თბილისში 7-ვარსკვლავიანი სასტუმროს სტუმრებს დენის გამათბობლით ათბობენ
140 მილიონი დოლარის ინვესტიცია და უმაღლესი კლასის სასტუმრო თბილისში - ალბათ ყველას გახსოვთ ზაფხულში, გრანდიოზულად გახსნილი The Biltmore Hotel Tbilisi, რომელიც საქართველოში ჯერჯერობით ერთადერთი 7-ვარსკვლავიანი სასტუმროა.
"ბილთმორის" გახსნის შემდეგ, ლუქს-კლასის სასტუმროს შესაბამისი სერვისის "ლუქს-ფასებზე" თბილისში ლეგენდები დადის, თუმცა როგორც აღმოჩნდა, უმაღლესი კლასის სასტუმროში ჩვეულებრივი დენის გამათბობლით თბებიან.
ასეთი სიტუაცია დახვდათ დღეს სასტუმროში ადგილობრივი ეკონომიკური განვითარების მე-9 საერთაშორისო ფორუმზე მისულ მედიის წარმომადგენლებსა და სტუმრებს. სასტუმროს ფოიეში შეკრებილი ჟურნალისტები, დენის ერთადერთი გამათბობლის საშუალებით ითბობდნენ თავს.
"ბილტმორი და ჯანდაბა ამათ... შემდეგისთვის შეშის ღუმელი იქნებაო, დაგვპირდნენ" - ხუმრობენ ჟურნალისტები სოციალურ ქსელში, სადაც ფოტოებსაც ავრცელებენ.
მეგი ნარსავიძე
AMBEBI.GE
წაიკითხეთ: რატომ ათბობენ "ბილთმორის" სტუმრებს დენის გამათბობლით - სასტუმროში განმარტებას აკეთებენ
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
