეტ-მარეგულირებელი ურდული დაამონტაჟა. "ჯორჯიან უოთერ ენდ ფაუერმა" დიდი ჯიხაიშის ქუჩის სრული რეაბილიტაციისთვის 1.2 მლნ ლარის ინვესტიცია განახორციელა.
გადაერთების სამუშაოს წარმოებისთვის, GWP-ის ინფორმაციით, მაგისტრალური ქსელის წყლისგან დაცლა აუცილებელი, რის გამოც მოსახლეობას პერიოდულად, რამდენიმე საათის განმავლობაში წყალმომარაგება შეეზღუდება. ახალ ქსელზე გადაერთების სამუშაოების II ეტაპი ხვალიდან გაგრძელდება, რის გამოც 13 და 14 მარტს, დილის 10:00 საათიდან 18:00 საათამდე, წყალმომარაგება შეეზღუდება ნაძალადევის რაიონში: ჯავის, ზედაზენის, იმერეთის, გრუზინსკის, კოკინაკის და მოლიკოვის ქუჩებს.
"ჯორჯიან უოთერ ენდ ფაუერი" მომხმარებლებს დისკომფორტისთვის ბოდიშს უხდის და აცხადებს, რომ სამუშაოების მოკლე დროში დასრულებას შეეცდება.
